សម្រាប់អ្នកសម្របសម្រួល

ថ្ងៃប្រជុំ ៖

សូមផ្ញើសារ ឬទូរសព្ទទៅសមាជិកក្រុមទាំងអស់ ។ សូមអញ្ជើញពួកគេឲ្យមកដល់មុនម៉ោង ១០ នាទី ដើម្បីរាយការណ៍ពីការតាំងចិត្តរបស់ពួកគេ ។
សូមរៀបចំឯកសារប្រជុំ ។ តើគ្មានសៀវភៅ ឬវីដេអូឬ ? អ្នកអាចទាញចេញមកពីគេហទំព័រ srs.lds.org។
បើអ្នកពុំបានផ្ដល់បញ្ជីសេវាកម្មភាពខ្លួនទីពឹងខ្លួនដែលពេញចិត្តដល់សមាជិកក្រុមម្នាក់ៗកាលពីសប្ដាហ៍មុនទេ សូមរៀបចំប្រគល់វាទៅឲ្យពួកគេនៅថ្ងៃនេះ ។ សូមទទួលយកបញ្ជីទាំងនោះ មកពីមជ្ឈមណ្ឌលភាពខ្លួនទីពឹងខ្លួនស្ដេករបស់អ្នក មកពីអ្នកជំនាញភាពខ្លួនទីពឹងខ្លួន ឬតាមអ៊ិនធើណែតនៅគេហទំព័រ srs.lds.org/pef។

សូមរៀបចំកៅអីជុំវិញតុ ដើម្បីឲ្យគ្រប់គ្នាអាចអង្គុយជិតគ្នា ។
សូមគូសតារាងការតាំងចិត្តនេះនៅលើក្ដារខៀន ដោយដាក់ឈ្មោះមនុស្សនៅក្នុងក្រុមអ្នក ( សូមមើលឧទាហរណ៍ខាងក្រោម ) ។

ឈ្មោះសមាជិកក្រុម	បាននិយាយនឹងមនុស្សយ៉ាងហោចណាស់ ប្រាំនាក់ អំពីផែនការការងាររបស់ខ្ញុំ ( សរសេរចំនួន# )	បានរៀបចំបទបង្ហាញផែនការការងារ ( បាទ / ច៎ាស/ ទេ )	បានអនុវត្តគោលការណ៍ មូលដ្ឋានគ្រឹះ ហើយបានបង្រៀនវាដល់គ្រួសារ ( បាទ / ច៎ាស/ ទេ )	បានដាក់ប្រាក់សន្សំបន្ថែម ( បាទ / ច៎ាស/ ទេ )	បានរាយការណ៍ទៅដៃគូសកម្មភាព ( បាទ / ច៎ាស/ ទេ )
គ្លូរៀរ	៨	បាទ / ច៎ាស	បាទ / ច៎ាស	បាទ / ច៎ាស	បាទ / ច៎ាស

សូមចែកក្រដាសព័ត៌មានទំនាក់ទំនងដល់សមាជិកក្រុម ( មកពីការប្រជុំលើកមុន ) ។
សូមឲ្យពួកគេបិទទូរសព្ទដៃ និងឧបករណ៍ដទៃទៀតរបស់ខ្លួន ។
សូមអធិស្ឋានបើក ( និងច្រៀងទំនុកតម្កើង បើចង់ធ្វើ ) ។
សូមឲ្យអ្នកទាំងឡាយដែលមកយឺតបិទទូរសព្ទដៃដោយស្ងាត់ស្ងៀម ហើយបំពេញក្នុងតារាងការតាំងចិត្ត ខណៈដែលក្រុមបន្ដធ្វើការពិភាក្សា ។
សូមដាក់ម៉ោងកំណត់ ២០ នាទីសម្រាប់វគ្គ មូលដ្ឋានគ្រឹះរបស់ខ្ញុំ
សូមបំពេញ គោលការណ៍ទី ២ ក្នុងសៀវភៅ មូលដ្ឋានគ្រឹះរបស់ខ្ញុំ ។ បន្ទាប់មកត្រឡប់មកសៀវភៅលំហាត់នេះវិញ ហើយបន្ដអាននៅទំព័របន្ទាប់.។