Ibukin Ara Bong

N Tebetembwa 23, 1995, e taetae Beretitenti Gordon B. Hinckly (1910–2008) nakoia aine n te Bootaki n Aine ao ni kaota nakoia “Te Utu: Te Katanoata nakon te Aonaaba.” Aikai tabeua ana taeka n tain te bootaki anne:

“I kakoauaa bwa bon te kakabwaia nakoia ataei ni kabane bwa a na bungiaki nakon te mweenga ae a butimwaeaki iai, a nabeaki, tangiraki, ao ni kakabwaiaaki ma kaaro, te karo ma te tina, aika a maeka n onimakiniia i marenaia ao nakoia natiia. …

“Ngkana ko bon karikirakeia raoi natim ni kawain ana euangkerio Iesu Kristo, ma te tangira ao rietatan am kantaninga ibukiia, e na bon korakora te rau inanon maiuia.…

“Ma mwaitin te kewe ake a taekinaki bwa te koaua, ma mwaitin te mwamwanaaki ni kaeineti nakon kainibaire ao bonganaia, ma mwaitin katikitikin te iango ao te kariiri nakon kamangaongaon te aonaaba, ti karekea te namakin bwa ti na kauring ao ni moantaai ni kauring. Ni buoka wakinakon aei ngaira te Moan Beretitentii ao te Kooram n Abotoro n te Tengaun ma Uoman ti kanakoa ngkai te katanoata nakon te Ekaretia ao te aonaaba bwa te katanoata ao manga kamatoaan kainibaire, tuua, ao mwakuri ni kaineti ma te utu are burabeti, taan mamata, ao taan karekei kaotioti n te ekaretia aei a tia n taekinna ni kaokiokia rinanon nako rongorongon te aonaaba. …

“Ti taekinna nakoia aomata ni kabane bwa a na karaua, ni iangoia raoi, ao n tataro mwaaka ni wareka te katanoata aei. Korakoraia aaba nako e boboto inanon oon taian mweenga. Ti kaungaia ara aomata n taabo nako bwa a na kakorakoraia aia utu ni kaboraoia nakon koaua aika karineaki ae a tia ni bwainaki n te tai ae maan.”