Mga Espirituwal na Kaloob

Si Moroni ay isang propeta noon. Nagsulat siya sa Aklat ni Mormon tungkol sa Ama sa Langit at kay Jesucristo.

Sumulat din siya tungkol sa mga espirituwal na kaloob. Ito ang mga talentong ibinigay sa atin ng Diyos sa pamamagitan ng Espiritu Santo. Maaari tayong pagpalain ng mga ito at tulutang pagpalain din natin ang iba.

Itinuro ni Moroni na maraming uri ng mga espirituwal na kaloob. Ang ilan sa mga kaloob na binanggit niya ay kaalaman, malaking pananampalataya, at paggawa ng makapangyarihang mga himala (tingnan sa Moroni 10:8–19).

Bawat tao ay may mga espirituwal na kaloob—pati na kayo! Maaari ninyong itanong sa Ama sa Langit at sa inyong mga mahal sa buhay kung ano ang inyong mga espirituwal na kaloob.

Ang iba pang mga espirituwal na kaloob ay kabaitan, pakikinig, at pagiging isang tagapamayapa.

Maaari Kong Basahin ang Aklat ni Mormon!

Pagkatapos mong magbasa, kulayan ang bahagi ng larawan. Maaari mong basahin ang mga talatang ito na kasama sa babasahin sa bawat linggo mula sa Pumarito Ka, Sumunod Ka sa Akin.

• Linggo 1: Eter 12:27

• Linggo 2: Moroni 4–5

• Linggo 3: Moroni 7:41

• Linggo 4: Moroni 10:32

• Linggo 5: Mosias 3:5–10

Mga larawang-guhit ni Corey Egbert