Te Atua e Anganai te Rau

Ngke ti kakatauraoi bwa ti na anene n tain katabuan te Concepción Chile Tembora n 2018, ni kabane kain te kuaea ni kairake n ikawai ake I kaira kunaia e bane n ti teuana aia kouru: anene ao karaoa te mwakuri n tamnei are e kakawaki bwa ti na angan te Atua tamaroan ara karea.

Ma kain te kuaea, man titeiki aika uoua ni kawan Chillán, I kabanea nanou nakon kaitiakakina nakon au konabwai. I tangiria bwa Nna kaotaa Otan Kristo inanon maiu. I tangira te karea are ti angan te Atua n Ana auti ae tabu bwa ena rokoraoi. I ataia bwa ngkana ti karaoa ara mwakuri, Tamara are i Karawa ena buokiira, ao tina anene n aron are E tangiria bwa tina anene.

Inanon tain te katabu, ti anene ma bwanaara ao nanora. I iangoia bwa anera anene ma ngaira Tangin te kuaea e rokoraoi. Ti namakina ana akoi te Atua iaora ao E kukurei n ara karea. E tikunako te namakin anne irou inanon te tai ae maan.

Imwiin katabuan te tembora, I namakinna bwa e kamwarakeaki tamneiu ao e katiteuanaaki ma Tamara are i Karawa. I namakinna te reitaki ae korakora ma Ngaia nakon are I tataneiai iai mai imwaina. Te reitaki anne e korakora ao I namakinna bwa e kairaki tamneiu nakon bwaai ake Nna titiraki ibukiia ngkana I tataro (taraa 3 Nibwaai 29:24).

N tain katabuan te tembora, ao ai nimaua au wiiki n bikoukou. Tabeua namwakaina imwiina, e bwaka natiu. Bon te tai ae rawawata irou. I namakina te nanokawaki, moarara riki ngke I reiakinna bwa ngaia I aki kona n manga kariki.

Ma te taneiai ae rawawata aio e riki nakoiu n te tai are I namakinna bwa e korakora iai tamneiu. I oota bwa I a kaman katauraoaki imwin te tai aio rinanon te karea are ti angan n te tembora. Te korakora n tamnei are I karekea e buokai n tokanikai iaon te kangaanga aio bukina bwa Tamau are i Karawa e raonai ao e anganai te rau.

Tabeua te tai imwiina, te Atua e kakabwaiaai ma kainnabau ma te kakai. E taonako kukureira ngke natira te mwaane, Arturo, e reke mwanena ae uarereke, Daniela.

Nna bon aki kona n rinanon te taneiai aio n akean te reitaki ae kaan are I namakinna nakon Tamau are i Karawa. I ataia bwa bwaai ni kabane ana bane n nakoraoi ao n kaineti ma Nanona. Uringan bwaai aika a teimatoa n kaona nanou ma te kimwareirei ao te kakaitau.