“E Kamaraui Naano Ana Mwakuri n ibuobuoki Kristo, E Kauki Mataroan Waaki i Corsica,” Riaona, Tian. 2026.
E Kamaraui Naano Ana Mwakuri n ibuobuoki Kristo E Kauki Mataroa i Corsica
A anga ngaiia bwa a na ibuobuoki nakoia taan maeka n aro nako ake a kona, mitinare n aban te Mediterranean aikai a nanomatoa ni kaoia aomata bwa a na nakon Kristo.
E ataia te meeia mai Bastia bwa mitinare ake a tei i matana bon ianena. Bukin tera, e titiraki, ngkai kairake n ataeinimwaane a roko man aba tabeua ao a anga nanoia bwa a na ibuobuoki nakoia ana aomata n te aba ae Corsica?
Imwiin ana kainabwaabu, e butimwaea aia anganano ao e kaewenakoia bwa a na utimwaaka n roko n te moaningabong are imwiina bwa a na beniia ana auti ni iruaa ae uarerekel.
Ni bwainakin te kokoaua,a roko kairake n ataeinimwaane n te aoa 7:00 n te moaningabong n aron are a berita iai, n ingainga ao n tauraoi ni manga katia ana auti ni iruaa te meeia n te aba.ae kakateke i mataniwiin taari i France n te Mediterranean.
Ngke e roko te meeia imwiina n te auti ni iruaa n te bong anne e kunea bwa a teimatoa ni mwakuri mitinare iaan te riringa, “e rangi ni kukurei n nooriira ikekei,” e taku Jake Lowry, temanna mai ibuakoia mitinare ake a mwakuri n te tai anne.
E mimii n aia tatauraoi ni bwaoua iaon nuukaia ni buokiia aomata aika aki kinaia, e kabeebetea ana riribai ao e “tuangiira bwa ti na tekateka ao n tuangnga te bwai ae ti kainnanoia,” e taku te Tari Lowry.
A tibwa te euangkerio mitinare ao a tuangnga bwa oin aia kantaninga bwa a na kakabwaiaia aomata iaon aban Corsica. A karakina aia kangaanga ni kakaean aia tabo ni maeka ibukin aia riribai kain te aba nakoia ianena. Tabeua te namwakaina mai imwaina, mitinare ni kabane, a tia ni kamwaingaki nako man te aba ibukin kamanoaia. Ma mitinare aikai a tia ni manga kauka riki te mwakuri ibukiia mitinare.
E ongora te Meeia irouia mitinare. “N te ingabong are imwiina,” E taku te Tari Lowry, “e a tia n taua te tabo ae bon tau raoi ibukira ao te taeka n akoi are e koreia.”
N te tairiki anne imwiin rinnakoia n aia auti ni maeka ae boou, “uoman taan tei man ana aobiti te meeia a tei ni kamauriira ao ni kamatoa nakoira bwa ti butimwaeaki ao ti kamanoaki i nanon te kaawa,” e taku te Tari Lowry.
Te bwai ae riki n te tai ae uarereke, a moana rorokoia n bootakin te Tabati n te mwaanga te meeia ma kainnabana, are a tatangiria n anene ni kuna n taromauri. N te tai ae waekoa e a bwabetitoaki kainnaban te meeia.
Te Tano Bon
Man bwaai aika beebete ake a waaki ni moan te ririki 1990 tabun, e a tabe n nene waakaan te Ekaretia n te aba are e atongaki bwa te tabo are e bungiaki iai Napoleon Bonaparte. E waekoa n rikirake te mwakuri ni Mitinare. Imwiin teniua te namwakaina, e raka iaon 40 aomata ake a roko n ira te taromauri n te tabo ni bootaki are e baireia te meeia.
“Ngkana ti tanrikaaki, ti kona n nooria bwa bain te Uea e kakoaua n te tai ao e katea te Ekaretia iaon aban Corsica,” e taku Richard W. Thatcher, te beretitenti ngkoa n te France Marseille Mition, ngkai ai te France Lyon Mition.
Ma e aki bebete aron te moan roko iaon te aba. Te moan mwakuri ni katukakiia mitinare e kaitaraaki ma te riribai ao te kakamaku. “Iai namakinan kairiribai nakoia kain Buranti, irouia kain te aba I-Corsica ae rikirake ni moan te ririki 1990 tabun,” e taku te Tari Thatcher.
A kaota aki kukureia kain te aba i-Corsica man karaoan boom ni kamaunai aia mwakuri ianena ma aia karikirake. “Bon te bwai ae aki kakaraoaki,” e taku-Unimwaane Darin Dewsnup, “ngke e ongo taekan rebwetau aika a mwaiti ni katoa bong n te kaawa. Tiaki ngaira kain Buranti, ma tiaki naba ngaira kain Corsica.”
A kauringaki mitinare taekan waaki ni kakamaku, ao ngke e rebwetau te boom n te tabo ae kaan ma ngaiia, mitinare ake aman a kaokaki ao ni manga kanakoaki nakon mwakoron te mition i Buranti.
“Akea ara mitinare iaon te atimwakro,” e taku te Tari Thatcher, n taekinna bwa kangaanga bon angan karekean te reirei ao n rikirake.
Ana Mwakuri n ibuobuoki Kristo Bon te Kaeka
N ata riki oin te kantaninga mai karawa,a motinnanoia mitinare bwa a na kamatebwaia ana mwakuri n ibuobuoki te Tia Kamaiu n ae tamaroa riki n reiakina Ana kawai. A kamatebwaia Ana mwakuri n ibuobuoki ao ana nanoanga, are e raonaki ma kamwarakeaia ao kamarurungaia ao tangirakiia. N tokina a motinnanoia bwa te ibuobuoki anne e rangi ni kakaawaki ni karekekean onimakinaia irouia aomata ao ni beku n ana kawai te Uea.
Ni manga kabouan aia taratara ibukin te beku, teniman mitinare a kanakoaki bwa a na manga kauka te mwakuri i Corsica ni Maati 1992. N te tai aei, a kanakoaki nakon te kaawa ae te kauoua ni bubura, i Bastia. A nanomatoa ni kaitibo ma aomata n te aro ae a taneiai iai n onean mwiin te karebwerebwe iaon mataroa, are n tabetai e karekea te maaku irouia taan maeka.
“A kaekaaki ara tataro. Ti ataia te beku e kona ni kaota nanora ni koaua nakon te komiuniti ao ni kamaraui nanoia aomata ake a ribaia iabatera,” e taku Thatcher.
A kaotiia mitinare aika a boou nakoia taan maeka n anga aia ibuobuoki are a kona n aro nako ake a kona. A kouteute n aia onaroka utu, karaoi kaa, ao n aron te meeia, a beniia ana auti ni iruaa ae e a maan. A reke raoraoia, ao kamoamoaaki aia beku. Aki toki ni butimwaeaki bwa a na tekateka ni katoonga te kiraati n “limonata” (lemonade) ao a tuangaki bwa “tuangiira taekan ami ekaretia,” e taku te Tari Thatcher. N te tai ae waekoa, “e waekoa ni bitaki ara mwakuri ni mitinare.”
Aomata mai imwaina ake a karaki nakoia a bwabetitoaki iai ana utu Lota, are e kairi nakon karekan temanna riki. Ngke a roko mitinare ni mweengaia te koraki ake a kairaki nakoiia, te tina n te utu, are e a tia n tatataro ni kan ata te koaua, “e bwaka ni katorobubua n tang ma te kakaitau nakon te Uea ibukin kaekaan ana tataro.”
Katea te Reitaki I marenaia Kairiribai
Mai imwaina n aia mwakuri n ibuobuoki i Bastia, mitinare a anganano n te onaoraki ni Katorika, ma e totokoaki aia ibuobuoki ngke a ataaki aia aro iroun te monsignor. E ribaia bwa e na iai uoua aro ni Kriitian n te onaoraki.
Uoua te namwakaina imwiina, ni Meei 1992, e ingunako iteran te titeitiam ni butibooro n tain te bookakano, are a mate iai 19 ao ngaa ma ngaa taan mataku a kakaiaki ao ni uotaki nakon te onaoraki.
Ngke e ingunako te titeitiam ni butibooro i Corsica, a mate iai 19 ao ngaa ma ngaa a ikoaki, mitinare a kabanei aoa aika a mwaiti ni buokiia ao n tararuaia ake a mena n te onaoraki n te tabo are e bubutimwaeia aoraki ma kabuanibwai aika a karina.
Korotamnei iroun Craig Peterson
E onrake te onaoraki irouia ikoaki. Taan kaungaunga n te butibooro ake a ikoaki a kaoni ruu ao a karinanaki n te kawai n rin. Tabeman a kakibaaki nako kautuun te aba ibukin te tararua. Te monsignor, e rangi ni kainnanoia taan anganano aika a konabwai, e uringa aia kaati mitinare are a tia ni katikua ao e weteia bwa a na ibuobuoki.
Inanon 36 te aoa, a biriaitua mitinare man te mwakuri teuana nakon teuana, ni buoka tararuaia, n aron katinean rainin aia IV, karaoi kabaebae, kaitiaki ruu, ao kamwaingaia naake a ikoaki. A anga te kakabwaia n te nakoanibonga nakoia membwa n te mwaanga ake a ikoaki n te ingunako.
Ngke e noora aia mwakuri ae aki tokitoki mitinare te monsignor, e weteia n ikotiia ao e kairiia rinanon nako te onaoraki, n tuangiia aoraki bwa mitinare bon ana aomata te Atua ao a na kariaia bwa a na karaoi kakabwaia nakoia ake a ikoaki.
E ururing rikaaki te Tari Thatcher: “Ti karekea te karinerine ao mataiakinara irouia taan mwakuri n te ekaretia te nakoa ae kakaawaki man ara mwakuri n ibuobuoki.” E taku, E torobi nanoia ao e buoka kamaunaan te riribai n te komiuniti. “Aio e rangi ni kakaawaki n kanakoraoan ara mwakuri ni mitinare.”
E taku Jason Soulier, te beretitenti n te France Lyon Mition in 2024: “N te bong aei kamimiin te rikirake e reitinako n rikirake, n aki tarai kangaanga aika a riki aika a kakaokoro. Inanon 2024, 14 membwa n te Mwaanga are Bastia a mwananga nakon te Paris France Tembora ni karaoi mwakuri n te tembora ni boong aika a mwaiti, te kabanea ni bubura ni kurubu are e mwananga man aban te Mediterranean ae raroa nakon te tembora. N raonaki ma aia ibuobuoki taanga ni mitinare aika kaara ao niiman mitinare mwaane ao aine, e reitinako te Uea ni kakabwaia aban te bwaretaiti ma taan rairaki aika a boou.”