Fausiaina o se Faavae Fou

O le aso 18 o Iulai 2023, sa maliu ai le tagata aupito i sili ona tāua i loʻu olaga. O lo‘u tina sa avea ma o‘u malosiaga, o lo‘u poutu, ae o lo‘u vaivaiga foi. I lena taimi, sa ou le toe auai atu i le lotu ona sa ou faigaluega i aso uma, e aofia ai Aso Sa ma aso malolo, ma sa feiloai la‘u uarota i le 8:00 a.m. I se tasi taimi, ma le isi . . . ma sa avea ma taamilosaga leaga.

Ina ua maliu lo‘u tina, sa ou iloa ai sa ou le faaaluina le tele o lo‘u taimi ma ia. Sa amata ona ou salamo i le le faamutaina o la‘u galuega ia faaalu ai se taimi sili ma ia ina ua mavae le pe o lona tino ia Mati 2020. Sa soifua mo le isi tolu tausaga, ae talu ai sa masani ona ou i le galuega, ua ou lagona ai sa ou le‘i faapelepele moni i ona taimi mulimuli. Sa lofituina a‘u e lagona o le tausalaina. I lo‘u mafaufau, sa noatia au i se faasologa masani: galue, taimi faatulagaina faafomai, tausia o lo’u tina, moe, ma toe faaauau. Sa leai se avanoa mo se isi mea.

O iina sa ou malamalama ai i le mea moni: Sa le lava lo‘u talitonuina o le Atua. Sa ou matua faatauaina ou manaoga faaletino nai lo lo‘u olaga faaleagaga.

Ae o le maliu o lo‘u tina ua aumaia ai a‘u e toe latalata atili atu ai i le Faaola. Na avea o Ia ma o‘u lagolago. O Ia, sa ou maua ai le filemu ma le alofa sa ou manaomia e faafetaia‘ia le faanoanoa. Sa ou luiina au lava mo le 2024 e amata ona toe auai atu i sauniga faamanatuga.

Faatasi ai ma le faamalosiau a lo‘u pule, sa ou auai ai i le uarota a Puurai i le amataga o le 2024. O iina, sa faafeiloaia ai au e tagata lotu agaalofa ma mata ataata i-taimi uma. Sa avea ma ou nofoaga o sulufaiga i Aso Sa uma. O lou auai pea, sa ou lagonaina atili ai le le tuputupu a‘e malosi o le alofa a lo tatou Tama Faalelagi. O iina sa amata ai ona ou toe mafaufau loloto i au faamuamua o le olaga.

E moni, tatou te manaomia se galuega ma se tupe maua e ola ai, ae sa amata ona ou lagonaina le vaivai faalelagona, faaletino, ma faalemafaufau. O iina na tau mai ai ia te au e lou epikopo e uiga ia Tuafafine Tararaina Mana, o se faifeautalai o auaunaga ma o se faiaoga o matata i le matou uarota. Sa fai mai o ia e mafai ona ou feiloai i ai pe afai ou te manao i ai. Sa vave lava ona ou fiafia iai. Sa ou i le tulaga liliu ma ua le iloa po o le a le mea e fai.

I le Aso Sa, 2 o Iuni 2024, sa fai ai lau uluai sauniga faafaiaoga ma ia. Sa matuai ese lava lena uluai feiloaiga mai le tulaga sa ou mafaufauina. Sa ou manatu o le a pei o se aoaoga faaleaoga lea e te pikiina ai se matata e faatatau i lou faailoga, ae peitai sa matua sili atu! Mo le taimi muamua, sa fesili mai ai e se tagata ni fesili ia sa faatatau moni ia te a’u. I tala atu o lo’u talaaga faaleaoaoga, sa taulai atu lou faiaoga i ou manaoga, o ou faamoemoega—ia te au, faigofie lava.

Sa ma amataina ni gaoioiga ou te lei malamalama lelei i ai muamua. Sa ma amata i au “Aisea.” Faafetai i lena gaoioiga, sa amata ou mafaufau loloto ai e uiga i au sini ma le vaai i lou olaga. Na ou toe mauaina au lava. Sa ou aoao e faalogo ia te au lava, ia iloa au lava, ia talitonuina au lava. Sa ou iloaina ua galo ia te au po o ai au. Sa ou faatagaina au lava e faaumatia e ala i ou manaoga faaletino ma faamoemoega a le sosaiete.

Ua tuuina mai e le sosaiete se faataitaiga ia i tatou: suesue, tipiloma, galuega maoae, fale, taavale, ma le aiga. Ae o le mea moni e sili atu ona faigata. Fefe, masalosalo, ma le popole i manaoga faavae na pulea lou tuputupu a’e faaleagaga.

O le aso, o le eseesega i le va o ai sa avea ai au ma o ai au i le taimi nei e tele lava. Mai ia Setema 2024 i a Aperila 2025, sa ou faigaluega ai i ni galuega laiti eseese e kava ai tupe faaalu faavae a o tuu mai e le aoaoga ia te au le faaosofiaga ma aoao au i le aoaiga. Sa ou manao e fatuina ni avanoa faapolofesa mo au lava, o lea sa ou resitara ai mo ni suega eseese se tolu: leoleo falepuipui, tusipasi faapolofesa tau turisi, ma le polokalama tau le aoaoga o le SEFI ( o se ofisa mo galuega tau i le lotoifale).

Faafetai i lou faatuatua i le Atua, o lou tutumau, ma au vasega tau aoaoga, o lea ua ou umia nei se faailoga faapolofesa tau turisi. Sa pasi lau suega ulufale mo le matafaioi a leoleo o le falepuipui ma o loo ou resitara nei i le aoaoga “Pulea ma le Fatuina o Pisinisi” o se polokalama malosi e tolu-masina. Ua matala mai avanoa mo au!

I se tulaga patino, ua ou manatunatu nei i le sailia o sau soa e faavavau, se tasi e fausia ai lou aiga e faavavau. O le tuuina o Keriso i le totonugalemu o lou olaga ua avea ma filifiliga masani ma manino.

O aoaoga sa maua ai se aafiaga mamana i lou olaga. A aunoa ma na vasega masani, semanu o ou leiloa pea—maileia i le fefe, masalosalo, ma le le leai o se talitonuga faale-tagata. O le aso nei, ua ou iloa le mea ou te manao ai. Ua ou saunia e agai i luma Ma e mafai lava ona ou fai atu ou te mitamita mo au lava ma le ala na ou savalia, e ui lava na tumu i tofotofoga.

Faatasi ai ma le Alii i ou autafa ma tagata musuia e pei o lou faiaoga, ua ou iloa le mea ou te agai i ai. Ua le mafai ona ou faatali i lau galuega lelei ina ia mafai ona ou, i le taimi, toe tuuina atu ma faafetaia i latou sa lagolagoina au i le leai o se mea. O lena tulaga e taua moni ia te au.