“Ngaahi Founga ʻe 5 ke Vahevahe ai ʻa e Ongoongoleleí,” Ko e Kaumeʻá, Fēpueli 2025, 38–39.
Ngaahi Founga ʻe 5 ke Vahevahe ai ʻa e Ongoongoleleí
ʻŪ tā fakatātā ʻa Josh Talbot
ʻI he folofolá, ʻoku kole mai ʻe Sīsū Kalaisi ke tau vahevahe ʻEne ongoongoleleí mo e niʻihi kehé (vakai, Maʻake 16:15). Ko ha founga faingofua ʻeni ʻe nima te ke lava ai ʻo vahevahe hoʻo fakamoʻoni ki he Fakamoʻuí ki ho ngaahi kaungāmeʻá mo e fāmilí!
ʻOmi haʻo kaungāmeʻa.
ʻOku talitali lelei ʻa e tokotaha kotoa pē ʻi he lotú! Fakaafeʻi haʻo kaungāmeʻa ki he Palaimelí pe ko ha ʻekitivitī ʻa e siasí.
Tauhi ha fakatātā ʻo Sīsū Kalaisi ʻiate koe.
Kosi ʻo toʻo ʻa e fakatātā ʻo Sīsuú pea tauhi ia ʻiate koe ke ke manatuʻi ke muimui ki Heʻene sīpingá. ʻI hoʻo hoko ko ha faʻifaʻitakiʻanga leleí, ʻokú ke vahevahe foki ai ʻa e ongoongoleleí!
Hiki ha ngaahi potufolofola ʻokú ke saiʻia aí.
ʻI hoʻo lau ʻa e folofolá, hiki ha ngaahi veesi ʻe niʻihi ʻokú ke saiʻia aí. Kapau te ke sio ki ha taha ʻoku faingataʻaʻia, te ke lava ʻo vahevahe ha potufolofola mo kinautolu!
Vahevahe hoʻo fakamoʻoní.
Te ke lava ʻo vahevahe hoʻo fakamoʻoni kia Sīsū Kalaisí ʻi ʻapi, ʻapiakó, pe ʻi he lotú. Tokanga taha pē ki hoʻo ngaahi ongo kiate Iá mo lea ʻaki ʻa e meʻa ʻi ho lotó. Huke ki he peesi 16 ke ʻiloʻi ʻa e founga naʻe vahevahe ai ʻe Kupa ʻene fakamoʻoní ʻi he lotú!
Lotu maʻá e niʻihi kehé.
ʻOku akoʻi kitautolu ʻe Sisū Kalaisi ke tau lotu maʻu pē (vakai, 3 Nīfai 19:15–36). Kapau ʻoku ʻikai ke ke fakapapauʻi ʻa e founga ke vahevahe ai ʻa e ongoongoleleí mo ha taha, fai ha lotu maʻanautolu, pea ʻe tokoniʻi koe ʻe he Tamai Hēvaní.