“Kwōj Yokwe Eō Ke?”
N̄e jej kōņan kwaļo̧k ad iakwe n̄an Anij, jej aikuj meļeļe wāween An kile iakwe eo ad.
Ilo būrabōļ eo kōn nejin eo ejerwaan, ļeo jein erūtto eaar jino an inepata n̄an m̧ōņōņō bwe ļeo edikļo̧k jatin eo eaar jepļaaktok ālkin juon tōre ekar kōm̧m̧ani kāālet ko rebōd im “jerwaan[i] m̧weiuk ko an kōn an tūbļotak e make.” Utiej būro eo an ļeo jein erūtto im kautieje e make ebōbrae e jen an jelm̧ae lan̄lōn̄ eo an ļeo jatin jeplaak kōn ukweļo̧k. Jemaron̄ barainwōt maron̄ kōtļo̧k bwe iien ko rem̧m̧an ren ellā jān kōj ilo jab kwaļo̧k n̄an ro jej iakwe er, jen naan ko im kōm̧m̧an ko ad, kōn aolepen ad iakwe elap n̄an er.
Elōn̄ waanjon̄ak ko rekajoor ilo jeje ko rekwojarjar kōn m̧ool in iakwe im kar jaketo-jake tak im kar bōke: Neomi im Rut, Ammōn im Kiin̄ Lamonai, nejin eo ejerwaan im jemān, Rilo̧mo̧o̧r im rikaļoor ro An.
N̄e iakwe ej leļo̧k ilo ejjeļo̧k oņeen im kar m̧ool in bōke, juon karōk ewānōk ej waļo̧k ālkin kōn juon lapļo̧k in iakwe ikōtaan jim̧or eo ej leļo̧k im eo ej bōke.
Iakwe eo an Anij eweeppān, ejjeļo̧k jon̄an, meanwōd, im “etōn̄al tata.” Ej kobrak jetōb eo kōn “eļap otem ļap lan̄lōn̄.” Mekarta, ilo iien ko jemaron̄ in loe an pen n̄an kile iakwe eo an Anij ilo mour ko ad. Bōtaab, Jemadwōj Ilan eo an iakwe eweeppān ekōņaan bwe jen en̄jake iakwe eo An bwe Ej “kōnono n̄an [kōj] ekkar n̄an … [ad] meļeļe.” E enaaj kwaļo̧k iakwe eo An n̄an kōj ilo jōkjōk ko kōj, kajjojo, maron̄ kile. Jemaron̄ en̄jake iakwe eo an Anij n̄an kōj n̄e jej kalimjōke aiboojoj ko an menin kōm̧anm̧an ko, ak bōk uwaak ko jen jar ko, ak bōke lōmņak ko rej itok n̄an kōlmenļo̧kjen ko ad ilo iien jej aikuji, ak en̄jake iien ko rem̧m̧an kōn lan̄lōn̄. Waļo̧ktok eo em̧m̧antata jen iakwe eo an Jemādwōj Ilan n̄an kōj me elukkuun meļeļe ej iien eo E ear kōtļo̧k Nejin Maan Jitōn bōro n̄an aje ļo̧k E make āinwōt juon kein jeorļo̧k bōd.
Āinwōt ļeo erūtto nejin eo ejerwaan, ekkā wōt ad ļōmņak kōn kōj make. Eļap ad kappukot kein kam̧ool ko an iakwe eo an Anij n̄an kōj, im jej inepata n̄e jejjab loe. Ak oktak eo eaiboojoj ej n̄e ej lapļo̧k ad mije ion kwaļo̧k ad iakwe n̄an Anij, enaaj pidodo an lapļo̧k ad kile An iakwe n̄an kōj. Bōlen en̄in wūnin an Rilōmo̧o̧r kar uwaak n̄an kajitōk in “Ewi kien eo eļap ilo kien ko” kōn kūr in epidodo im aorōk: “Kwōn yokwe Irooj am̧ Anij kōn aolepen būruom̧ im kōn aolepen am̧, im kōn am̧ ļōmņak otemjej.”
Jet iien ilo wāween ad iakwe n̄an ro rejitenbōro ejjab ilo wāween eo rej kile iakwe. Menin emaron̄ jim̧or menin inepata n̄an eo ej leļo̧k im n̄an eo ej bōk. Bōlen em̧m̧anļo̧k kajjitōk ippān ro jej iakwe er elmen aer jeļā n̄an kile iakwe. Barāinwōt, n̄e jej kōņaan kwaļo̧k ad iakwe n̄an Anij, jej aikuj meļeļe elmen An kile iakwe eo ad make. Jejeraam̧m̧an, E kalikkar jet wāween ko ilo jeje ko rekwojarjar me jemaron̄ kwaļo̧k ad iakwe E.
Kwoj Yokwe Eō Eļapļo̧k Jān Rein Ke?
Ilo meļeļe in katakin eo ikōtaan Piter im Irooj ālkin an kar jerkakpeje ilo Lomaļo in Taibiriōs, jej jeļā kōn wāween ko jej maron̄ kwaļo̧k ad iakwe n̄an Irooj.
“Jisōs e ba n̄an Saimōn Piter, Saimōn nejin Jon, kwōj yokwe eō eļap jān rein ke? E eba n̄an e, Aet, Irooj; kwō jeļā Ij yokwe eok.”
Kajjitōk eo aorōk ilo jerbal in jān Irooj ej “kwōj yokwe eō eļapļo̧k jen rein?” Jej kwaļo̧k ad iakwe n̄an Irooj n̄e jej likūt E ilōn̄ “men kein,” im “men kein” emaron̄ bar jabdewōt armej, jabdewōt m̧akūtkūt, ak jabdewōt men eo ej bōd likūt E jān men ko raorōk ilo mour ko ad.
Enaaj ban bwe iien ilo juon raan, juon wiik, juon allōn̄, ak juon iiō n̄an kadedeļo̧k aolep ta ko jekōņan ak aikuj in kōtōprake. Mōttan teej eo an mour in ej n̄an kōjerbal iien n̄an ta eo eaorōk tata n̄an em̧m̧anļo̧k eo ad indeeo im n̄an kōtļo̧k men ko me edik aurōkier.
Būreejtōn Russell M. Nelson ekar ba, “Kajitōk eo n̄an kōj kajjojo … ej bōrainwōt. … Kwoj ke kōņaan bwe kajoor eo an Anij en im̧we mour eo am̧? Kwon ke kōtļo̧k naan ko An, kien ko An, im bujen ko An n̄an im̧we ta eo kwoj kōm̧m̧ane kajjojo raan? Kwon ke kōtļo̧k Ainikien bwe en m̧oktata jen ko jet? Kwoj ke kōņaan bwe jabdewōt men eo Ej kōņaan bwe kwon kōm̧m̧an en aorōk ļo̧k jen ko jet? Kwoj ke kōņaan bwe ankilaam en oran̄ļo̧k Ankilaan?” Jej kwaļo̧k ad mour in rikaļoor im iakwe n̄an Anij n̄e jej kōm̧m̧an bwe E en eddo eo ad ilōn̄tata.
Naajdik Jiip ko Aō
Ilo eoon eo tok ālik in ejja kōmeļeļe in ikōtaan Piter im Rilo̧mo̧o̧r, jej jeļā kōn wāween eo Irooj ej kile ad kwaļo̧k iakwe: “[Irooj] e bar ba n̄an e kein karuo, Saimōn nejin Jon, kwoj yokwe eō ke? E ba n̄an e, Aet, Irooj; kwō jeļā Ij yokwe eok. E ba n̄an e, Kwōn seperd aō sip.”
Jej kwaļo̧k ad iakwe n̄an Jemedwōj Ilan n̄e jej jerbal, ron̄jake, iakwe, kotak, ak jerbal in karejar n̄an ajri ro Nejin. Jiban̄ in emaron̄ ilo eļam waan ilo m̧ool in ad kalimjōk ro jet ilo ejjeļo̧k ekajet. Ilo 76 jekjōn in Katak im Bujen Ko, jej loe mirokan rein im renaj jolete aiboojoj eo an selestial: “Rej lo āinwōt rekar loe, im jeļā āinwōt rekar jeļā.” Rej lo ro jet āinwōt Anij ej lo̧ er, im E ej lo er āinwōt aer maron̄ in erom, kōn jon̄ak eo ekwojarjar.
Āļkin jepļaak n̄an kabijuknen jen mijen eo aō, ikar bōk lawn-care peejnej eo m̧aan ro jatū im n̄a kar jinoe ke kōm kar rūm̧m̧an ded wot. Iaar barainwōt poup ippen katak ko aō ilo university. Juon wiik in spring, wōt mijeljel im epaak final exam ekar kōm̧m̧an aō poub im rumij ilo kōm̧m̧ani jerbal ko melan m̧ōko.
Io̧ļapin wiik eo ekar em̧m̧an lan̄, im iaar karōke n̄an kajjeon̄ kadedeļo̧k jerbal ko meļan m̧ōko ālkin kūlaaj ko. Ak ke iaar tōpar kapijuknen, tūrak eo waō im kein jerbal ko raar jako. Kōņaan jeļā, ikar loļok melan ko an m̧ōko rekar pād ilo jikejuul; kajjo iaer kar dedeļo̧k aer kar jepjep im raeboojoj. Ilo yard eo āļiktata ilo jikejuul eo, iaar lo̧e leo jatū edikļo̧k ej etetal ilikin loon m̧oor eo. Eaar loe eō, kar ettōn̄, kotak pein ilo an ba iakwe. Anjo̧ kōn kam̧oolol, ikar jibur im kar kam̧m̧olool e. Tokjān jerbal in jipan̄ eo an ekar lukkun kar kōkjoorļo̧k aō iakwe im m̧o̧o̧l n̄an e. Jerbal n̄an doon ej juon wāween ejjab bōd jej kwaļo̧k ad iakwe n̄an Anij im eo Nejin Maan Ejitōnbōro Ej iakwe.
Kile Pein ilo Men ko Otemjeļo̧k
Jej bar kwaļo̧k ad iakwe n̄an Anij jen bōk juon būruwōn kam̧m̧oolol. Irooj ekar ba, “Im ilo ejjeļo̧k men armej ej kainepataik Anij, … ijjelo̧kun wōt ro rej jab kile pein ilo aolep men.” Jej kwaļo̧k ad iakwe n̄an Anij jen kwaļo̧ke E āinwōt juon wūn in aolep men em̧m̧an ilo mour ko ad.
Ilo raan ko m̧okta an ijjiņo juon kom̧bani, peejnej patnōr eo aō im n̄a kijon̄ jar aolep iien m̧o̧kta jān kweiļo̧k ko raorōk, kajjitōk jiban̄ eo an Jemedwōj Ilan. Iien n̄an iien, Anij eaar uwake jar ko ad, im kweilo̧k ko ad rar em̧m̧an. Āļkin juon kweilo̧k, peejnej patnōr eo aō eaar kwaļo̧k ke kōm kar m̧ōkaj n̄an kajjitōk kōn jiban̄ ak erumij n̄an leļo̧k kam̧m̧oolol. Jen iien eo, kōm kar kōm̧m̧an bwe en juon iminene n̄an leļo̧k jar ko rem̧ool kōn kam̧oolol, kile pein Anij ilo ad jeraam̧m̧an. Jej kwaļo̧k ad iakwe n̄an Anij kōn “juon ļōmņak in kam̧m̧oolol.”
Eļan̄n̄e kom̧ij Yokwe Eō, Kom̧ Naaj Kōjparok Kien ko Aō
Wāween eo juon jej kwaļo̧k ad iakwe n̄an Jemedwōj Ilan̄ im Nejin Ejitōn bōro ej n̄an kāālet n̄an pokake Er. Rilo̧mo̧o̧r ekar ba, “Eļan̄n̄e kom̧ij yokwe Eō, kom̧ naaj kōjparok kien ko Aō.” Kain pokake rōt in ejjab pilo̧ ak ejjab juon kakien bōtaab ej juon m̧ool im kōņaan eo n̄an kwaļo̧k iakwe. Jemedwōj Ilan̄ ej kōņaan bwe jen kōņaan pokake. Sister Tamara W. Runia ej kūr menin “pokake eo eweppān.” Eaar ba, “Me n̄e ejjeļo̧k ippād juon pokake eo eweppān kiiō, jej kajjieon̄ pokake eo eweppān kiiō, kāālet n̄an pād, im bar pād, kōnke jej iakwe E.”
Jemedwōj Ilan̄ ekar letok n̄an kōj jeje ko rekwojarjar n̄an im̧we kōj n̄an kōņaan kāālet E. Jerbal im aiboojoj eo An ejjab n̄an wōt kakūrm̧ool ad mour indeeo ak ej bar koba juon kōjātdikdik bwe eo ad eļaptata ej n̄an jepļaak n̄an Ippān. Mekarta, Ejāmin naaj kipel kōj n̄an pokake. Ilo al in jar eo “Know This, That Every Soul Is Free,” jej al:
Āinwōt ritōl ro an mijen, kōrā eo pāleeō, Christina, im n̄a kar im̧we jān elōn̄ mijenede ro raar kāālet n̄an pokake ejjab wōt kōnke eaar juon jon̄ak in mijenede ak kōnke rar kōņaan n̄an kwaļo̧k aer iakwe n̄an Irooj jen ettā bōro in kāālet n̄an ripinej-jenkwan E.
Elder Dale G. Renlund ekar ba: “Kōttōpar eo an Jemedwōj Ilan̄ ilo kōkaajriri ejjab n̄an kōm̧m̧an ajri ro Nejin bwe ren kōm̧m̧ane ta eo ejim̧we; ej n̄an ajri ro Nejin bwe ren kāālet n̄an kōm̧m̧ane ta eo ejim̧we n̄an erom āinwōt E. N̄e E kar kōņaan bwe jen pokake wōt, E en kar kōjerbal menin nōbar ko im kaje ko n̄an im̧we m̧willid.” Jej kwaļo̧k ad iakwe Anij ilo ad kāālet n̄an pokake im loore E.
Jemedwōj Ilan̄ im ad Rilo̧mo̧o̧r rej kile ad kwaļo̧k iakwe n̄an Er n̄e jej likūt Er m̧oktata ilo mour ko ad, jerbal n̄an doon, kam̧m̧oolol kōn kōjeraam̧m̧an ko jān Er, im kāālet n̄an pokake im ļoor Er.
Ij kam̧ool bwe kajjojo iaad jej lukkuun juon nejin Anij im Ej lukkuun iakwe kōj. Ij kam̧ool bwe Ej kōņaan bwe jen en̄jake An iakwe ilo wāween ko jej kile im meļeļe. Im meļeļe eo aiboojoj ej bwe jenaaj en̄jake iakwe eo An em̧wilaļ n̄an kōj ilo ad kwaļo̧k ad iakwe n̄an E. Ilo etan Jisōs Kraist, amen.