“Kuo Fakafoki Mai ʻa e Lakanga Fakataulaʻeikí,” Ko e Kaumeʻá, Fēpueli 2025, 24–25.
Kuo Fakafoki Mai ʻa e Lakanga Fakataulaʻeikí
Ta fakatātā ʻa Amanda Smith
ʻOku Papitaiso ʻa Sīsū Kalaisi
ʻOku tau lau ʻi he Tohi Tapú ki hono papitaiso ʻe Sione Papitaiso ʻa Sīsū Kalaisí. Naʻe maʻu ʻe Sione Papitaiso ʻa e Lakanga Taulaʻeiki Faka-ʻĒloné—ko e mafai ʻo e ʻOtuá ke fai papitaisó. Naʻe papitaiso ʻa Sīsū ke tā ha sīpinga maʻatautolu.
Ko hono Maʻu ʻe Siosefa Sāmita ʻa e Lakanga Taulaʻeiki Faka-ʻĒloné
ʻI he taimi naʻe liliu ai ʻe Siosefa Sāmita ʻa e Tohi ʻa Molomoná, naʻá ne lau mo ʻŌliva Kautele fekauʻaki mo e papitaisó. ʻI he taimi naʻá na lotu ai ke ʻilo lahi angé, naʻe hā mai ʻa Sione Papitaiso! Naʻá ne foaki kiate kinaua ʻa e Lakanga Taulaʻeiki Faka-ʻĒloné.
ʻOku Papitaiso ʻa Siosefa Sāmita
Naʻe toe ʻi he māmaní ʻa e mafai ʻo e ʻOtuá ke fai papitaisó! Naʻe fepapitaisoʻaki ʻa Siosefa mo ʻŌliva ʻi he vaitafé.
ʻE Lava ke Papitaiso Mo Kitautolu Foki
ʻE lava ke papitaiso kitautolu ʻo hangē ko hono papitaiso ʻo Sīsū Kalaisí, ʻaki ʻa e Lakanga Taulaʻeiki Faka-ʻĒloné. Te tau lava ʻo fakatomala mei he ngaahi fili ʻoku koví pea toe hoko ʻo maʻa.