Ko e Muimui kia Sīsū ʻi Kolomupiá

ʻOku muimui ʻa Lūpeni kia Sīsū Kalaisi ʻaki ʻene vahevahe ʻa e ongoongoleleí. ʻI ha ʻaho Sāpate ʻe taha, naʻe kole ai ʻe he palesiteni Palaimelí ki he fānaú takitaha ke nau foaki ha Tohi ʻa Molomona ki ha taha. Naʻe talanoa ʻa Lūpeni ki heʻene ongomātuʻá pea naʻá ne lisi ha kakai te ne lava ʻo foaki ki ai ha tohi. Naʻá ne fili ke ʻoange ha Tohi ʻa Molomona ki ha tangata leʻo naʻá ne fetaulaki mo ia ʻi he taimi naʻe hiki ai hono fāmilí ki ha kolo foʻou. Naʻá ne manavasiʻi, ka naʻá ne lotu ki he Tamai Hēvaní ke maʻu ha tokoni.

ʻOkú ne pehē, “Ko e taimi ʻoku ou muimui ai kia Sīsuú, ʻoku ou ongoʻi fiefia. ʻOku ʻi ai ha kakai ʻoku nau fiemaʻu ʻeku tokoní. Ko e taimi ʻoku ou tokoniʻi ai ʻa e niʻihi kehé, ʻoku ou ongoʻi nonga.”

ʻOkú ne manako ke lau ʻa e folofolá mo hono fāmilí, ako ʻa e Haʻu, ʻo Muimui ʻIate Aú, mo kai ʻaisi kilimi. ʻOkú ne tokoni ki hono fāmilí ʻaki ʻene fai ʻa e ngaahi ngāue fakaʻapí mo tokangaʻi hono tuofefine siʻisiʻí.

Taʻu Motuʻá: 10

Mei: Kunitinamalaka, Kolomupia

Lea Fakafonuá: Faka-Sipeini

Ngaahi Taumuʻá: Hoko ko ha ʻenisinia langa fale pe ko ha tokotaha vaʻinga soka

Ngaahi Ngāue Manakó: Vaʻinga keimi, ʻalu ki he pāká, mo e tā pianó

Fāmilí: Lūpeni, Mami, Teti, mo e tuofefine siʻisiʻí

Talanoa ʻi he Folofolá: Ko e taimi naʻe fakanonga ai ʻe Sīsū Kalaisi ʻa e tahí (vakai, Maʻake 4:35–41). ʻOkú ne fakahaaʻi ʻa e founga ʻe lava ke fakanonga ai kitautolu ʻe Sīsū ʻi he taimi ʻoku tau hohaʻa aí.

ʻAho Mālōloó: Kilisimasí—ʻOku saiʻia ʻa Lūpeni ke vahevahe ʻene ngaahi meʻaʻofá mo hono fāmilí!

Fuaʻiʻakaú mo e Vesitapoló: Siainé mo e polokolií

ʻŪ Lanú: Ko e ʻū lanu ʻi he fuka Kolomupiá (engeenga, pulū, mo e kulokula)

Hiva Palaimelí: “Tauhi ʻa e Ngaahi Fekaú” (Tohi Hiva ʻa e Fānaú, 68-69)

ʻŪ Faitā ʻa Carolina Triana