Sāvali o le Kerisimasi a le Au Peresitene Sili

Tatou te olioli i le manatuaina o lo tatou Faaola, o Iesu Keriso. Na soifua mai o Ia i se tulaga maualalo. Sa folafola e agelu o le lagi Lona soifua mai. Sa Ia tala’i atu le talalelei o le salamo, faamoemoe, ma le ola e faavavau.

Sa ia faapupula mata o ē tauaso, faia ina ia faalogo ē na logonoa, faamalolo i ituaiga uma o puapuaga, ma faatutu mai ē ua oti. O Ia o le Alo e Toatasi na Fanaua e lo tatou Tama oi le Lagi, o le Ulumatua o fanau agaga a le Atua. E ala i Lana taulaga ma le Togiola e le iu, e mafai ai ona tatou faalelei ma le Atua e ala i le usiusitai ma le salamo.

I lenei vaitau o le malamalama ma le agalelei, tatou te olioli ai ia Iesu Keriso ma i Lana fuafuaga e faavavau o le fiafia. Matou te valaaulia outou ia saili atu ia te Ia ma faamanuiaga o Lona filemu. Manuia le Kerisimasi!

O Le Au Peresitene Sili