Sio ki he Māmá

ʻI heʻeku kei siʻí, naʻe nofo hoku fāmilí ʻi ha faama. Ko ʻeku ngāué ke fafanga ʻa e fanga pulú. Ko ha lue lōloa mei hoku falé ki he fale tauhiʻanga ʻo e fanga monumanú. Naʻe ʻikai ko ha ngāue faingofua ʻeni kiate au ke u fai.

Naʻe ʻi ai ha ngaahi ʻaho ʻe niʻihi naʻe pau ke u lue ai ʻi he fakapoʻulí. ʻI he hokosia ʻa e taimi ke u foki ai ki ʻapí, naʻá ku ongoʻi ilifia ʻaupito! Naʻe hangē naʻe fuʻu mamaʻo hoku falé. ʻI heʻeku hū atu pē ʻi he matapā ʻo e ʻā ofi ki hoku ʻapí, naʻá ku lele ai pē ʻo aʻu ki ʻapi.

Naʻe lava ke u sio atu ki he ulo mai ʻa e māmá ʻi he ngaahi matapā sioʻata ʻo hoku falé. Kapau te u tokanga taha ki he maama ko iá, he ʻikai ke u ilifia. Naʻe ʻomi ʻe he māmá ha taumuʻa kiate au. Ka ʻi he taimi naʻe mavahe ai ʻeku tokangá mei he māmá, naʻe mālohi ange ʻeku ongoʻi ilifiá.

ʻOku faingofua ʻaupito ke te ongoʻi manavahē ʻi he māmaní ʻi he ʻahó ni. Ka ʻo kapau te tau tokanga taha pē ki he maama ʻa Kalaisí, ʻe fakaʻau ke holo ʻetau ongoʻi ilifiá. Te tau lava ʻo fili ʻi he ʻaho takitaha: Te tau tokanga taha nai ki he fakapoʻulí pe tokanga taha ki he māmá?

Ko e fānau kitautolu ʻa e ʻOtuá. Te Ne tataki malu kitautolu ki hotau ʻapi fakalangí.

Tā fakatātā ʻa Simona Love