“Te Uea E Kairai Nakon Mwengau,” Riaona, Tebetembwa 2025.
Bwanaaia Aika Itiaki ni Boong aika Kaitira
Te Uea E Kairai Nakon Mwengau
Ngke I ira ana kairi te tamnei bwa nna okira Bolivia, te Uea e kairai nakon kakabwaia n te utu aika akea tokiia.
Kamataata n te tamnei iroun David Malan
Ngke I mwakuriia reken au doctoral degree ao n reirei te katangitangi n te United States, I uaiakina maiuakinan te euangkerio ao namakinan ana kairi te Atua inanon maiu. I raroa nako ma mwengau ao n taai tabetai I namakina te maroaa, ma I namakina Ana tangira ao bwanaana ni kairiiri au rinerine.
Te bong teuana ao e roko te namakin bwa nang riai n okira abau ae Bolivia. Okiu bon tiaki te rinerine ae bebete. A bane n nakoraoi bwaai. Ma imwiin au tataro, I namakinna bwa I riai n okirikaaki bwa iai te bwai ae kakawaki ae tataningaai.
N okiu, ao te bachelor program ibukin te katangitang e kaukaki n teuana ana kuura n reirei ae rietata Bolivia, ike I a mwakuri iai bwa te professor.
N au uoote, I kaitibo ma te kairake n ataeinaine ae I tuai kakaitibo ma ngaia mai imwaina. Ana karo a rairaki nakon te Ekaretia ngke I kakatauraoi n mwananga nakon te United States n ririki aika nako. Ti a moana ara ikikina ao n mareaki, ike e a riki bwa te kakabwaia ae korakora inanon maiu.
Uoua te ririki imwiina, tibu te unaine e reke irouna te cancer. Ti rangi n kaan. Ngke I uarereke, e aki toki n tutuangai, “Raou ngke n taainako, ao I ataia bwa kona bon tabeakinai.”
Bukina bwa I oki, I mena ikekei ngke e kainanoai, bane au tai ma ngaia ni katoabong inanon kabanean namwakainan maiuna. E aki kaina te Ekaretia imwain matena, ma e tatangira te Riaona maekatiin, Ana Boki Moomon, ao te maungatabu ni kabuta. “I kakoauai ni kabane,” e taku.
Imwina, I kakabwaiaaki n mena n te Cochabamba Bolivia Tembora ma au karo ngke tibu te unaine e kabaeaki ma kainnabana, are e mate ngke e ataei. E aki manga iein. I namakinna bwa a mena irarikira n te tembora, ni kukurei ao n ikotaki. N noraia au karo n te ruu ni kabaebae n tei bwa oneanmwiia bon te tamnei ae tamaroa.
Ti aki ataia bwa ana kanga birin bwaai inanon maiura, ma e ataia te Uea bwa tina nakea. E ataia naba bwa e na kanga ni kakabwaiaira, ao E na kairiira n waaki n Nnena ni kakabwaiaia aomata. Ngkana ti onimakina Wanawanana ao ana kairi, I ataia bwa E na kona n karekei aika bati n maiura nakon are ti kona ibon iroura.