Kilipati

ʻI he 1973 mo e 1974, naʻe ō ai ha fānau ako ʻe toko 25 mei Kilipati ki ha akoʻanga māʻolunga ʻa e Siasí ʻi Tonga, pea ʻi hono fakangofua ʻe heʻenau mātuʻá, naʻa nau kau ai ki he Siasí. ʻI he 1975 naʻe fakalahi e Misiona Suva Fiji ke fakakau ai ʻa Kilipati, pea naʻe uiuiʻi ha niʻihi ʻo e fānau ako ko iá ke nau hoko ko e fuofua kau faifekau ʻi Kilipatí. Talu mei ai, mo e tupulaki ʻa e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi he fonua ʻo e ʻotu motú ni ʻo kau ai ʻa e:

• kāingalotu ʻe toko 22,600 (fakafuofuaʻi)

• siteiki ʻe 2, uooti ʻe 12, kolo ʻe 31

• temipale ʻe 1 kuo fanongonongó (Talauā); fakatapui e kelekelé ʻi Nōvema 2024

ʻOku Teuteu ʻe he ʻOtuá ha Founga

Ko ʻAnamele Tenapa Sueka ʻa e fuofua tokotaha ʻi hono fāmilí ke kau ki he Siasí, ke ngāue fakafaifekau, pea mo maʻu ha mataʻitohi BA. ʻOkú ne pehē: “naʻá ku faʻa ongoʻi ʻo hangē he ʻikai lava ʻeku ngaahi fakaʻānauá. Ka ʻi he tuí, faʻa kātakí, mo e ʻaloʻofa ʻa e ʻOtuá, kuo tāpuekina ai au ʻi ha ngaahi founga naʻe ʻikai ke u teitei fakakaukau ki ai. Kuó u mamata ki Heʻene ʻofa ʻi he kakai naʻá Ne ʻomi ki heʻeku moʻuí.”