O Le Auauna Atu i Tagata o Samoa—Tasi le Tane Vai i se Taimi

“Vai mo le ola” o le faitauga lea o se faailoga tele ua faapipii i le itu o le Aoga Tulagalua a Sataua i le Motu Samoa o Savaii. 

O upu ua malamalama lelei i ai le toatele o Tagata o le Pasefika aua ua tele ina latou feagai ma le mea moni o le itiiti po o le leai o se vai mama e inuina, fai ai kuka, pe taeele ai. 

O upu foi ia ua malamalama lelei ai Elder Brian ma Sister Lori Bott. 

I le avea ai ma ulugalii faifeautalai matutua o loo galulue i Samoa mo Le Ekalesia a Iesu Keriso o le Au Paia o Aso e Gata ai, e tele ina latou fetaiai ma aiga, a‘oga ma nuu uma o loo tauivi e sue ma ia lava le vai mama. 

Faatasi ai ma le fesoasoani a le au Bott, ua suia uma ai mo se aoga ma ni nuu eseese i Savaii. 

O iina na galulue faatasi ai le Itumalo lona Lua o Vaisigano, o le Ofisa o le Soifua Maloloina o Samoa, ma le Ekalesia a Iesu Keriso e saunia tane vai e lua e ta‘i 10,000 lita o vai mo le A‘oga Tulagalua a Sataua, ma se faaopoopoga o tane vai e 206, e 2,000-lita vai mo aiga i nuu tuaoi o Fagasa, Sataua, ma Papa Sataua. 

O lona uiga e tusa ma le 900 tagata o nuu ma le 1,000 tamaiti a‘oga ua maua nei se punavai faatuatuaina o vai mama. 

“Mo se a‘oga, o le mafaia ona maua ma teuina lenei vai o le eseesega lena i le tatalaina pea ma le tapunia,” na saunoa ai Elder Bott. 

“O le vai o se vaega o lena mea, ae o soo se mea e faatatau i le soifua maloloina po o a‘oa‘oga o tagata Samoa, ma ia latou iloa le alofa o le Atua mo i latou—o lo matou faamoemoega lena,” na saunoa ai Sister Bott. 

I le avea ai ma faifeautalai mo galuega alofa, o le faamoemoega lena o aso taitasi aemaise ai taimi taitasi e malaga mai ai i le itula e tasi i le vaa mai le motu o Upolu i Savaii. 

O nisi taimi o lena alofa o lona uiga o ni kesi mo potua‘oga ina ia mafai ai e tamaiti aoga ona nonofo i lalo ma i ai se mea e tusi ai i luga, po o ni fata e faigofie ai ona tuu ai tusi o le potutusi. O isi taimi o lona uiga o le faapipii o maafola ina ia atili mama ai potu ma faigofie ona fufulu. 

O le taimi lenei na auai faatasi le au Bott ma taitai o le aoga ma le nuu e ooti le lipine na fusi faataamilo o le 20,000 lita o le vai. 

“Ua matou iloa le taua o le i ai o vai mama, ma ua matou lagona ai le faamanuiaina tele o le avea ma sina vaega itiiti, itiiti lava o taumafaiga a le Ekalesia e aumai le vai–e aumaia ai faamanuiaga i tagata o Samoa,” sa saunoa ai Elder Bott.