« រូបកាយរបស់ប្អូនគឺជាអំណោយទាន ! » ទស្សនាវដ្តី ប្រិយមិត្ត ខែ ឧសភា ឆ្នាំ ២០២៤ ទំព័រ ៣៨–៣៩ ។
រូបកាយរបស់ប្អូនគឺជាអំណោយទាន !
រូបកាយខាងសាច់ឈាមបានកើតមកមានទំហំ រូបរាង សមត្ថភាព និងពណ៌សម្បុរខុសៗគ្នា ។ រូបកាយនីមួយៗគឺជាអំណោយទានដ៏អស្ចារ្យមកពីព្រះ និងជាផ្នែកមួយដ៏សំខាន់នៃផែនការរបស់ទ្រង់ !
រូបកាយទាំងអស់សមនឹងទទួលបាននូវការគោរព ។ សូមនិយាយដោយសន្តានចិត្តល្អអំពីរូបកាយរបស់ប្អូន និងអ្នកដទៃទៀត ។ មនុស្សអាចនិយាយរឿងមិនល្អអំពីប្អូន ប៉ុន្តែប្អូនមិនចាំបាច់ជឿពួកគេទេ ឬចាប់អារម្មណ៍នឹងពាក្យសម្ដីរបស់ពួកគេឡើយ ។
រូបកាយខាងសាច់ឈាមរបស់ប្អូនគឺជាគេហដ្ឋានសម្រាប់វិញ្ញាណរបស់ប្អូន ។ អ្វីដែលប្អូនដាក់នៅក្នុងរូបកាយ និងខួរក្បាលរបស់ប្អូនគឺសំខាន់ខ្លាំងណាស់ ! យើងអាចថែទាំរូបកាយរបស់យើងដោយការញ៉ាំអាហារដែលមានសុខភាពល្អ ហាត់ប្រាណ និងគេងឲ្យបានគ្រប់គ្រាន់ ។
យើងអាចថែទាំវិញ្ញាណរបស់យើងដោយការស្តាប់តាមព្រះវិញ្ញាណបរិសុទ្ធ ការអធិស្ឋាន និងការជ្រើសរើសត្រឹមត្រូវ ។
មនុស្សភាគច្រើនមានឆ្អឹងច្រើនជាង ២០០ ឆ្អឹង ។ ឆ្អឹងរបស់ប្អូនទ្រទ្រង់ និងការពាររាងកាយរបស់ប្អូន ។ សាច់ដុំរបស់ប្អូនជួយប្អូនផ្លាស់ទី ដើរ និងរត់ ។
សន្ទះបេះដូងរបស់ប្អូនបើក និងបិទច្រើនជាង ១០០,០០០ ដងក្នុងមួយថ្ងៃ ។ នេះជួយបូមឈាមរត់ឆ្លងកាត់រាងកាយរបស់ប្អូនទាំងមូល ។
ខួរក្បាលរបស់ប្អូនធ្វើការយ៉ាងលំបាកដើម្បីយល់ពីអ្វីគ្រប់យ៉ាងដែលប្អូនឃើញ ឮ និងមានអារម្មណ៍ ។ វាខ្លាំង និងលឿនជាងកុំព្យូទ័រ ។
នៅពេលប្អូនធំមានអាយុច្រើន រាងកាយរបស់ប្អូននឹងធំឡើង ។ ព្រះវរបិតាសួគ៌បានរចនារាងកាយរបស់ប្អូនដើម្បីបន្តផ្លាស់ប្តូរជីវិតរបស់ប្អូនទាំងមូល !
អ្វីដែលប្អូនបានធ្វើ ជាមួយនឹង រាងកាយរបស់ប្អូន គឺវាសំខាន់ជាងអ្វីដែលមើលឃើញទៅទៀត ។ តើប្អូនប្រើប្រាស់រាងកាយដោយសន្តានចិត្តល្អ ជាមួយអ្នកដទៃ និងខ្លួនឯង និងធ្វើតាមព្រះយេស៊ូវគ្រីស្ទឬទេ ?
សូមកុំប្រៀបធៀបរាងកាយរបស់ប្អូនទៅនឹងអ្នកដទៃ ។ ចូរចាំថា រូបកាយរបស់ប្អូនគឺជាអំណោយទាន ដែលព្រះវរបិតាសួគ៌ប្រទានឲ្យ !
រចនារូបភាពដោយ ជេហ្វ ហាវី