Nonga lolotonga ʻa e Sākalamēnití

Ko au pē mo hoku fāmilí ʻa e kau mēmipa ʻo e Siasí ʻi he feituʻu ʻoku ou nofo aí. Ko au pē ʻa e mēmipa ʻi hoku ʻapiakó. Kuo tuʻo lahi ʻeku taukaveʻi ki hoku ngaahi kaungāmeʻá ʻa ʻeku tui kia Sīsū Kalaisí. ʻOku ʻikai ke faingofua, ka ʻoku ou ʻilo ʻoku fiemaʻu ke u fili ki he totonú. Ko e founga ʻe taha ʻoku ou fili ai ki he totonú ko hono tufa ʻo e sākalamēnití.

Naʻá ku manavasiʻi ʻi heʻeku fuofua tufa ʻa e sākalamēnití. Naʻe ʻikai ke u loto ke u humu ʻo tō. Naʻe akoʻi au ʻe hoku kaungāmeʻá ki he meʻa ke faí. Naʻá ne tokoniʻi au ʻi hoku ʻuluaki Sāpaté. Ko e Sāpate ʻaukai foki ia, ko ia naʻá ku ʻaukai mo lotu ke ʻoua naʻá ku fai ha fehalaaki. Naʻá ku ongoʻi fiefia hili ʻeku tufa ʻa e sākalamēnití, pea naʻá ku ʻiloʻi naʻá ku fai ʻa e meʻa totonú. Naʻá ku ongoʻi nonga.

ʻOku fakaʻatā ʻe he sākalamēnití ʻa e tokotaha kotoa pē ke fakafoʻou ʻenau ngaahi fuakavá. ʻOku ongo fakaofo ke tokoniʻi ʻa e niʻihi kehé. Te u talaange ki ha kau tīkoni foʻou kehe ʻoku nau manavasiʻi ʻi hono tufa ʻo e sākalamēnití, ke nau lotu mo akoako. Ko e aʻusia lelei tahá ia. Tatau ai pē pe ʻokú ke ongoʻi he ʻikai tonu hoʻo fakahoko iá, ka te ke sai pē pea te ke ongoʻi fiefia ʻi he hili iá.

Tā fakatātā ‘a Chrisanne Serafin