“Ngaahi Fuakava mo e ʻOtuá,” Ko e Kaumeʻá, Fēpueli 2025, 2–3.
Mei he Kau Palesitenisī ʻUluakí
Ngaahi Fuakava mo e ʻOtuá
Toʻo mei he “Ngaahi Fuakavá mo e Ngaahi Fatongiá,” Liahona, Mē 2024, 93–96.
Ko e fuakavá ko ha tukupā ia ke fakahoko ha ngaahi meʻa pau. Hangē ko ʻení, ʻoku fuakava ʻa e kau toketaá mo e kau tāmate afí ke tokoniʻi ʻa e niʻihi kehé. ʻOku palōmesi ʻa e kau faifekaú ke tokoniʻi ʻa e kakaí mo akoʻi ʻa e ongoongoleleí.
Naʻe tohi ʻe he kau palōfita hangē ko Nīfai mo ʻĪsaiá fekauʻaki mo e ngaahi fuakava naʻe fai ʻe he Tamai Hēvaní mo Hono kakaí ʻi he kuonga muʻá. Te tau lava ʻo laukonga kau kiate kinautolu ʻi he ngaahi folofolá.
ʻI he taimi naʻe ui ai ʻe he ʻOtuá ʻa Siosefa Sāmita ko e palōfitá, naʻá Ne fakahinohinoʻi ʻa Siosefa ke fakafoki mai ʻa e ngaahi fuakava naʻe molé. Naʻe akoʻi ʻe Siosefa ʻa e kāingalotu ʻo e Siasí fekauʻaki mo e papitaisó, sākalamēnití, mo e temipalé.
ʻI he ʻaho ní, ʻoku akoʻi kitautolu ʻe Palesiteni Nalesoni ke tau muimui ʻi he hala ʻo e fuakavá. ʻOku langa ʻa e ngaahi temipalé ʻi he funga ʻo e māmaní kotoa. ʻOku tokoni ʻeni ki ha kāingalotu tokolahi ange ʻo e Siasí ke nau fakahoko ha ngaahi fuakava mo e ʻOtuá.
ʻOku ou fakamoʻoni kapau te ke feinga ke tauhi hoʻo ngaahi fuakavá, ʻe tāpuekina koe ʻe Sīsū Kalaisi.
Manatuʻi Ho Ngaahi Fuakavá
Naʻe akoʻi ʻe Palesiteni ʻOakesi fekauʻaki mo e founga ʻe lava ke tokoniʻi ai kitautolu ʻe ha ngaahi meʻa makehe ke tau manatuʻi ʻetau ngaahi fuakavá. Hangē ko ʻení, ʻoku fakamanatu ʻe ha foʻi mama mali ki he kakaí ʻa e ngaahi fuakava ʻo ʻenau malí.
Teuteuʻi ʻa e pā ko ʻení ke fakamanatu atu kiate koe ʻa e ngaahi fuakava kuó ke faí pe te ke fakahokó! ʻI heʻetau tauhi ʻetau ngaahi fuakavá, ʻoku maluʻi kitautolu ʻe he Tamai Hēvaní, pea te tau lava ʻo nofo ofi kiate Ia.
Ngaahi tā fakatātā ʻa Kelly Smith