Kwōn Jepļaakļo̧k n̄an Anij

Ilo aō ekkatak jeje ko rekwojarjar, ikar kile naan ko me rōtoojļo̧k n̄an eō, lukkuun kōnke meļeļe ko aer raorōk āinwōt tōprak in en̄jake ko ikar būki ilo mour e aō. Ikar joļo̧k aolep iien jerbal eo aō āinwōt juon forensic accountant. Kōn wōt jerbal in, naan eo kajetjet (reconcile) ekar kaitok limoik eō ke ikar riiti jeje ko rekwojarjar. Kar jerbal eo aō ej kajetjet oran jāān ko ribooti ippān ļo̧o̧k in jāān ko kōn kōjerbal kapeel ko an bōnbōn, jerbal in bōnbōn, im iaron̄ron̄. Ilo naan ko jet, kōttōpar eo aō ekar n̄an kajetjet ļo̧o̧k in jāān ko ippān peba in jāān ko rej jipan̄ n̄an kanooj lale jim̧we im jetjet. Ikar kōm̧m̧ani kijejeto retiljek n̄an ņa mejļan oktak ko, im kar jeļā kake bwe eļap iien kar leļo̧k n̄an ņa mejļan jekdo̧o̧ņ oktak ko reddik tata.

Rijilōk Paul ekar akweļap ippān RiKorint ro n̄an “reel ippān Anij.” N̄an jepļaakļo̧k n̄an Anij ej meļeļe in bar kōro̧o̧ltok n̄an juon wōt ippān Anij ak n̄an kōjepļaaktok jemjerā eo ippān Anij me ekar jepdak ak rup kōnke kōn jerawiwi ko ak kōm̧m̧an ko ad. Baj ba, jepļaakļo̧k n̄an Anij ej meļeļe in kajetjet ankilaad im jerbalko ad ippān ankilaan Anij, ak āinwōt kar katakin jān Būreejtōn Russell M. Nelson, kōtļo̧k bwe Anij en anjo̧ ilo mour ko ad.

Āinwōt kar katakin ilo jeje ko rekwojarjar, jej anemkwōj n̄an kōm̧m̧an n̄an kōj make, “n̄an kāālet iaļ n̄an mej indeeo ak iaļ n̄an mour indeeo.” Ak eļan̄n̄e jejjab niknik, anemkwōj n̄an kōm̧m̧an n̄an kōj make emaron̄ tōlļo̧k n̄an juon jerwane kajetjet ippān ankilaan Anij.

Rikanaan Jekab ekar katakin bwe n̄e jej lo kōj make ilo jab jokkun wōt ak jab jetjet ippān Anij, iaļ eo de eo jemaron̄ bōk jepļaakļo̧k ej n̄an “kōllaajrak kom̧ n̄an [Anij] kōn pinmuur eo an Kraist.” Jej aikuj kile bwe jepļaakļo̧k ej pedped ioon meanwōd, ej ba bwe jerbal eo ejouj an pinmuur eo an Jisōs Kraist ekōm̧m̧an bwe en pidodo.

Ilo am̧ kejakļo̧kjeņ kōn mour eo am̧ make, ļōmņak kōn juon iien ke kwar en̄jake ettoļo̧k jān Jemādwōj Ilan̄ kōnke kwar kōttoļo̧k eok jān E. N̄an waanjon̄ak, bōlen kwar jino jāniknikļo̧k ilo jar ko am̧ n̄an E ak ilo kōjparok kien ko An. Ejja āinwōt ad kāālet n̄an kōttoļo̧k kōj jān Anij, jej aikuj kāālet n̄an jino kijejeto in jepļaakļo̧k eo. Irooj ekar kalikkar eddo eo ad ke Ekar ba: “Kom̧in kepaaktok eō im Inaaj kepaakwaj kom̧; niknik kappukot eō im kom̧ naaj lo eō; kajjitōk, im kom̧ naaj bōk; kaļļaļļaļ, im enaaj peļļo̧k n̄an kom̧.”

Ekōjkan an Rilo̧mo̧o̧r eo jipan̄ kōj bar kōro̧o̧lļo̧k im kōjepļaakļo̧k kadkad in aorōk? N̄an n̄a, ij kōm̧m̧an eddōkļo̧k eļap ilo iaļ eo aō n̄an jepļaakļo̧k n̄an Anij n̄e ij ļoor kapilōk eo kar katakin jān Būreejōn Nelson im ukweļo̧k aolep raan. Kōn wūn eo ke kōllaajrak eo ej kwaļo̧k jepļaaktok eo an juon jemjerā erup, eļap tata ikōtaan Anij im armej, kōn kōm̧akūtļo̧k kabbōjrak eo an jerawiwi.

Juon iaan kōllaajrak ko reļļap jej riit kake ilo jeje ko rekwojarjar ej eo an Inōs. Jet iien ilo mour eo an ekar jab jokkun wōt juon ippān Anij Ekar kwaļo̧k kōn pedped ioon Pinmuur eo an Jisōs Kraist n̄an jepļaakļo̧k n̄an Anij. Ekar kōmeļeļeik ikdeelel eo an n̄an ukweļo̧k, an ettā, an kalimjōk, im an kije. Jepļaakļo̧k eo an n̄an Anij ekar kapene ke juon ainikien ekar etal n̄an e, ba, “Inōs, jero̧wiwi ko am̧ rejako jān eok, im kwōnaaj jeraam̧m̧an.” Inōs ekar kile aoo eo me ukweļo̧k im jepļaakļo̧k ekar ilo e ke ekar ba, “Im n̄a, Inōs, iaar jeļā bwe Anij ejamin riab; kōn menin, aō bōd kar bōkļo̧k.”

Jepļaakļo̧k ej bōktok ejjab wōt deor jān en̄jake ko an bōd ak barāinwōt aenōm̧m̧an ilo kōj make im ippān ro jet. Ej kemour jemjerā ko, kōmeraik bōro ko, im kōkajoorļo̧k rikaļoor eo ad, bōktok eļapļo̧k lōke im̧aan Anij. Ta eo ej bōktok n̄an n̄a kōjatdikdik eļap im lōke ej bar juon leen jepļaakļo̧k eo kar kōmeļeļeik jān Inōs ke ekar ba, “Im ālikin aō, Inōs, kar ron̄ naan kein, tōmak eo aō ilo Irooj eaar jino jamin em̧m̧akūt.”

Ke ikar juon ļaddik, lellap eo jibū ekar wōr juon katōkan cherry orchard ekilep. Ekar wōr aō iien em̧m̧an n̄an jerbal ilo orchard eo, ekkā wōt ilo jōm̧ar ilo iien kōm̧kōm̧ cherry. Āinwōt juon ļaddik eo ekanooj dik, ikar lo bwe maron̄ in jipan̄ eō aō ekar elleļo̧k bōkaj innām tallōn̄e wōjke eo n̄an kōmkōm̧ cherry ko

Kōm̧kōm̧ cherry ko ekar kanooj oktak ke jim̧m̧a ekar wiaik juon machine kar ņa etan cherry shaker. Machine in ej jibwe dipin wōjke eo im kōm̧akūtkūti, ekōm̧m̧an an cherry ko wōtlo̧k jān wōjke eo n̄an lowaan ok ko me kar kōjerbali n̄an aiik cherry ko. Ikar kile bwe n̄e shaker eo ekar jino kōm̧akūtkūt wōjke eo, enan̄in aolep cherry ko raar wōtlo̧k jān wōjke eo ilowaan second ko. Ikar bar kile bwe ejjab aorōk eļan̄n̄e wōjke eo ekar m̧akūtkūt ium̧win 10 second ko ak juon minit, jet cherry rekōn jab wōtlo̧k. Raar ilo m̧ool jab m̧akūtkūt.

Kōm̧akūtkūt cherry ko jān juon wōjke ej pidodo kōnke kōn an ethylene eo rōļo̧k. Hormone in ej kōm̧m̧an bwe layer in cell ko ikōtaan stem in cherry eo im an wōjke eo m̧ōjņo̧ļok. Kōn menin, kōļe eo an juon cherry ekalo eļapļo̧k an pidodo an tūm̧ jān wōjke eo kōnke kōn an m̧ōjņo̧ļo̧k ekkejeļ eo.

Ilo jeje ko rekwojarjar, jej katak bwe aļaļ eo an Jesse ej juon jon̄ak kōn Messia eo, Jisōs Kraist, eo kar kanaan bwe enaaj kar itok jān bwij eo an Jesse, jemān Kiin̄ Devid. Ejja āinwōt an ethylene eo kōm̧ōjņo̧k ekkejel eo an kōļe eo an juon cherry kalo, jab pokake, pere ko, im mijak ko maron̄ kōm̧ōjņo̧ik ekkejel eo ad n̄an aļaļ eo an Jesse, ak Jisōs Kraist, kōm̧m̧an an pidodo ad m̧akūtkūt im jenolo̧k jān E. Jon̄an ewi jon̄an tiljek eo emaron̄ pād ippād, jaikuj bōbraeik m̧ōjņo̧ in ekkejel eo ad n̄an Jisōs Kraist.

Ilo Katake im Bujen Ko, jekdo̧o̧n ro retiljek kar leļo̧k juon kakkōl: “Ak emaron̄ waļo̧k bwe armej remaron̄ bun̄ļo̧k jān jouj im eļļo̧k jān Anij eo emour.” Irooj ej wōnm̧aanļo̧k wōt, “Aaet, … im em̧ool ro em̧ōj kokwōjarjar er ren ron̄jake barāinwōt.” N̄an jab wōtlo̧k, Irooj ej kapilōk, “Kōn menin kabun̄ eo en ron̄jake im jar iien otemjej, n̄e raab wōtlo̧k ilo kapo.”

Juon emaron̄ keidi jekjek eo an pidodo kōm̧akūti n̄an ta eo jeje ko rekwojarjar ej kōmeļeļeik āinwōt bar kaloļo̧k n̄an jorrāān, kōn kaje ko renaaj waļo̧k kōn jerbal ko. Naan eo maron̄ bar kōjerbale eļapļo̧k n̄an kwaļo̧k juon jekjek ewabanban, jorrāān, ak dikļo̧k me ej kōm̧m̧an bwe men ko rej jetjet n̄an aer oktak ak jorrāān.

Ta eo kalo in ej jutak kake? Ta meļeļe in bwe jemaron̄ tōpar juon jekjek eo me jejjab maron̄ oktak? Jaab, ij ļōmņak ej meļeļe in bwe jemaron̄ tōpar juon jekjek ilo iien eo ejetjet ijo jejjab kōņaan oktak. Uno eo n̄an erom ekkeke n̄an kakkure ej n̄an kōm̧m̧ani men ko me renaaj kōkajoorļo̧k ekkejel eo ad n̄an Jisōs Kraist. Āinwōt kar kwaļo̧k, ukweļo̧k ekar tōlļo̧k Inōs n̄an jekjek eo dim lo tōmak. Ewor kajoor ilo ukwļo̧k—ukweļo̧k aolep iien, iien eo em̧ōkaj, im emakijkij. Āinwōt an Būreejtōn Nelson kar katakin: “Ejjeļo̧k juon men ej kanemkwoj eļapļo̧k, kōkwojarjar eļapļo̧k, ak aorōkļo̧k jān juon ukweļo̧k eo emakijkij im aolep iien ukweļo̧k.”

Ippānļo̧k kwaļo̧k ukweļo̧k, rikanaan Jekab ekar katakin bwe jeļā kōn pein Anij ilo mour ko ad, pukot im bōk revelesōn, im ron̄jake Anij n̄e E ej kōnono aolep rejjipan̄ kōj n̄an jab em̧m̧akūt. Jekab ekar bar katakin, “Ejjeļo̧k juon men ej kanemkwoj eļapļo̧k, kōkwojarjar eļapļo̧k, ak aorōkļo̧k jān juon ukweļo̧k eo emakijkij im aolep iien ukweļo̧k.” Ron̄jake im mour kōn naan ko im kūr ko an rikanaan ro im rijilōk ro maron̄ kobrak kōj kōn kōjatdikdik, lōke, im kajoor, tōmak eo ad ej jab em̧m̧kūt āinwōt juon tōprak.

Ikar katak bwe juon ikdeelel n̄an jepļaakļo̧k n̄an Anij ej aikuj in itok ippāntok juon ikdeelel n̄an ukweļo̧k. Ukweļo̧k im en̄jake kōjeraam̧m̧an ko an Pinmuur eo an Jisōs Kraist ej tōlļo̧k n̄an tōmak ejjab em̧m̧akūt. Tōmak ejjab em̧m̧akūt ej tōlļo̧k n̄an juon ikdeelel n̄an iien otemjej jepļaakļo̧k n̄an Anij. En̄in ej juon jon̄ak ej erro̧o̧lol, ak ejjab bōjrak.

Ro jeiū im jatū, ij karuwaineneik kom̧ n̄an jepļaakļo̧k n̄an Anij kōn Pinmuur eo an Jisōs Kraist. Ij kam̧ool bwe kōm̧m̧an im kōjparok bujen ko ej kōm̧m̧an an ekkejel eo ad n̄an Rilo̧mo̧o̧r eo kajoor, kōn menin ej joļo̧k m̧ōjņo̧ eo n̄an kakkure. Ij kam̧ool bwe jepļaakļo̧k in n̄an Anij, kōn Pinmuur eo an Jisōs Kraist, ej tōlļo̧k n̄an tōmak ejjab em̧m̧akūt.

Ijeļā Jemādwōj Ilan̄ ej iakwe eok im n̄a, im E ekar jilkiton Nejin Jitōnbōro, Jisōs Kraist, n̄an erom ad Rilo̧mo̧o̧r, Ripinmuur, im ad Rikōjepļaakļo̧k eļap. Ij kam̧ool kōn Jisōs Kraist im kōm̧m̧ane āindein ilo etan Jisōs Kraist, amen.