Noda Tabana
Sega ena Sigatabu! Sotavi Errol Bennett Tu
Elder kei Sister Baehrel, mai na Tabanalevu Montpellier ena iTeki Toulouse, Varanise, sa veiqaravi vakaulotu tiko oqo vaka veiwatini qase e Taiti. Rau sa wasea tiko na ka veilaveti ka veivakauqeti eso mai na nodrau gauna vakaulotu, ka sa vakatakila tu e dua na ka baleta na gauna oya na italanoa qo.
A noqu na madigi ni sota vata tu kei Errol Bennett.
Sucu e Papeete enai ka 7 ni Me, 1950, e dauveicaqepolo o Errol Bennet ka vukevuke ni kavetani ni Oceania e Taiti. Mai na yabaki 10, a vakairogorogo o koya ena timi ni koronivuli Mairie e Papeete, ia ni sa 17, ena nona okati ena timi vakacibikuila ni Central Sport de Papeete— na kalavo duaduaga e bau kila tu— sa rerevaki ka qoroi o koya ena nona totolo kei na vakacurupolo. Na kena emuri ena vakamosiyalo vei ira na dauqito saumi.
Ena nona tiko e Central Sport ea vakaraitaka kina o Bennet na kila ni vakacurupolo momona, ka rawata kina nai cocovi ni rawakai levu duadua ena qito saumi e Taiti ena tinikadua na gauna ena maliwa ni 1972 kei na 1983, walu ka vakaveitaravi, rauta ni 28 ki na 30 na kai. A tamata dau qito saraga o Bennet e Tahiti, ena vakatabutubutu ni kalavo kei na timi.
Ena Maji ni 1977, a lewena o Errol Bennet Na Lotu i Jisu Karisito ni Yalododonu Edaidai ka bese tu ni qito soka ena Sigatabu. Ena sausaumi, a kaciva o Napoléon Spitz, na peresitedi ni kalavo i Bennet kei na Fédération Tahitienne de Football (FTF), e dua na bose ni lewe ni FTF ka cauraka ni na sega tu ni qito soka ena Sigatabu na nona kalavo taucoko. Ni oti na veivosaki eso, era vakadonuya taucoko na kalavo veisemati mera veisautaka na qito ena veimacawa.
Na vakatulewa i Bennet me kakua ni qito ena Sigatabu e sega ni vakaseva na nona rawaka. A winitaka na Central Sport na icovi ni jabeni e Taiti ena walu na gauna veitaravi mai na 1972 ki na 1979 ka qoqona na ulu ni Qito ni Ceva ni Pasifika ena va na gauna veitaravi. A yacova talega na kalavo nai ka 7 ni wavoki ni Coupe de France, ka rawata na qaqa vakairogorogo 3–0 vei ratou na US Orléans e Papeete donuya tu na 1978–79.”
Ena vuku ni cau i Bennet, sa rawata kina na timi ni Taiti na metali koula ena Qito ni Ceva ni Pasifika ena 1975, 1979, kei na 1983. Ratou a karua talega ena Oceania ena 1973, ka a vakacuruma kina o Bennet e 3 na kai, me daunicakakai levu duadua ena qito, ka vakakina ena 1980, e vakacuruma kina e 1 na kai o Bennet ena fainala vata kei Ositerelia.
O Errol Bennett sa dua tu na dauqito taleitaki ka dokai sara ena Ceva ni Pasifika, ka sa kilai levu talega e Viti ki Niu Siladi, Papua New Guinea kei New Caledonia.
A digitaki koya na International Federation of Football History & Statitics (IFFHS) me dua vei ira na le 20 na dauqito levu duadua e Oceania ni ka 20 ni senituri, ka dauqito vinaka duadua e Taiti ni ka 20 ni senituri, mai vei Pascal Vahirua. A vakacavara o koya na nona qito soka ni sa yabaki 42.
E ovisa ni tauni vakacakacaka, o Errol Bennett sa tama ni 7 na gone, oka kina o Naea Bennett, na dauniveicaqe ni AS Pirae kei na timi ni vanua o Taiti.