“Fren blong Yu Kam Folem Mi,” Liahona, Jenuware 2026.
Fren blong Yu Kam Folem Mi
Ol risos blong yia ia oli ademap niufala art wok mo ol niu tingting blong tingting long hem long taem blong stadi blong yu long OlTesteman.
I Tru Bae Mi Mekem Yu Go Fri, i kam long Eva Timothy, oli no save mekem kopi blong hem
?Bae i no naes sapos yu stap ridim ol skripja blong yu mo oltaem yu gat wan fren we i stap sidaon narasaed long yu mo stap mekem yu hapi? Maet wan we i laekem ol skripja mo i glad tumas se yu stap ridim olgeta, hem i stap glad tumas blong luk kaen ia. Oltaem ol fren blong yu bae oli talem ol samting olsem, “?Pat ia i naes ia?” “?Wanem tingting blong yu long ol ves ia?” “?Ooo hemia i olsem laef blong yumi nomo ah, wanem tingting blong yu?” Sapos enitaem yu stak o fasfas long wan sentens we i had tumas, maet fren blong yu bae i talem wan samting olsem, “okei, hemia wan nara wei blong tingting long hem. ?Hemia i help smol o?”—nomata sebae hem i mekemsua se bae i mekem o talem wan samting i rong. Nomata wanem, hem i wan fren.
Kam Folem Mi i kaen olsem fren ia. Stamba tingting blong hem i blong helpem yu blong gat wan naesfala eksperiens taem yu stap ridim ol skripja. Hemia i save poenem yu i go long ol stori we bae oli helpem yu blong bildimap fet blong yu long Papa long Heven mo long Jisas Kraes—mo afta, hemia i save helpem yu blong konektem ol stori ia i go wetem ol samting we oli stap hapen long laef blong yu. Hemia i save help taem yu gat ol kwestin, be oltaem, Kam Folem Mi bae i askem ol kwestin long yu bitim blong ansarem olgeta—from se, wan tru fren bae i neva stilim aot long yu ol gudfala filing ia blong stap faenemaot ol trutok long saed blong spirit, blong yuwan.
Kam Folem Mi i save mekem evri naesfala samting ia enitaem we yu ridim ol skripja. Yes, iven long taem we bae yu stap ridim OlTesteman long yia ia.
Moa long ol niu kwestin blong tingting long hem mo ol aedia blong ol aktiviti, bae yu faenem ol narafala pat we i save givim help insaed long Kam Folem Mi. Hemia i samfala skripja:
Bigfala Lukluk long OlTesteman
Kolosap long stat blong 2026 Kam Folem Mi, bae yu faenem wan bigfala lukluk abaot OlTesteman. Hem i olsem wan taemlaen we i tekem tu ol nem blong ol profet, ol king mo ol narafala impoten samting o pipol. Hemia i save help bigwan from se ol buk insaed long OlTesteman oli no stap evriwan long Kronikel oda [folem deit blong ol samting we i hapen]. Bigfala lukluk ia i save soem long yu, eksampol, weaples ol raeting blong ol profet olsem Aesea mo Jeremaea oli stret gud wetem histri blong Kingdom blong Juda. Yu save luk weaples ol stori blong Daniel mo Esta oli stret gud long boda blong OlTesteman pikja. Sapos yu eva filim se yu lus insaed long OlTesteman, tanem yu i go long “Bigfala lukluk long OlTesteman” blong save weaples blong stat.
Niufala Artwok
Twelef niufala peinting we oli givim raet long olgeta long Kam Folem Miblong yia ia. Sam long ol haelaet ia i tekem tu:
-
Inok I Luk Taem We Jisas Kraes Bae I Laef long Wol Ia blong Mekem I Hapen Rol blong Hem Olsem Sevya, i kam long Jennifer Paget, wan simbol we i ripresentem visen blong Inok abaot sakrifaes blong Sevya (luk long Moses 7).
-
Stanap olsem wan Witnes, i kam long Kwani Povi Winder, we i stap haelaetem “gel ya” we smol testemoni blong hem i lid i go long wan bigfala merikel (luk long 2 King 5).
-
Mi Gat wan Bigfala Wok blong Mekem, i kam long Tyson Snow, we i stap soem strong tingting we Nehemaea i gat blong bildimbak ol wol blong Jerusalem, nomata se ol enemi blong hem oli agensem hem (luk long Nehemaea 4).
-
I Tru, Bae Mi Mekem Yu Fri, i kam long Eva Timothy, wan pikja we i soem Jeremaea we i kam fri aot long wan kalabus we i fulap long sofmad we i kam long Ebed-melech, wan man Itiopia (luk long Jeremaea 38–39).
“Ol Tingting blong Gat long Maen”
Kolosap oltaem, namba blong stadi gaed blong evri wik insaed long Kam Folem Mi i stop smoltaem blong “Ol Tingting blong Kipim long Maen.” Hemia i ol smosmol stori abaot ol topik olsem, ol kavenan, sakrifaes, kam tugeta blong Isrel, mo ol poem o ol singsing blong OlTesteman. “Ol Tingting blong Kipim long Maen” oli givim ol histri toktok, ol niu tingting blong ol las dei ia mo ol simpol niu tingting we maet i save mekem i kam moa isi blong gat fet we oli stap bildim tru long ol eksperiens taem we oli stadi long OlTesteman.
Olsem long ol yia we i pas, Kam Folem Mi i no wan samting blong yu stadi long hem. Hem i wan kompanion blong yu nomo we i save helpem yu taem yu stadi long toktok blong God insaed long ol skripja. Hemia nao wanem we ol fren oli stap mekem long ol nara fren blong olgeta.