Përshëndetje nga Tajvani!

Tajvani është një ishull afër Hong‑Kongut. Atje jetojnë mbi 23 milionë njerëz. Gjuhët që fliten më shumë janë: mandarinisht, hokienisht dhe hakaisht.

Koha e Dremitjes!

Në Tajvan është e zakonshme nëpër shkolla dhe nëpër zyra pune që të dremitësh pas dreke.

Një Lule e Veçantë

Lulja e kumbullës u bë simboli zyrtar i Tajvanit në vitin 1964. Ata e zgjodhën atë ngaqë ajo lulëzon edhe gjatë dimrit.

Ngjitje e Shpejtë

Taipei 101 është ndërtesa më e lartë në Tajvan. Ajo ka një ashensor tejet të shpejtë që kërkon vetëm 37 sekonda për të shkuar nga kati i 5‑të deri në katin e 89‑të.

Male të Shumta

Më shumë se gjysma e Tajvanit është e mbuluar nga male. Ka edhe disa vullkane, por nuk kanë shpërthyer për qindra vjet.

Ylberi i Bukur

Ylberi me kohëzgjatjen më të madhe në botë ndodhi në Tajvan. Njerëzit mundën ta shihnin atë për gati nëntë orë!

Kremtimi me Balona Ajri me Flakë

Festivali i Balonave të Ajrit me Flakë në Tajvan, është një simbol shprese, gëzimi dhe bashkimi. Gjatë këtij festivali të madh, njerëzit bëjnë balona dhe i ngrenë lart në qiell.