Kom, fylg mér – Verkefni

Ritningarnar kenna hversu mikilvægt það er að halda boðorð Guðs (sjá Kenning og sáttmálar 42). Fáið einn til að vera leiðtoga og standa fyrir framan hópinn. Þegar leiðtoginn segir „grænt ljós“ geta allir haldið áfram. Þegar leiðtoginn segir „rautt ljós“ verða allir að frjósa!

Engill mun blása í básúnu þegar Jesús Kristur kemur aftur (sjá Kenning og sáttmálar 45:45). Búið til ykkar eigin pappírsbásúnu! Rúllið blaði upp í keilulagað mót og límið það saman. Þið getið líka bætt handfangi á básúnuna eða hringjum fyrir takka. Æfið ykkur síðan í að tala í básúnuna ykkar og segið hvers vegna þið elskið Jesú Krist.

Guð gefur hverjum manni andlegar gjafir. Það merkir að hann blessar okkur með hæfileikum fyrir tilstilli heilags anda (sjá Kenning og sáttmálar 46:11–33). Finnið tóma krukku eða bolla. Skrifið á blaðræmur mismunandi hæfileika eða gjafir sem einhver gæti haft. Skiptist á við að velja úr krukkunni og nefna einhvern sem þið þekkið sem hefur þá gjöf!

Fagnaðarerindi Jesú Krists er oft kallað hinn ævarandi sáttmáli (sjá Kenning og sáttmálar 49:9, 12–14). Nelson forseti hefur einnig nefnt það sáttmálsveginn. Skrifið á nokkur blöð hvernig við getum fylgt Jesú Kristi. Búið til veg með blöðunum og skiptist á að ganga á honum.