“Mālō e Lelei mei Kolomupiá!” Ko e Kaumeʻá, Fēpueli 2025, 9–10.
Mālō e Lelei mei Kolomupiá!
Tā fakatātaaʻi ʻe Andy Elkerton
ʻOku tuʻu ʻa Kolomupia ʻi he feituʻu fakatokelau-hihifo ʻo ʻAmelika Tongá. ʻOku laka hake ʻi he kakai ʻe toko 50 milioná ʻoku nofo ʻi aí. Ko e lea tuʻufonua ʻa Kolomupiá ko e lea faka-Sipeiní.
Fanga Tolofini Lanu Pingikī
ʻOku malava ke liliu ʻa e lanu ʻo e tolofini pingikī ʻi he vaitafe ʻAmasoní! ʻOku nau lanu kulei ʻi hono fanauʻí pea lava leva ke nau lanu pingikī ʻi he fakaʻau ke nau motuʻa angé.
Ko e Kolo Molé
Ko e La Ciudad Perdida (“ko e Kolo Molé”) ko ha kolo motuʻa naʻe faʻa nofo ai ha kakai ʻi he taʻu nai ʻe 1,225 kuohilí. ʻOku tuʻu ia ʻi loto ʻaupito ʻi he ngaahi vaotā ʻo Kolomupiá.
Sīsí ʻi he Sokoletí
Ko ha meʻatokoni manako ʻi Kolomupiá ʻa e inu sokoleti mafana mo ha siisi ʻoku vaia ʻi lotó.
Vaitafe ʻUmatá
Ko e Caño Cristales ko ha vaitafe ia ʻoku ʻiloa ko e “ʻumata vaí” pe ko e “vaitafe ʻo e lanu ʻe nimá.” ʻOku lahi ha ngaahi ʻakau lanu kehekehe ʻi he faliki ʻo e vaitafé.
Vaotā
Meimei ko e vaeua ʻo Kolomupiá ʻoku kāpui ia ʻe he vaotā. Ko e ongo vaotā lalahi taha ʻe ua ʻi he fonuá, ko e ʻAmasoní mo e Sokó.