ពាក្យពេចន៍នៃដំណឹងល្អរបស់ខ្ញុំ

សូមរកមើលពាក្យ និងឃ្លាទាំងនេះនៅក្នុងទស្សនាវដ្ដី ប្រិយមិត្ដ ច្បាប់នេះ!

ព្រះបញ្ញត្តិ

ព្រះបញ្ញត្តិ គឺជាអ្វីដែលព្រះវរបិតាសួគ៌សុំឲ្យយើងធ្វើព្រោះទ្រង់ស្រឡាញ់យើង ។ ព្រះបញ្ញត្តិគឺជាការដឹកនាំដែលទ្រង់ប្រទានដល់យើងដើម្បីយើងអាចរីករាយ និងត្រឡប់ទៅកាន់ទ្រង់វិញនៅថ្ងៃណាមួយ ។ យើងមានពរជ័យនៅពេលយើងធ្វើតាមព្រះបញ្ញត្តិរបស់ទ្រង់ ។

អំណោយទានខាងវិញ្ញាណ

តាមរយៈព្រះវិញ្ញាណបរិសុទ្ធ ព្រះវរបិតាសួគ៌ប្រទានឲ្យយើងម្នាក់ៗនូវ អំណោយទានខាងវិញ្ញាណ ដើម្បីផ្ដល់ពរដល់អ្នកដទៃទៀត ។ មិនមែនគ្រប់គ្នាសុទ្ធតែមានអំណោយទានដូចគ្នានោះទេ ប៉ុន្តែមនុស្សគ្រប់រូបមានអំណោយទានខាងវិញ្ញាណពីព្រះ ។ ប្អូនអាចអានអំពីអំណោយទានមួយចំនួនទាំងនេះនៅក្នុង គោលលទ្ធិ និងសេចក្តីសញ្ញា ៤៦:១១–២៦ ។

ទីបន្ទាល់

ទីបន្ទាល់ គឺជាអ្វីដែលប្អូនជឿ ឬដឹងថាជាការពិតអំពីព្រះវរបិតាសួគ៌ ព្រះយេស៊ូវគ្រីស្ទ និងដំណឹងល្អរបស់ពួកទ្រង់ ។

ជីវិតដ៏នៅអស់កល្បជានិច្ច

សូមអរព្រះគុណចំពោះដង្វាយធួន និងដំណើររស់ឡើងវិញរបស់ព្រះយេស៊ូវគ្រីស្ទ នោះយើងអាចមាន ជីវិតដ៏នៅអស់កល្បជានិច្ច ដែលមានន័យថាយើងនឹងរស់នៅជារៀងរហូតជាមួយព្រះវរបិតាសួគ៌ ព្រះយេស៊ូវ និងក្រុមគ្រួសាររបស់យើង ។