Reilo̧k n̄an Anij im Mour

Juun in iiō eo ļo̧k, juon jorrāān enana eaar waļo̧k ilo jikin eo an Lesotha ilo rōk in Africa. Juon baj edik ekar ektake 20 jiron̄ in Maputsoe Branch an Kabun̄ in im jilimjuon iaan ritōl ro aer ļo̧k n̄an kiāpitōļ city eņ, Maseru, n̄an juon kweilo̧k an jiron̄ ro jen Maseru Lesotho District. Ke raar itoi-tak ilo iaļ eo ilo jibbon̄ awa ko, juon wa ej itok ilo iaļ eo juon, kajjieon̄ in in eļļā jen bar juon wa, kar itok n̄an ion iaļ eo an baj eo. Ekar ejjeļo̧k jikin ak iien n̄an an kabōjrak jen aer itaak, im ilowan jidik wōt iien bwe wa ko ren itaak, kar dāpil ļo̧k jen iaļ eo, im kar uruurļo̧k kōn kijeek.

Koba in aolep armej ro, 15 armej rekar mej ilo joreen eo, ekoba jilijino jiron̄ ro, ruo ritōl an jiron̄ ro, im branch būreejtōn eo im kōrā eo ippen. Ro raar mour, ro uwan baam̧le, im ro jeran raar kwaļo̧k jon̄an en̄jake ko , ekoba iien in illu, inepata, im em̧ool bōd in kōm̧m̧an. Kōjekdo̧o̧n en̄jake kein im kajjitōk ko kar jab uwaaki, rekar kaeņōm̧m̧an doon im kar oktak n̄an Anij kōn al in jar ko rekwojarjar, jeje ko rekwojarjar, im jar, ijo rekar loe aeņōm̧m̧an. Setso’ana Selebeli jon̄ouljilimjuon–an–iiō ekar mour im kar kam̧ool, “Jisōs Kraist ej iakwe kōj im ej pād ipped, men̄e būruwōd ej būromoj.”

Juon jiron̄ im juon ritōl ro im rekar pād aujpitōļ n̄an kemour jen bwil rekar ekkatak Bok in Mormon eo ippen doon. Juon ekar ba, “Raan kein jej riit jen Moroni, im Moroni ej lukkuun jejjet an ba ta eo elok kar baj en̄jake. Iien eo ej kōnono, eaar einwōt n̄e ej ba, Kwoj aikuj in ekkatak naan kein kōnke raar jeje n̄an eok n̄an jipan̄ eok anjo ilo menin.’”

Ilo juon iien ilo̧mej n̄an ro me raar jako, Eria Jiljilimjuonn̄oul Elder Siyabonga Mkhize ekar ba, “Jej aikuj aolep oktak n̄an Irooj ilo iien in im kajjitōk Ippān n̄an kaeņōm̧m̧an būruwōd im … joļo̧k metak in me jej en̄jake.” Būreeejtōn eo an Jiron̄ ro jen ro mōttāer ilo Leribe Branch, Mampho Makura, ekar rōjan̄, “Reilo̧k n̄an Irooj, im pukōt kajoor n̄an bōk Ankilaan. Jisōs Kraist ej ‘rijeje eo im e ej rikadedeļo̧k in tōmak eo ad.’ [Hibru 12:2] Jab elļo̧k, ak reilo̧k n̄an E.”

Reilo̧k wōt n̄an E. Naan ko an liin rekar ālij kapilek eo an Alma n̄an ļeo nejin Hilam̧ōn “Lale bwe kwōn reilo̧k n̄an Anij im mour.” Alma ekar kwaļo̧k katak eo jen en̄jake eo an Lehi im armej ro an ippān Liaona eo: “Āindein an pidodo n̄an eo̧ron̄ naan eo an Kraist, eo enaaj jitōn̄ n̄an eok juon iaļ ejim̧we n̄an m̧ōņōņō indeeo, āinwōt eaar n̄an ro jemād n̄an eo̧ron̄ kam̧bōj in, eo eaar jitōn̄ļo̧k n̄an er juon iaļ ejim̧we n̄an āneen kallim̧ur.” Ekar ba, “eļan̄n̄e ren reilo̧k renaaj kar mour. … Im eļan̄n̄e jenaaj … reilo̧k jemaron̄ mour indeeo.”

Ilo bar juon iien, Alma eaar kwaļo̧k waanjon̄ak eo kōn jedpānit bronze eo kar kajutake jān Moses ke RiIsrael ro rekar naninmej jen jedpānit ro rebaijin. Irooj ekar jiron̄ Moses n̄an kōm̧m̧ane juon jekjekin jedpānit im kar lelōn̄ļo̧ke ioon juon jurōn flag kōn juon kallim̧ur “bwe jabdewōt eo em̧ōj kiji, n̄ej kalimjeke, im enaaj mour.” Alma ekar kōmļeļeiki bwe jekjek in bronze eo eaar juon jekjekin in kōkkaļļein Kraist, eo naaj kar lelōn̄ļo̧k ion debwāāl eo. Elōn̄ rekar reilo̧k im mour, ak jet rekar, ilo naan ko an Alma, “kar pen” bwe ren pidodo jab maron̄ reilo̧k im kar jako.

Alma ekar kajjitōk:

“Eļan̄n̄e kom̧ maron̄ kar mour jān wōt reilo̧k bwe kom̧in maron̄ mour, kom̧in kar ke m̧ōkaj im reilo̧k, ak kom̧in ke kar kapene wōt būruōmi ilo jab tōmak, im jowan, bwe kom̧in jab reilo̧k, bwe kom̧in maron̄ jako?”

“ … Innām kom̧in reilo̧k im jino tōmak ilo Nejin Anij, bwe Enaaj itok n̄an lo̧mo̧o̧ren armej ro An, im bwe Enaaj en̄taan im mej n̄an pinmuur kōn jero̧wiwi ko aer, im bwe Enaaj bar jerkak jān ro remej, eo enaaj kakūrm̧ool jerkakpeje, bwe aolep armej renaaj jutak Im̧aan, n̄an ekajet ilo raan eo āliktata im raan in ekajet, ekkar n̄an jerbal ko aer.”

Aaet, kapilōk eo “Reilo̧k n̄an Anij im Mour” ewōr meļeļein n̄an kōj jab wōt ilo indeeo, ak bareinwōt kipel n̄an kōm̧m̧an em̧m̧an ilo bōnjān im aorōk in mour in wabanban eo ad. Kemeemej naan ko an jiron̄ Sister Selebeli ilo Lesotho me ekar kwaļo̧ki —““Jisōs Kraist ej iakwe kōj im ej pād ipped, men̄e būruwōd ej n̄ūr.”

Ej pād ilo paotok in juon laļ ejerawiwi—ijo devil eo ej matōrtōr im ijo jikin aolep rijab wānōk—bwe enaaj wōr inepata ko im latipņōl ko, en̄taan im būrom̧ōj, jab jerbal im jako, matōrtōr im jab jim̧we. En̄in ej reilōk wōt n̄an Anij bwe kajojo armej, baam̧le ko, im bareinwōt laļ ko ren jebar. Būreejtōn Russell M. Nelson eaar katakin, “Kōn Rilo̧mo̧o̧r eo, kōn Pinmuur eo An, kar kōtlok kōj jān mōjno, likjab ko, im jerawiwi, im kōnke Eaar eñjake aolep metak, inepata, im eddodo ko kwomaroñ kar būki [lale Alma 7:11–13], innām ilo am ukwelok im kappukot jipañ eo An, kwomaroñ anjo̧ ioon ajiwiwi ko an mour in.”

Ejjeļo̧k kallim̧ur rej kar āliji emakijkij ļok ilo jeje ko rekwojarjar an Bok in Mormon jen in: “Jon̄an wōt ami naaj kōjparok kien ko Aō kom̧ naaj jeraam̧m̧an ilo āneo; ak jon̄an wōt ami jab kōjparok kien ko Aō naaj m̧wijitļo̧k kom̧ jān im̧aan meja.” En̄jake in mour eo an armej ro ilo Bok in Mormon bukwi iiō ko remootļo̧k ej kōmļeļeiki m̧ool eo an naan kein. “Jeraam̧m̧an” meļeļein bōk tōl im kōjeraam̧m̧an ko an lan̄ ilo mour ko aer. “Jeraam̧m̧an” meļeļein tōpak lebōļ in jon̄an m̧weie–oņaake eo ej kōtļo̧k aer m̧are, ejaake baam̧le ko, im jerbal in karejar n̄an aikuj ko an ro jet. “Jeraam̧m̧an” ekoba jon̄an eo n̄an ļōn̄jak ilōn̄in men ko repen im mālijjon̄. Kōn jouj eo an Kraist, “men otemjej rej jim̧or jerb[ale] n̄an em̧m̧an eo [aer],” kar liklik er, im kam̧wilaļ jemjerā eo aer Ippān.

Alma ekar kōmļeļeik bwe reilo̧k n̄an Anij ej n̄an kōjparok kien ko An, kūr n̄an E ilo wōnmaanļo̧k wōt kōn jipan̄ eo An, pepe Ippān ilo aolep kōm̧m̧an ko am̧, būruōm̧ en obrak kōn kam̧m̧oolol ko n̄an E raan im bon̄. Kien ko an Anij im pepe ko rej pād ilo jeje ko rekwojarjar im naan ko an ro Rikarejeran. Pedped ko im po ļōmān ko rej waļo̧k ilo “Baam̧le Eo: Juon Naan in Kean̄ n̄an Laļ in” rej juon waanjon̄ak eļap. Eo juon ej juon unin tōl ej waļo̧k ilo bok jidik eo N̄an Kōkajoorļo̧k Jodikdik ro. Unin tōl eo an Likao ro im Jiron̄ ro n̄an iiō in ej “Reilo̧k n̄an Kraist,” kar letok jān tōl im kaeņōm̧m̧an eo an Irooj n̄an Josep Smith im Oiver Cowdery: “Reitok n̄an Eō ilo ļōmņak otemjeļo̧k; jab pere, jab mijak.” N̄an kōkajoorļo̧k Jodikdik ro ej kōnono kōn jejjo ian kien ko remenin kakaiirir an Anij im jon̄ak ko im ej katakin ewi wāween reilo̧k n̄an Irooj ilo kōm̧m̧ani kāālet ko rem̧m̧an. Ej juon unin tōl jab wōt n̄an jodikdik ro ak n̄an aoleped wōj.

Āinwōt juon waanjon̄ak elukkuun aorōk, N̄an kōkajoorļo̧k Jodikdik ro ewōr ie tōl eaorōk ilo jepta in taitōl eo “Ānbwinūm̧ ekwojarjar.” Ej katakin, “Kōm̧man n̄an ānbwinūm̧—im ānbwinin ro jet—ilo kauteij. Ilo am̧ kōm̧m̧an kāālet ko kōn nuknuk, wāween kōm̧m̧ane bōram, paaktokim, kajjitōk ippam make, “N̄aij ke kauteij ānbwinū āinwōt juon menin letok eo ekwojarjar jān Anij?”

N̄an kōkajoorļo̧k Jodikdik ro ej bar kwaļo̧k, “Kōm̧man bwe kiki ippān doon im en̄jake ko an kanniōk ren ekwojarjar. Rejjab aikuj kein kōnono ko n̄an kōm̧m̧an kōjak ak kein kaloojoj. Pād ko itulikin m̧arre ikōtaan juon em̧m̧aan im juon kōrā, ejjab jim̧we n̄an jibwe ijoko rettiņo im ekwojarjar ilo ānbwinin juon armej men̄e ej nuknuk. Ilo kālet eo am̧ kōn ta eo kwōj kōm̧m̧ane, lale, riiti, ron̄jake, ļōmņak kake, likūt ilo mejatoto, ak jeje, bōbare jabdewōt men ko ewōr kōttōpar ie n̄an karūj ļōmņak in ļōn̄ ko ilo jet ak ilo kwe make.”

Menin ej bar kakeemej kōn juon ian kapilōk ko an Būreejtōn Nelson kiin jeṃaanḷọk:

“Jejjo men renaaj kapen mour eo am̧ eļapļo̧k im m̧ōkajļo̧k jān am̧ kakkure kien [in ekwōjarjar]. N̄an ro em̧ōj aer kōm̧m̧an bujen ko ippān Anij, mour jab erreo ej juon iaan wāween ko rōm̧ōkaj n̄an luuji naan in kam̧ool eo am̧.

“… Kajoor eo n̄an ejaak mour ej juon jeraam̧m̧an in kwojarjar eo me Jemedwōj Ilan̄ ej kōtļo̧k an ajri ro nejin kōjerbale. Menin, Anij ej letok unin tōl ko ralikkar n̄an kōjerbale, kajoor in ekwojarjar. Pālele ej wōt n̄an juon em̧m̧aan im juon kōrā ro rekar m̧areik doon.

“Aolepān laļin ejjab tōmak menin, ak meļeļe eo an public ejjab armej eo ak juon opiij ej peek ta m̧ool eo. … Irooj ekar kwaļo̧k bwe ejjeļo̧k armej ettonoon enaaj tōpar aelōn̄ in selestial. … Im eļan̄n̄e kwaar jab erreo, ij akweļap ippem̧ n̄an ukweļo̧k. Itok n̄an Kraist im bōk kallim̧ur eo An lukkuun jeorļo̧ki ilo am̧ lukkuun ukweļo̧k jān jerawiwi ko am̧ [Lale Aiseia 1:16–18; Katak im Bujen Ko 58:42–43].”

Kemeemej bwe kallim̧ur eo ilo Bok in Mormon, oktak eo an jeraam̧m̧an ej jab jerata—eaar einwōt m̧wijitļo̧k kom̧ jān im̧aan mejān Irooj. Mejān Irooj ej kōnono kōn kajoor in Jetōb eo An ilo mour an juon armej. Aolep rej obrak kōn meram an Kraist ilo aer itok n̄an laļin. N̄an kakobaba, jet rej kāālet n̄an peptaij im bōk menin letok eo im kobaik tok meram an Jetōb Kwojarjar. Ej bōktok im̧we im tōl, ej kōļapļo̧k im kōkm̧anm̧anļo̧k tōļan ko an juon armej im maron̄ ko, im ej jipan̄ joļo̧k kajoor ko renana, kāālet ko reļam waan, im jemļo̧k ko ejjeļo̧k tokjāer.

Āinwōt kwe, ijeļā jet armej ro raar bōk menin letok eo an Jetōb Kwojarjar ijoke ro me raar likjab in kōjparok kien ko an Anij im kar jerwaane kōjeraam̧m̧an eo. Armej jab in ij kemeemeje rekoot eo an ilo Kabun̄ in kar joļo̧ke kōn wōt jerawiwi. Ekar ba bwe lukkuun en̄jake eo an ej n̄an en̄jake inepata. Ekar en̄jake ekajet jen ritōl ro rejjab wānōk. Ekar jeļā bwe kōm̧m̧an ko an raar bōd, ak eaar jekpen ņae ilo an kallikar ņotaan ko rebōd im likjab ko an ro jet. Ālikin jidik iien, eaar jino in en̄jake an aeņōm̧m̧an ilo juon wāween mour ilikin Kabun̄ in ilo ejjeļo̧k kūr, im katmāne ko in itok n̄an iien kabun̄jar ko im jerbal in karejar n̄an ro jet.

Menin ekar wōnmaanļo̧k wōt ilo jidik iien, ijoke ekar jino en̄jake an ļapļo̧k an jako menin aikuj eo em̧ool Jetōb Kwojarjar—maan mejen Anij—ilo mour eo an. Jen iminene, ejeļā jekjek rōt n̄an bōke, raan n̄an raan, aeņōm̧m̧an, tōl, im lōke eo jen Jetōb, men eo ekar jerwaane. Āliktata, ekar kōm̧m̧ane ta eo ekar aikuji n̄an ukweļo̧k, kajim̧we mour eo an, n̄an kakarbab bar juon alen n̄an peptaij jen den im jen Jetōb.

Eaar einwōt ejjeļo̧k jem̧ļo̧kin n̄an armej ro rej jipan̄ kappukot meļeļein, m̧ōņōņō, im jipan̄. Aoleper raar “reilo̧k jān kakōļļe eo.” Ak jen jab “ajri, im jeplōklōk āinwōt ņo ko, im m̧akūtkūt kōn jabdewōt kōto in katak [ak jekjekin mour].” ilo reilo̧k n̄an Anij, jemaron̄ loe aeņōm̧m̧an ilo men ko repen im tōmak eo ad emaron̄ wōnmaanļo̧k wōt em̧ool ilo iien pere im mālijjon̄ ilo jetōb. Jemaron̄ bōk kajoor ibulen oktak im ajimakeke. Jemaron̄ jekpen ņae po ļōmān eo ekkar n̄an jemdoon eo raan kein. Ejjeļo̧k bar wāween em̧ool jen ta eo Anij make ekar kapiti, “Kom̧win reitok n̄an n̄a, im make lo̧mo̧o̧rōm̧, kom̧eo jabōn otemjej jabōn laļ: bwe N̄a Anij, im ejjeļo̧k bar juon.”

Reilo̧k n̄an Anij ej meļeļein bwe Ej jab baj juon ian men ko ad raorōk; ej meļeļein, ijjelo̧kin, bwe E ej juon iaan aorōk ko ad. Ij bar kakemeemej kōj bar juon alen bwe jorrāān eo ekaamijak ilo Lesotho Juun eo ļo̧k. Jān peet eo an ilo aujpitōļ, juon ian ritōl ro an Jiron̄ ro me ekar mour, eo me ekar jab tōmak ilo Anij mokta jen an kar kobatok ilo Kabun̄ in, ekar ba bwe kattapar eo kiiō ej n̄an lale etke mour eo an kar kōjparoke. “Lukkuun jerbal n̄an Anij ej wāween eo inaaj letok n̄an juon uwaak, eļan̄n̄e ij itok n̄an juon uwaak,” lieo ekar ba. “Ikōn ļōmņak bwe ij iakwe Anij, ak kiiō ij lukkuun, lukkuun, lukkuun, lukkuun, lukkuun in iakwe E. Kiiō E ej [ņōmba juon] aorōktata ilo mour e aō.”

Ij likūt aō kam̧ool kōn Jemān, Nejin, im Jetōb Kwojarjar ro rej juon wōt ilo weepān, ilo naan, kattapar, im jerbal, rej juon wōt Anij me jemaron̄ in reilo̧k n̄an aolep men ko rem̧m̧an. Ij kam̧ool kōn Pinm̧uur eo an Jisōs Kraist, ijo ej itok kajoor eo n̄an kakūrm̧ool kallim̧ur in eaiboojoj: “Kom̧in reitok n̄an eō, im niknik n̄an jem̧ļo̧kin, im kom̧ naaj mour; bwe n̄an eo ej niknik n̄an jem̧ļo̧kin Inaaj leļo̧k mour indeeo.” Ilo etan Jisōs Kraist, amen.