Riaona
N na Nako n Are Ko Bon Tuangai
Tianuare 2026 Riaona

“N na Nako n Are Ko Bon Tuangai,” Raona, Tianuare 2026.

Aika Itiaki n Aba Nako

N na Nako n Are Ko Bon Tuangai

Iroun Scott Hales

Te Tabo Ni Mwakuri ibukin Rongorongon te Ekaretia

E kiitana mweengana, ni mwananga n rinuukan te marawa bwa e na tataekina te euangkerio are e a tia ni kaokaki, ao e mate n ana ka 26 n ririki, ma bwainakin te kokoaua nakon ana berita.

tamnein Emma Purcell ao mitinare tabeman

Emma Purcell (te moan rinan) ao mitinare tabeman n te Samoan Mition, Okitobwa 1902

Ni Meei 5, 1901, Emma Purcell ae 17 ana ririki e butimwaea te wewete n te mition bwa e na nako Samoa. “I kakoaua nakomi, bwa n au beku ni kabane e na karaka riki ana mwakuri te Uea,” e koreia n te reta nakon Beretitenti Lorenzo Snow. E reita riki ana berita, “I kukurei n tainako ni katani reirein te Euangkerio, n tainako, n tabo nako, n tabo nako ake e kaoti iai.”

Ngke e katauraoia Emma bwa e na beku, e aki ataia bwa tera are e na kantaningaia. E bon rangi n onoti ibuakoia raona ni mitinare. E a bon tibwa waaki te Ekaretia ni weteia aine ake a tuai iein bwa mitinare aika bwanin aia tai teniua te ririki mai imwaina. Ao n taraana, ngaia te kabanea n uarereke i buakoia ake a weteaki.

Bon ti ngaia naba te moan aine ae te i-Samoa ni beku n te mition ae bwanin taina. E ngae ngke e maeka i Salt Lake City, e bon bungiaki i Malaela, te kaawa i tabon aban Samoan mai mainiku i Upolu. Ngke 12 ana ririki, e kitana mweengana ao ana utu n nako n reirei i Utah, 5,000 te maire (8,047 km) raroana.

Iangoan te oki nako Samoa imwiin nimaua te ririki e taraa n rangi ni kakukurei ao n kanakonano iroun Emma. Ni katauraoana n te maiu n tamnei, e karekea ana entaumente n te Salt Lake Tembora. N aroia mitinare ni boong aikai, e karaoi berita aika a tabu ma te Atua ao e anganaki berita bwa e na kakabwaia rinanon ana kakaonimaki.

Ao, n aron are e kaotaki n te karaki, e karaoa ana kabanea n tamaroa ni kawakin berita akanne ngke e beku ibukin te Uea.

Mai Upolu nako Utah—ao n Oki

E bungiaki Emma n Tuun 26, 1883, te kaitiman n nati irouia Viliamu ao Matafua Purcell. Ana utu bon teuana mai ibuakoia kain te utu n Euronesian (itera n Europe, itera n Polynesia) inanon ao ni katobibia Malaela. Tinana bon kain te aba ae Savai‘i, bon i meangin ao i maeaon Upolu. Tamana bon natin te IiEngiran are e roko i Samoa inanon 1834, ao e mare ma ainen Samoa, ao e maeka i Malaela.

E a tibwa ata taekan te euangkerio are e kaokaki Emma ngkai e maeka ma John ao Nanave Rosenquist, taanga aika Itiaki ni Boong aika Kaitira ake a karikia bwa kaanga natiia te aine ae a tabekia. E bwabetitoaki n ana ririki ae 12 n Nobembwa 3, 1895. Te mitinare are e ira ana taromauri ni bwabetito e kakoaua ni mwaakan te tamnei are e namakinna n tain te bwabetito.

Tabeua te namwakaina imwiina, John W. Beck, te beretitenti n te Samoa Mition, e karekea te kariaiakaki man te Moan Beretitentii bwa e na kanakoa Emma ao tabeman ataein Samoa nako Utah ibukin te reirei. E mwananga mai Apia, ana matabaiawa Upolu, ma Beretitenti Beck ao mitinare tabeman n Eberi 23, 1896. E ngae ngke a kariaia ana karo nakona, a bon taonako rannin mataia ngke a kabo ma ngaia.

E kaniia teniua te wiiki te mwananga iroun Emma i aon te kaibuke ao te turein nako Salt Lake City. Te kaawa ae bubura e rangi n raka riki buburana nakon ana kaawa i Upolu, ao e bae n namakina te rootaki ni kawaina aika tatabetabe ao karongoa aika e aki tataneiai iai. N te tai anne, ti tabeman kain Polynesia aika a maeka i Utah. N angiin te tai, akea temanna ae nonoria ae kaanga aekakina.

I Utah, e maeka Emma n te Salt Lake City n te Katebwi ma teniua n Uoote, e karekea te reirei ae tamaroa n te reirei ae e bwaibwai iai te Ekaretia, ao e teimatoa ana reitaki ma mitinare ake a oki man aia Mition mai Samoa. Imwiin kainakin te aro,i e noora ana konabwai ana bitiobi ao e marooro ma ngaia bwa e na katauraoi nakon te mwakuri ni mitinare i abana.

E butimwai ana taeka n taua ma nanona Emma, ao ngke e roko te wewete ni moan 1901, e a tauraoi.

Te beku i Malaela

E oki Emma nako Upolu n Turai 25, 1901, ni kukurei n noora tamana n tataningaia n te uaabu. Inanon nakona, e bua ana taetae n Samoa Emma. Ma ngke e kaoaki bwa e na karaoa te tataro ni kainiin n te bootaki, e kairia te Tamnei, ao e anga te tataro n oin ana taetae.

E katabeaki Emma bwa e na beku i Malaela, ana kaawa i abana, are e katea iai te reirei te Ekaretia man 1896. E kaira reireiakinaia ataein te reirei aika aine. E kaira naba te Mwaanga i Malaela irouia Ataeinnaine n te Mutual Improvement Association. Ni katoa Tabati ao rinanon te wiiki, e bae ni kabwarabwara ao n angareirei irarikiia mitinare ake tabeman.

N te moan tai, a kaitaraa ana mwakuri tabeman ana utu Emma n abana ao a kairoroa bwa e na kiitana te Ekaretia. Mai iroun ana beretitenti n te mition William G. Sears, “e katana ana mwakuri” ao e baireia bwa e na kawakina ana berita, n aki tabe ma te kakaitara.

E bon rangi ni konabwai n ai aroia naba raona n mitinare ake tabeman. N te taina, kanga te manikangare, uoman mitinare mwaane a kaibibita ranin nimana te moimoito ma te ran n tain te kaingabong. Te manikangare e a “kamaraka nanon” Emma, ma e kabooa mwiina nakoia mitinare mwaane n anganiia te moimoto ae renganaki ma te taoro n onean mwiin te tioka.

Irarikin aia mamanikangare mitinare, iai aia karinerine ae korakora nakon “Titita Purcell.” E nooria temanna te mitinare bwa e “onrake n te tamnei n ana aobiti ao n nakoana.” Temanna te elder e koroboki ma te kakaitau ibukin ana akoi neiei. N te taina, e katikui tabeua banana iaon kawaia Emma bwa e aonga ngaia ma toana n amwarake n aia tai ni mwananga.

Iaon rekooti a kaotia bwa e kabwarabwara iaon te kariaiakaki n te nakoanibonga, ana boki Moomon, ao tabeua atuun reirein te euangkerio. Imwiin ongoraau n ana kabwarabwara Emma iaon maiun ao ana mition Iotebwa Timiti, e korea aio temanna te mitinare, “I rang ni kukurei n ongora ana marooro, ao I nanoangaia ngke e a toki ana taetae.”

Te kananokawaki, e reke iroun Emma te aoraki ae te bubura ngke e a kan bane ana mition ao e karekea te kainaomataaki ae moantaai. A tang aine ao ataeinnaine n te reirei ngke a ataia are e na oki nako Utah. A karaoa ana bootaki ni karaure nakoina te mwaanga ae Malaela, n anganna ana kabanea n tai ni kabwarabwara. E “taetae ma angin nanona,” e kaotaki ni minitin te boowi, ao e kaungaiia ni kabane bwa a na teimatoa inanon te euangkerio.”

Te Mwananga ae Kanikinaeki n te Kakaonimaki

E teimatoa Emma inanon te koaua n te euangkerio—ao ana berita—ni karokoa tokin maiuna. I Utah, e reitanako ana reirei, ira te Polynesian komiuniti n te titeiki, ao e ibuobuoki ni moan rairan kuna n anene nakon te taetae n Samoa. N te taina, e a kaitibo naba ma kain te Aro ae kain Hawai ae arana Henry Kahalemanu. A mareaki n te Salt Lake Tembora n Tianuare 31, 1907.

Teniua te ririki imwiina, e motirawa Emma ngke 26 ana ririki ao e taunaki i Oosepa, aia tabo ni maeka aika Itiaki aika kaain Polynesia 60 te maire (97 km) i maeaon te Salt Lake City. E ngae ngke e kimototo maiuna, ana kakaonimaki nakon ana euangkerio Iesu Kristo are e kaokaki e teimatoa bwa te banna ni katoto ibukiia aika Itiaki ni katobibia te aonaaba, riki ataeinnaine ake a kaeka te wewete ni boong aikai.

Bwaai aika a na taraaki

  1. Ana reta Emma Purcell nakon Lorenzo Snow, Meei 5, 1901, Te Wewete n te nakoa ni mitinare ao rekomente n te Moan Beretitentii, 1877–1918, Church History Library, Salt Lake City.

  2. Taraa Matthew McBride, “‘Female Brethren’: Gender Dynamics in a Newly Integrated Missionary Force, 1898–1915,” Journal of Mormon History, vol. 44, no. 4 (Oct. 2018), 40-67.

  3. Taraa araia mitinare n aine, Susa Young Gates papers, circa 1870–1933, 6–9, Church History Library.

  4. Taraa Emma Purcell missionary genealogy form, Missionary Department missionary papers, 1888–1928, Church History Library; William G. Sears journal, July 6 and 25, 1901, Church History Library; “In Far Samoa,” Juvenile Instructor, Dec. 15, 1902, 759–60.

  5. Taraa Salt Lake Temple, Endowments of the Living, 1893–1956 (microfilm), 0,184,068, p. 41, FamilySearch Library, Salt Lake City; William G. Sears journal, July 25, 1901.

  6. Taraa James E. Talmage, The House of the Lord: A Study of Holy Sanctuaries Ancient and Modern (1912), 100.

  7. Taraa “Register of British Subjects Residing in the Samoa Islands,” 209–11, in Samoa, baptisms, 1863–1940, FamilySearch.org. Te utu n Euronesian i Malaela e raonaki n ana utu Viliamu ao Matafua Purcell, Thomas Purcell, ao John ao Nanave Rosenquist.

  8. Taraa death notice and obituary for Edward Ned Purcell in Samoa Times and South Sea Gazette, June 28, 1879, 2.

  9. Taraa Joseph Quinney journal, Sept. 17 ao Nov. 3, 1895, Church History Library.

  10. Taraa Emma Purcell booma n riki n mitinare; Joseph Quinney journal, Nov. 3, 1895.

  11. Taraa ana reta John W. Beck nakon te Moan Beretitentii, Feb. 25, 1896, Church History Library; “Samoan Mission Historical Record,” vol. 3, 1892–1896, Apr. 18, 1896, ana miniti ni kabuta te Samoa Mition, 1888–1970, Church History Library.

  12. Taraa “Samoan Mission Historical Record,” vol. 3, 1892–1896, Apr. 23, 1896; Joseph Quinney journal, Apr. 23, 1896.

  13. E roko Emma i Salt Lake City n Meei 12, 1896 (see Joseph H. Dean journal, May 12–13, 1896, Church History Library).

  14. Taraa Missionary Department missionary registers, 1860–1959, June 14, 1901, vol. C, iteraniba 143, rain 204, Church History Library; “In Far Samoa,” 759; “Ward Entertainments,” Salt Lake Tribune, June 5, 1901.

  15. Taraa ana reta Emma Purcell nakon Lorenzo Snow, Meei 5, 1901.

  16. Taraa Charles Warnick journal, July 25, 1901, Church History Library; William G. Sears journal, July 25, 1901.

  17. Taraa William T. Ogden journal, July 8, 1901, Church History Library.

  18. Taraa William G. Sears journal, Aug. 9, 1901; “Some Samoan Sunday Schools,” Juvenile Instructor, Sept. 1, 1901, 524.

  19. Taraa Wilford W. Emery journal, Mar. 19, 1902, Church History Library.

  20. TaraaMalaela Branch general minutes, 1897–1969, Jan. 28–June 3, 1903, Church History Library.

  21. Rongorongon ana angareirei Emma Purcell are e kona n reke ana miniti ni kabuta te Malaela Mwaanga, 1897–1969, ao Wilford W. Emery journal.

  22. Taraa William G. Sears journal, July 30–Aug. 3 ao Aug. 8, 1901.

  23. Taraa Wilford W. Emery journal, Apr. 1, 1902.

  24. William T. Ogden journal, July 5, 1901.

  25. Taraa Wilford W. Emery journal, Aug. 31, 1902.

  26. Taraa ana miniti ni kabuta te Malaela Mwaanga, 1897–1969, Beb. 5, 15, 19, ao 26, 1903; Mat. 8 ao 15, 1903; Ebe. 16 ao 26, 1903; Meei 10, 1903.

  27. Wilford W. Emery journal, Feb. 26, 1903.

  28. Taraa Wilford W. Emery journal, Feb. 25, 1903; ana reta Martin F. Sanders nakon Joseph F. Smith, Mar. 29, 1903, Church History Library; Malaela Branch general minutes, 1897–1969, Feb. 25, 1903.

  29. Taraa ana miniti ni kabuta te Malaela Mwaanga, 1897–1969, Tuun 17 ao 19, 1903.

  30. Ana miniti ni kabuta te Malaela Mwaanga, 1897–1969, Tuun 18, 1903.

  31. Taraa “The Sophomores,” The Gold and Blue, Oct. 23, 1905, 12; “Maoris Cook in Native Fashion,” Salt Lake Tribune, Aug. 29, 1906, 12; “Ward Entertainments,” Deseret News, Mar. 30, 1905, 5; F. Eugene Morris letter to the First Presidency, Oct. 16, 1903, in Letters (Martin F. Sanders), 1903 August–December, Church History Library; “Kaysville Kinks,” Davis County Clipper, Aug. 14, 1903, 1.

  32. Taraa te raitienti ni mare ibukiia Henry Kahalemanu ao Emma Esther Purcell, Jan. 31, 1907, Salt Lake, Utah, United States records, FamilySearch.org. Bwaai aika a na taraaki bwa FamilySearch lists Jan. 31, 1907, as the “sealing to spouse” bong ibukin Emma ao Henry.

  33. Taraa “Emma Esther Purcell,” Church History Biographical Database, history.churchofjesuschrist.org/chd.