Stap Lan mo Stap Gro
Yumi kam long wol blong yumi save lan mo gro mo kam olsem Papa long Heven wan dei (luk long Moses 1:39) ?Samtaem yumi mekem ol joes we yumi no glad long hem. Taem yu mekem sin o mekem wan mistek, hem i wan janis blong yumi tanem yumi go long Jisas Kraes.
Oltaem yu save gro mo traem bakegen taem yu mekem wan mistek o mekem wan rabis joes. !Papa long Heven mo Jisas Kraes lav blong Tufala long yu i stret evriwan mo oltaem Tufala i save helpem yu!
Evriwan I Save Sakem Sin
Blong jusum blong mekem wan samting we yu save se i go agensem komanmen blong God hem i sin. Papa long Heven i save se bae yumi evriwan i mekem sin mo mekem ol rabis joes. Hemia i from wanem Hem i sendem PikininiBoe blong Hem, Jisas Kraes. From Hem, yumi save sakem sin, filim lav blong Hem, mo mekem ol gudfala joes (luk long Inos 1:5–6). Tingbaot, promes blong Lod “Man we i bin sakem ol sin blong hem, mi fogivim hem, mo mi, Lod, mi nomo tingbaot ol sin ia bakegen.” (Doktrin mo Ol Kavenan 58:42).
Lanem Samting Aot long Ol Mistek
Ol mistek oli ol samting we yu no ting se bae hapen olsem. Samtaem ol mistek oli save mekem yu harem nogud o sem. !Be yumi no nid blong lukluk nomo long ol mistek blong yumi! Yumi save lan long ol mistek ia mo lego i go. Jisas Kraes i save helpem yumi wetem olgeta samting ia tu.
Pikja droing i kam long Tatsiana Burgaud