“Ngke Arona bwa te Atua iai Ana Ekaretia iaon te Aba,” Riaona, Tebetembwa. 2025.
Bannan te Onimaki
Ngke Arona bwa te Atua iai Ana Ekaretia iaon te Aba
I tuangiia mitirare bwa ana aki kabanebuaka aia tai, bwa iai oin au koaua. Ma ngkane I reiakinna bwa aia reirei e titebo ma au koaua ibukin te utu, te Tama i Karawa ae tatangira, ao ana Ekaretia te Tia Kamaiu.
Ngke I uarereke, au karo a kakairai nakon ekaretia aika kakaokoro. Rimwi, ngke I a kairake, I a moana rairakiu nakon te Atua ao ni waakina warekan te Baibara. I namakinna ae raoiroi.
Ngke I iangoa te Atua ao te kaantaninga n te maiu aei, I kunea bwa e kakawaki karekean te utu. I kakoaua bwa taan kairiiri n te ekaretia a riai n reirei man aia katooto, ma te ekaretia are I iriiria, ibonga iai aki iein. Anne I aki oota iai. I kakoaua bwa e raoiroi te iein ao karekean te utu.
Ai tibwa 16 au ririki ngkane. Iai raou ae I rangi n tangiria, ma e kitanai. E rangi n rarawata irou. I maraki inanon ae kaanian teuana te ririki. Ma man te taneiaia anne, I tangiria n oota bwa I roko mai iaa, bukin tera I roko iaon te aba, tera oin te kaantaninga n te maiu aei, ao tera e na riki imwiin te mate. I tangiria ni kakaei kaekaan titiraki aikai i bon irou. Ma imwiin iangoaia inanon te tai ae maan, I tan riki nakon te Atua ao n bon taetae nakoiu, “Te Tia Kariki maiura e atai riki aron te maiu nakoiu. I riai n kakaei kaeka mai Irouna.”
Warekan te Baibwara, I reiakinna bwa Iesu e weteia tengaun ma uoman Abotoro. “Ngke arona bwa te Atua iai ana ekaretia n te bong aio,” I tabe n iangoia, “e riai n iai iai Abotoro.” I rikirake man rikirake n katitikaki nakon te aro, ao I tangiria n bwabetitoaki.
Ngkana I marororakina te Atua ma tamau, e tuangai bwa te Atua e etieti,. E taekinna bwa ko bwabetitoaki bwa kona kamaiuaki, ke kona tewenakoaki nakon moone n aki toki. I aki tangiria n kakoaua bwa Tamara are i Karawa ae tatangira e na kukurei ni kanakoia Natina nako moone n aki toki ti bukina bwa a aki bwabetitoaki. Tera aroia ake e aki reke aia tai n bwabetitoaki?
I Buranti, e karako taan onimaki. Iai raoraou aika a raraoi, ma a tuai bwabetitoaki. I a motikia bwa e aki riai bwa ana nako moone.
Ngaia are, I a rineia bwa nnang bon katei oin au kakoaua. I kakoaua bwa iai te Atua ae kororaoi ana tangira ao ae kona n karaoi bwaai ni kabane ni Mwakana ni kamaiuia natina. Ngkana Natina aki tangiria ni karekea Mimitongina, e a bon nakoia anne. Ma E na bon anganiia aia tai.
Te Kawai nakon te Rairaki.
Te bong teuana ao uoman mitinare ake a mwakuri n au kaawa a namakinna bwa a riai n manga toua te kawai teuana nakon mwengaia. Inanon kawaia n okira mwengaia, a kaitibo ma tinau. E kateia ao n kabaea au tai ni kaitibo ma ngaiia. I aki rangi ni kukurei iai. I aki kan marooro ma ngaiia. Ngai irou are ana taekina ae kangai, “Ko riai n ongo iroura. Ko riai n kakoauai aika ti na taekin nakoim.”
Ngke a roko mitinare ibukin ara tai ni kaitiboo, I tuangiia, “Tai kabanebuaka ami tai. Iai oin au kakoaua. Te bwai ae kam karaoia e tamaroa, ma I kakoaua bwa te utu e rangi ni kakawaki. I kakoaua bwa taan kairiiri n te ekaretia a riai n mareaki. I kakoaua bwa te ekaretia e riai n iai ana Abotoro aika tengaun ma uoman. I kakoaua bwa te Atua e na kamaiuiia Natina aika mwaiti nakon are E kona. I aki kakoaua te moko ma te manging.
I kubanako ngke I a reiakinna bwa ngaia aia reirei bon titebo ma au koaua. A anganai Ana Boki Moomon ao a tuangai bwa nna tataroakinna. I namakina e Tamnei ae Raoiroi ngke I wareka te boki , ao I namakina te Tamnei ae Raoiroi irouia mitinare. Ma n au iango, “Tao I karioi namakin aika raoiroi aikai.”
I tataro ao I karekea kaekaana n te mii. Inanon miiu, I kauka te Baibara. Inanon te Baibara ao iai kanikinaa n aran booki aika kakaokoro n te Baibara. Te kabanea n kanikinaa e mwakoro iai “Moomon.” Te rongorongo aio e buokai ni kaotaai bwa te Baibara ao Ana Boki Moomon a uaia ni mena inanoia te euangkerio ae teuana (taraa Etekiera 37:15–19).
Au kakoaua e a kakorakoraaki riki rinanon au taneiai n wareware ake tabeua ao kamatebwaian ana Boki Moomon. Ngke a kaoai mitinare bwa nna bwabetitoaki, I butimwaia ma te kukurei. I bwabetitoaki teuana raoi te ririki imwiin kitanakiu iroun raou. Au bwabetito e mwakena te bitaki ae bubura inanon maiu. A kitanai raoraou tabeman ngke I kaina te Ekaretia, ma I kuneia aika boou n te mwaanga are I kakaea.
“Te euangkerio e uota nakoiu te oota ae bati ao te kukurei,” e taku Nicolas. “E kakabwaiaai te Atua. I kaitiboo ma te aine ae tamaroa, ao a reke natira teniman aine aika tamaroa.”
Te euangkerio e uota nakoiu te oota ae bati ao te kukurei. I kaonaki n te Tamnei ao te kimwareirei. I iangoia, “Ni kabane bwaai ake I a tia n korakai iai a uotai ni karokoai ikai.”
E kakabwaiaai te Atua. I kaitiboo ma te aine ae tamaroa, ao a reke natira teniman aine aika tamaroa. Uoman irouia a tia n beku bwa mitinare, ni buokiia aomata ni kaotaia n aron are I kaotaaki naba iai iraua te ririki n nako: “Te utu bon te bwai ae kakawaki nakon ana babaire te Tia Karikibwai ibukin aroia Natina,” “maate ake a raira nanoia a na kabooaki, rinanon te ongeaba nakon otenanti n ana auti te Atua” (Reirei ao Berita aika Tabu 138:58), ao te Uea e weteia abotoro ma burabeti n ara bong ni kaira Ana Ekaretia (taraa I-Ebeto 2:20).