រៀន

ពេលខ្ញុំនៅរៀន តើខ្ញុំនឹងទទួលបានជោគជ័យដោយរបៀបណា ?

ម៉ោង ៖សូមដាក់ម៉ោងកំណត់ ៤៥ នាទីសម្រាប់វគ្គការរៀននេះ ។

អាន ៖យើងបានធ្វើឲ្យមានការរីកចម្រើនដ៏ខ្លាំងនៅក្នុងផែនការការអប់រំរបស់យើង ។ ប៉ុន្ដែពេលដែលយើងនៅរៀនជាក់ស្ដែងនោះ តើត្រូវធ្វើអ្វីដើម្បីបានជោគជ័យ ?

សប្តាហ៍ទី ១	សប្តាហ៍ទី ២	សប្តាហ៍ទី ៣	សប្តាហ៍ទី ៤	សប្តាហ៍ទី ៥	សប្តាហ៍ទី ៦
តើការងារប្រភេទណា ដែលនឹងជួយខ្ញុំកាន់តែប្រែក្លាយជាមនុស្សខ្លួនទីពឹងខ្លួន ?	តើការអប់រំណាដែលនឹងជួយឲ្យខ្ញុំមានលក្ខណៈសម្បត្តិគ្រប់គ្រាន់សម្រាប់ការងាររបស់ខ្ញុំ ?	តើខ្ញុំនឹងបង់ថ្លៃការអប់រំរបស់ខ្ញុំយ៉ាងដូចម្ដេច ?	តើខ្ញុំគួរដាក់ពាក្យសុំប្រាក់កម្ចីមូលនិធិអប់រំជាបន្ដបន្ទាប់ឬទេ ?	តើខ្ញុំនឹងទទួលបានជោគជ័យនៅក្នុងថ្នាក់រៀនបានយ៉ាងដូចម្ដេច ?	តើខ្ញុំនឹងទទួលបានជោគជ័យនៅខាងក្រៅថ្នាក់រៀនបានយ៉ាងដូចម្ដេច ?

អាន ៖សប្ដាហ៍នេះ យើងនឹងរកចម្លើយចំពោះសួរសំណួរនេះ ហើយយើងនឹងធ្វើសកម្មភាពនេះ៖

អាន ៖សំណួរប្រចាំសប្ដាហ៍—តើខ្ញុំនឹងបង់ថ្លៃលើការអប់រំរបស់ខ្ញុំយ៉ាងដូចម្ដេច ?

សកម្មភាពប្រចាំសប្ដាហ៍—ពង្រឹងដល់ការគោរពប្រតិបត្តិរបស់ខ្ញុំ ចំពោះគោលការណ៍ខាងវិញ្ញាណ និង កែលម្អជំនាញរៀនសូត្រ និង ទម្លាប់របស់ខ្ញុំ ។

ហេតុអ្វីក៏ព្រះអម្ចាស់ទូន្មានឲ្យយើងរៀនសូត្រ ?

អាន ៖ព្រះអម្ចាស់ និង ពួកព្យាការីរបស់ទ្រង់ បានទូន្មានយើងឲ្យស្វែងរកការអប់រំ និង ការបំពាក់បំប៉ន ទទួល ជំនាញជាច្រើន ដើម្បីបានការងារល្អ ហើយខិតខំធ្វើការ ។

មើល ៖« ការអប់រំគឺជាកូនសោទៅកាន់ឱកាស » ( ពុំមានវីដេអូឬ ? សូមអាន ទំព័រ ៩៣ ) ។

ពិភាក្សា ៖សូមចែកក្រុមៗដែលមានមនុស្សបីនាក់ ។ សូមចំណាយពេលពីរបីនាទី ដើម្បីពិចារណានូវសំណួរទាំងនេះ ៖ បន្ទាប់មកសង្ខេបនូវអ្វីដែលអ្នករៀនជាក្រុមមួយ ។

ហេតុអ្វីព្រះអម្ចាស់ចង់ឲ្យយើងទទួលបានការអប់រំ និង ការបំពាក់បំប៉ន ? តើទ្រង់អាចជួយយើងបានជោគជ័យឬទេ ?
តើការអប់រំ និង ការបំពាក់បំប៉នជួយយើង « តម្កើងការហៅ » ដែលព្រះប្រទានដល់យើងយ៉ាងដូចម្ដេច ?

តើខ្ញុំរៀនដោយសេចក្ដីជំនឿយ៉ាងដូចម្ដេច ?

អាន ៖សូមអានបទគម្ពីរនៅខាងស្តាំដៃ ។

« ចូរអ្នករាល់គ្នាព្យាយាមស្វែងរក ហើយបង្រៀនគ្នាទៅវិញទៅមក នូវពាក្យសម្ដីនៃប្រាជ្ញាវាងវៃ មែនហើយ ចូរអ្នករាល់គ្នាស្វែងរកពាក្យសម្ដីនៃប្រាជ្ញាវាងវៃ ចេញពីសៀវភៅដ៏ល្អៗបំផុត ចូរស្វែងរកការរៀនសូត្រ គឺដោយសារការសិក្សា និង ដោយសារសេចក្ដីជំនឿ » ។

គោលលទ្ធិ និង សេចក្តីសញ្ញា ៨៨:១១៨

អនុវត្ត ៖សូមជ្រើសរើសគោលការណ៍មួយនៅក្នុងតារាង ហើយអានវាដោយខ្លួនឯង ។ សូមសួរខ្លួនឯង ៖ « តើការណ៍នេះ អាចផ្លាស់ប្ដូររបៀបដែលខ្ញុំរៀនយ៉ាងដូចម្ដេច » ?

គោលការណ៍នៃសេចក្ដីជំនឿ
បន្ដនៅសក្ដិសម ។ « បើសិនជាឯងរាល់គ្នាស្ម័គ្រចិត្តតាម ហើយស្ដាប់បង្គាប់ នោះនឹងបានបរិភោគផលល្អនៃស្រុកដែរ » ( អេសាយ ១:១៩ ); « ហើយកាលណាយើងបានព្រះពរណាមួយពីព្រះ… នោះគឺដោយសារការគោរពដល់ក្រិត្យវិន័យនោះ ដែលព្រះពរនោះផ្អែកទៅលើ » ( គ. និង ស. ១៣០:២១ ) ។
ស្វែងរកព្រះវិញ្ញាណ ។ « ព្រះដ៏ជាជំនួយ… ទ្រង់នឹងបង្រៀនអ្នករាល់គ្នាពីគ្រប់សេចក្ដីទាំងអស់ ក៏នឹងរំឭកពីគ្រប់ទាំងសេចក្ដី » ( យ៉ូហាន ១៤:២៦ ); « ចូរព្យាយាមស្វែងរក ចូរអធិស្ឋានជានិច្ច ហើយចូរមានជំនឿ » ( គ. និង ស. ៩០:២៤ ) ។
ស្ដាប់ ពិចារណា ជឿ ។ « ចូរស្ដាប់តាមសំឡេងនៃព្រះយេស៊ូវគ្រីស្ទ ជាព្រះដ៏ប្រោសលោះរបស់អ្នក » ( គ. និង ស. ២៩:១ ); « សំឡេងតូចរហៀង » ( ៨៥:៦ ); « ចូរកុំឆ្ងល់ឡើយ… ចូរកុំសង្ស័យឡើយ តែចូរជឿ » ( មរមន ៩:២៧ ) ។
ធ្វើសកម្មភាពត្រូវចូលរួម « បើអ្នកណាចង់ធ្វើតាមព្រះហឬទ័យទ្រង់ នោះនឹងបានដឹង » (យ៉ូហាន ៧:១៧); « ខ្ញុំនឹងទៅ ហើយធ្វើនូវអ្វីៗដែលព្រះអម្ចាស់ទ្រង់បានបញ្ជា » ( នីហ្វៃទី១ ៣:៧ ); « មនុស្សលោកត្រូវឧស្សាហ៍ចូលរួម… ហើយនាំមកនូវសេចក្ដីសុចរិតដ៏ច្រើន » ( គ. និង ស. ៥៨:២៧ ) ។

សូមពិភាក្សាអំពីអ្វីដែលអ្នកបានរៀនជាក្រុម ។ តើអ្នកនឹងអនុវត្តគោលការណ៍ទាំងបួននេះនៅក្នុងជីវិតរបស់អ្នកយ៉ាងដូចម្ដេច ? តើអ្នកនឹងបង្រៀនគោលការណ៍ទាំងនេះទៅក្រុមគ្រួសាររបស់អ្នកយ៉ាងដូចម្តេច ?

អាន ៖យើងអាចរៀនដោយសេចក្ដីជំនឿ ពីព្រោះយើងស្គាល់សេចក្ដីពិត ! ព្រះគឺជាព្រះបិតាយើង ហើយយើងជាកូនចៅទ្រង់ ។ ទ្រង់ចង់ឲ្យយើងក្លាយដូចជាទ្រង់ ។ ព្រះអង្គសង្គ្រោះអាចជួយយើងដោយព្រះចេស្ដាររបស់ទ្រង់ ។ ព្រះវិញ្ញាណបរិសុទ្ធ អាចបង្កើនការយល់ដឹងរបស់យើង ហើយជួយយើងឲ្យចងចាំ ។ ដោយសារយើងស្គាល់សេចក្ដីពិតទាំងនេះ នោះយើងអាចមានសេចក្ដីជំនឿដើម្បីធ្វើជាអ្នករៀនដ៏អស្ចារ្យ !

តើខ្ញុំអាចរៀនសូត្រតាមរយៈការសិក្សាយ៉ាងដូចម្ដេច ?

អាន ៖បន្ថែមពីលើការរៀនសូត្រដោយសេចក្ដីជំនឿ នោះយើងក៏ត្រូវតែរៀនសូត្រដោយការសិក្សាផងដែរ ។ ការសិក្សាជាប់ទាក់ទងនឹងអ្វីដែលយើងធ្វើ នៅខាងក្នុង ថ្នាក់រៀន និង របៀបដែលយើងរៀប នៅខាងក្រៅ ថ្នាក់រៀនផងដែរ ។ សម្រាប់ពេលដែលនៅសល់ទាំងប៉ុន្មានក្នុងការប្រជុំនេះ យើងនឹងផ្ដោតទៅលើគន្លឹះទៅកាន់ជោគជ័យនៅខាងក្នុងថ្នាក់រៀនទាំងនេះ ។ សប្ដាហ៍ក្រោយ យើងនឹងពិភាក្សាអំពីការរៀបចំនៅខាងក្រៅថ្នាក់រៀន ។

រៀនសូត្រដោយការសិក្សា ៖ នៅក្នុងថ្នាក់រៀន

ចាប់យក ហើយចងចាំនូវអ្វីដែលខ្ញុំរៀន

ចូលរួមយ៉ាងសកម្ម ចែកចាយនៅក្នុងថ្នាក់

រៀន ហើយបំពេញតាមការរំពឹងទុក

រៀនដើម្បីធ្វើការប្រឡងដោយមានប្រសិទ្ធភាព

តើខ្ញុំកត់ចំណាំដើម្បីចាប់យកអ្វីដែលខ្ញុំរៀនយ៉ាងដូចម្ដេច ?

អាន ៖យើងកត់ចំណាំដើម្បីចាប់យកអ្វី ដែលយើងមើលឃើញ និង ស្ដាប់ឮនៅក្នុងថ្នាក់រៀន ។ យើងរំឮកមើលកំណត់ចំណាំទាំងឡាយនោះ ដើម្បីចងចាំនូវអ្វីដែលយើងបានរៀន ។

អនុវត្ត ៖សូមជ្រើសរើសមនុស្សម្នាក់ឲ្យអាន « ការអប់រំក្នុងជីវិតពិត » នៅទំព័រ ៩៤ ។ អ្នកផ្សេងទៀតក្នុងក្រុម គួរតែស្ដាប់ ហើយមើលទៅកំណត់ចំណាំនៅខាងក្រោម ។ តើកំណត់ចំណាំទាំងនេះ ចាប់យកនូវអ្វីដែលប្រធាន អាវរិង មានប្រសាសន៍ដែរឬទេ ?

១. សូមសរសេរចំណងជើង ឈ្មោះអ្នកនិយាយ ។

២. នៅពេលពួកគាត់និយាយ សូមសរសេរចំណុចគន្លឹះនៅក្នុងចន្លោះធំនេះ សូមសរសេរដោយសាមញ្ញ ។

៣. នៅពេលពួកគាត់និយាយ សូមសរសេរចំណុចគន្លឹះនៅក្នុងចន្លោះធំនេះ សូមសរសេរដោយសាមញ្ញ ។

៤. សូមសម្រេចចិត្តមើលថាអ្វីដែលសំខាន់បំផុតដើម្បីចងចាំ និងធ្វើ ។

ការអប់រំក្នុងជីវិតពិត ៖ ហិនរី ប៊ី អាវរិង
ព្រះអម្ចាស់ចង់ឲ្យខ្ញុំរៀនសូត្រ ព្រះគុណទ្រង់នឹងជួយ	ការផ្លាស់ប្រែចិត្តជឿ នាំមកនូវបំណងប្រាថ្នាដើម្បីរៀនសូត្រ
ព្រះអម្ចាស់ចង់ឲ្យខ្ញុំរៀនសូត្រ ព្រះគុណទ្រង់នឹងជួយ	ព្រះអម្ចាស់ចង់ឲ្យយើងរៀន និង បម្រើ
	ព្រះគុណទ្រង់ ជួយយើងឲ្យរៀនបានឆាប់រហ័ស និង កាន់តែប្រសើរ
ការរៀនសូត្រនាំឲ្យខ្ញុំធ្វើការបម្រើ	អាទិភាពដំបូង គឺការរៀនសូត្រខាងវិញ្ញាណ
ជីវិតពិត គឺជីវិតដ៏នៅអស់កល្បជានិច្ច !!	ព្រះអម្ចាស់ស្គាល់អ្វីដែលយើងចាំបាច់ត្រូវធ្វើ
	ជីវិតពិត គឺជីវិតដ៏នៅអស់កល្បជានិច្ច
	អ្វីដែលយើងបានរៀននឹងស្ថិតនៅជាមួយយើង
	ព្រះអម្ចាស់ចង់ឲ្យយើងរៀន បម្រើ
	អធិស្ឋានឲ្យកាន់តែច្រើនអំពីការសិក្សា ដោយពឹងផ្អែកលើព្រះវិញ្ញាណបរិសុទ្ធ

ពិភាក្សា ៖តើអ្នកបានរៀនអ្វីខ្លះអំពីការកត់ត្រាកំណត់ហេតុឲ្យបានល្អ ?

អនុវត្ត ៖ឥឡូវ សូមជ្រើសរើសនរណាម្នាក់ឲ្យអាន « ការរៀនសូត្រ និង ពួកបរិសុទ្ធថ្ងៃចុងក្រោយ » នៅទំព័រ ៩៥ ។ សូមស្ដាប់ ហើយកត់ចំណាំនៅក្នុងចន្លោះខាងក្រោម ៖

នៅខាងលើ សូមសរសេរចំណងជើង អ្នកនិយាយ និង កាលបរិច្ឆេទ ។
ពេលអ្នកស្ដាប់ សូមកត់ត្រាចំណុចគន្លឹះនៅផ្នែកខាងស្ដាំ ( ចន្លោះធំ ) ។
បន្ទាប់ពីការអាន សូមចំណាយពេលពីរនាទីដើម្បីធ្វើការសង្ខេប នៅផ្នែកខាងឆ្វេង ។
នៅខាងក្រោម សូមសរសេរអ្វីដែលអ្នកផ្លាស់ប្ដូរ ឬ ធ្វើឲ្យល្អប្រសើរ ។

ពិភាក្សា ៖សូមបៀបធៀបកំណត់ចំណាំរបស់អ្នកជាមួយនឹងសមាជិកក្រុមដទៃទៀត ។ តើអ្នកកត់ចំណាំបានល្អឬទេ ? តើអ្នកនឹងហាត់ធ្វើដូចនេះដើម្បីបង្កើតទៅជាទម្លាប់មួយបានយ៉ាងដូចម្ដេច ?

អាន ៖សូមចងចាំនូវរឿងទាំងនេះ ដើម្បីជួយយើងចាប់យកអ្វីដែលយើងរៀន ៖

សូមគូសបន្ទាត់នៅលើក្រដាសកត់ចំណាំរបស់យើងដើម្បីចែកខណ្ឌ ហើយធ្វើតាមជំហានទាំងឡាយ ។
សូមចាប់យកគំនិតសំខាន់ រួចបំពេញព័ត៌មានលម្អិតពេលក្រោយ ។
នៅក្នុងគំនិតរបស់អ្នក សូមភ្ជាប់ព័ត៌មានថ្មីទៅនឹងអ្វីៗដែលអ្នកដឹងរួចហើយនោះ ។

តើខ្ញុំកត់ចំណាំដើម្បីចាប់យកអ្វីដែលខ្ញុំរៀនយ៉ាងដូចម្ដេច ?

អាន ៖បើយើងមានភាពសក្ដិសម នោះព្រះវិញ្ញាណបរិសុទ្ធអាចជួយ « រំឭកពីគ្រប់សេចក្ដី [ ដល់យើង ] » ( យ៉ូហាន ១៤:២៦ ) ។ យើងក៏អាចបង្កើនកម្រិតចងចាំរបស់យើងបានច្រើន ដោយការរំឭកអំពីកន្លែងឈប់ណាមួយ ។ អ្នកវិទ្យាសាស្ត្របានបង្ហាញថា យើងអាចចងចាំបានស្ទើរតែ ទាំងអស់ នូវអ្វីដែលយើងរៀន បើយើងធ្វើតាមគំរូដូចខាងក្រោម ៖

ព័ត៌មានថ្មី	១ ម៉ោងក្រោយមក	១ ថ្ងៃក្រោយមក	១ សប្ដាហ៍ក្រោយមក	១ ខែក្រោយមក
សូមអានអ្វីមួយ ឬ រៀនអ្វីមួយនៅក្នុងថ្នាក់ ហើយកត់ចំណាំ	សូមចំណាយពេល ១០ នាទីដើម្បីរំឭកកំណត់ចំណាំរបស់អ្នក	សូមចំណាយពេល ១០ នាទី ដើម្បីរំឭកម្ដងទៀត សូមសង្ខេបកំណត់ចំណាំរបស់អ្នក	សូមចំណាយពេល ១០ នាទីដើម្បីរំឭកម្ដងទៀត	សូមចំណាយពេល ១០ នាទីដើម្បីរំឭកម្ដងទៀត នោះអ្នកនឹងមិនភ្លេចវាទេ !

ពិភាក្សា ៖តើអ្នកអាចផ្លាស់ប្ដូរទម្លាប់ការសិក្សារបស់អ្នក និង កាលវិភាគដើម្បីបញ្ចូលនូវការរំឭកទាំងនេះបានយ៉ាងដូចម្ដេច ? តើអ្នកយល់ព្រមធ្វើឬទេ ?

តើខ្ញុំចូលរួមយ៉ាងសកម្មក្នុងថ្នាក់រៀនយ៉ាងដូចម្ដេច ?

ពិភាក្សា ៖ហេតុអ្វីបានជាវាសំខាន់ ដើម្បីចូលរួមក្នុងថ្នាក់រៀន ឬ ក្រុមមួយនោះ ? តើអ្នកបង្ហាញដល់គ្រូបង្រៀនអ្វីខ្លះ នៅពេលអ្នកចូលរួម ?

អនុវត្ត ៖សូមវាយតម្លៃនូវការចូលរួមយ៉ាងយកចិត្តទុកដាក់របស់អ្នក តាមរយៈការឆ្លើយនូវសំណួរដូចខាងក្រោម ។

សូមគូសសញ្ញា « x » នៅក្នុងប្រអប់មួយនៃប្រអប់ទាំងបួន ដែលនៅជិតនឹងសេចក្ដីថ្លែងនីមួយៗ ដើម្បីបង្ហាញថា អ្នកកំពុងធ្វើនៅក្នុងផ្នែកនីមួយៗបានតាមរបៀបណា ។
នៅក្នុងក្រុមភាពខ្លួនទីពឹងខ្លួនរបស់យើងខ្ញុំបានរៀបចំខ្លួន ។ ខ្ញុំឆ្លើយសំណួរ និង ចូលរួមជាញឹកញាប់ ។	ពុំដែលសោះ	ពេលខ្លះ	ញឹកញាប់	ជានិច្ចកាល
នៅពេលខ្ញុំនៅក្នុងថ្នាក់រៀន ខ្ញុំបានរៀបចំខ្លួន ។ ខ្ញុំធ្វើតាមចំណែករបស់ខ្ញុំ ឆ្លើយ សួរសំណួរ និង ធ្វើនូវរាល់សកម្មភាពដែលតម្រូវឲ្យមានទាំងអស់ ។	ពុំដែលសោះ	ពេលខ្លះ	ញឹកញាប់	ជានិច្ចកាល
ខ្ញុំព្យាយាមដើម្បីជួយអ្នកទាំងឡាយនៅក្នុងក្រុម ឬថ្នាក់ខ្ញុំ ដោយការស្ដាប់ និងការសិក្សាយ៉ាងសកម្ម ឬការធ្វើការជាមួយពួកគេ ។	ពុំដែលសោះ	ពេលខ្លះ	ញឹកញាប់	ជានិច្ចកាល
ខ្ញុំសិក្សាជារៀងរាល់ថ្ងៃ ខ្ញុំរៀបចំពេលវេលាខ្ញុំ ហើយធ្វើតាមផែនការ ខ្ញុំធ្វើនូវកិច្ចការនានាទាន់ពេល ។	ពុំដែលសោះ	ពេលខ្លះ	ញឹកញាប់	ជានិច្ចកាល
ខ្ញុំព្យាយាមដើម្បីជួយគ្រូបង្រៀន និងអ្នកសម្របសម្រួលខ្ញុំ ដោយការស្ដាប់ និង ដោយការធ្វើឲ្យបានច្រើនជាងដែលពួកគាត់រំពឹងទុក ។	ពុំដែលសោះ	ពេលខ្លះ	ញឹកញាប់	ជានិច្ចកាល

ពិភាក្សា ៖តើអ្នកនឹងកែលម្អការចូលរួមយ៉ាងសកម្មរបស់អ្នកជារៀងរាល់ថ្ងៃយ៉ាងដូចម្ដេច ?

តើខ្ញុំធ្វើការប្រឡងដោយមានប្រសិទ្ធភាពបានយ៉ាងដូចម្ដេច ?

អាន ៖ការប្រឡងអាចនឹងពិបាក ។ ប៉ុន្តែវាចាំបាច់សម្រាប់យើង ដើម្បីបង្ហាញថា យើងរៀនបានល្អប៉ុណ្ណា ។ វាឲ្យយើងទទួលខុសត្រូវ—ដែលវាជាការល្អ បើយើងចង់ទទួលបានជោគជ័យនោះ !

ពិភាក្សា ៖សូមចែកចាយគំនិតរបស់អ្នកអំពីសំណួរទាំងនេះ ជាក្រុម ៖

តើអ្នកបានធ្វើអ្វីខ្លះ ដើម្បីប្រឡងដោយមានប្រសិទ្ធភាពនោះ ?
តើអ្នកភ័យខ្លាចអ្វីខ្លះ ក្នុងការប្រឡង ? តើអ្នកយកឈ្នះវាយ៉ាងដូចម្ដេច ?
តើអ្នកអាចផ្លាស់ប្ដូររបៀប ដែលអ្នកត្រៀមសម្រាប់ការប្រឡងយ៉ាងដូចម្ដេច ?

អាន ៖នេះជាអ្វីៗខ្លះទៀត ដែលយើងអាចធ្វើដើម្បីក្លាយជាអ្នកប្រឡងដ៏ល្អ ៖

សូមអធិស្ឋានដោយក្ដីជំនឿ! អធិស្ឋានមុនពេលសិក្សា និង មុនពេលធ្វើការប្រឡង ។
សូមខិតខំឲ្យបានហ្មត់ចត់ដើម្បីត្រៀមខ្លួន បង្កើតជាការប្រឡងសាកផ្ទាល់ខ្លួន មុនពេលប្រឡង ។
សូមគ្រប់គ្រងពេលវេលាអ្នក អំឡុងពេលប្រឡង សូមសម្រេចថា តើអ្នកត្រូវចំណាយពេលប៉ុន្មានក្នុងសំណួរ ឬវគ្គនីមួយៗ ពេលអ្នកចាប់ផ្ដើម ។
សូមអានសេចក្ដីណែនាំ ហើយអានសេចក្ដីណែនាំឡើងវិញដោយចិត្តទុកដាក់ ៖ តើវាចង់បានអ្វីពិតប្រាកដនោះ ?
សូមបញ្ចប់សំណួរដែលងាយបំផុតមុន ដើម្បីទទួលបានទំនុកចិត្ត រួចហើយត្រឡប់ទៅសំណួរផ្សេងៗ ។
សូមសួរថាតើអ្នកនឹងដឹងចំណុចអវិជ្ជមានចំពោះចម្លើយខុសឬទេ បើពុំមានទេ សូមស្មាន ។

តើខ្ញុំអាចធ្វើនូវអ្វីដែលគ្រូបង្រៀនរំពឹងទុកបានយ៉ាងដូចម្ដេច ?

ពិភាក្សា ៖ហេតុអ្វីបានជាវាសំខាន់ដើម្បីដឹង ហើយបំពេញតាមការរំពឹងទុករបស់គ្រូបង្រៀនរបស់អ្នក ?

អនុវត្ត ៖សូមបែរទៅរកសមាជិកក្រុមដទៃទៀត ។ ដែលមានម្នាក់ នឹងដើរតួជាគ្រូបង្រៀន ហើយអ្នកផ្សេងទៀតនឹងធ្វើជាសិស្ស ។ សិស្សគួរតែសួរដល់គ្រូបង្រៀននូវសំណួរដូចខាងក្រោម ។ គ្រូបង្រៀនអាចបង្កើតចម្លើយព្រាង ។ បន្ទាប់មកប្ដូរតួ ហើយធ្វើវាម្ដងទៀត ។

តើខ្ញុំអាចទទួលជោគជ័យក្នុងថ្នាក់រៀនរបស់អ្នកយ៉ាងដូចម្ដេច ?
តើអ្នកចង់ឲ្យយើងរៀន និងធ្វើអ្វីខ្លះ ?
តើអ្នកវាយតម្លៃស្នាដៃរបស់ខ្ញុំយ៉ាងដូចម្ដេច ?
តើអ្នកឲ្យតម្លៃទៅលើអ្វីខ្លាំងបំផុត ? ការចូលរួម ភាពរហ័សរហួន ការរៀបចំ? ឬអ្វីផ្សេងៗទៀត ?

ពិភាក្សា ៖ឥឡូវនេះ ដោយសារអ្នកបានហាត់រួចហើយតើអ្នកអាចធ្វើវា ជាមួយនឹងគ្រូបង្រៀនពិតរបស់អ្នកបានឬទេ ? តើនៅពេលណា អ្នកនឹងធ្វើដូចនេះ ?