“Ko hono Maʻu ʻe Siosefa Sāmita ʻa e ʻŪ Lauʻi Peleti Koulá,” Ko e Kaumeʻá, Fēpueli 2025, 26–28.

Ngaahi Talanoa mei he Folofolá

Ko hono Maʻu ʻe Siosefa Sāmita ʻa e ʻŪ Lauʻi Peleti Koulá

Te ke lava ʻo lau ʻa e talanoa ko ʻení ʻi he Siosefa Sāmita—Hisitōlia 1:28–60.

ʻOku sio ʻa Siosefa Sāmita ki tuʻa ʻi he matapā sioʻatá

Hili ha taʻu ʻe tolu mei he ʻUluaki Mata Meʻa-Hā-Maí, naʻe ongoʻi loto-mamahi ʻa Siosefa Sāmita ʻi ha ngaahi fehālaaki naʻá ne fakahoko. Naʻá ne lotu ki he Tamai Hēvaní fekauʻaki mo ia.

Ko e tūʻulutui ʻa Siosefa Sāmita ʻo lotú

Lolotonga ʻa e lotu ʻa Siosefá, naʻe fakafonu ʻe he māmá ʻa e lokí. Naʻá ne mamata ki ha ʻāngelo ʻoku tuʻu ʻi he ʻataá. Ko e hingoa ʻo e ʻāngeló ko Molonai.

Ko e ʻaʻahi ʻa e ʻāngelo ko Molonaí kia Siosefa Sāmita ʻi hono lokí

Naʻe pehē ʻe Molonai naʻe ʻi ai ha tohi naʻe ngaohi ʻaki ha ʻū peesi koula, pe ʻū peleti. Naʻe tanu ia ʻi ha tafungofunga ofi ki he ʻapi ʻo Siosefá. Naʻe fekauʻaki ʻa e tohí mo ha kakai naʻe nofo ʻi he ongo ʻAmeliká ʻi he kuonga muʻá. Naʻe pehē ʻe Molonai ʻe tokoniʻi ʻe he ʻOtuá ʻa Siosefa ke liliu ʻa e tohí.

Ko e vakai hifo ki lalo ʻa Siosefa Sāmita ki he loto luó ke sio ki he ʻū peleti koulá

Naʻe ʻalu ʻa Siosefa ki he tafungofungá ʻo ʻilo ʻa e ʻū lauʻi peletí ʻi ha lalo maka mamafa. Naʻe haʻu ʻa Molonai ʻo ne pehē naʻe teʻeki mateuteu ʻa Siosefa ke ʻave ʻa e ʻū peletí.

Ko e lea ʻa e ʻāngelo ko Molonaí kia Siosefa Sāmitá

ʻI he matuʻotuʻa ange ʻa Siosefá, naʻe fetaulaki ʻa Molonai mo ia ʻi he tafungofungá ʻo ne ʻoange kiate ia ʻa e ʻū lauʻi peletí. Naʻe talaange ʻe Molonai kia Siosefa ke maluʻi kinautolu.

Ko e talanoa ʻa Siosefa Sāmita ki ha fāmili

Naʻe kamata liliu ʻe Siosefa ʻa e ʻū lauʻi peletí ki he lea faka-Pilitāniá. Naʻá ne fakaʻaongaʻi ha ngaahi meʻangāue makehe mei he ʻOtuá ke tokoni kiate ia. Naʻe pulusi ʻa e tohí ʻi he 1830 ko e Tohi ʻa Molomoná. ʻOku akoʻi ai fekauʻaki mo Sīsū Kalaisi mo ʻEne ongoongoleleí.