Տարածենք երաժշտությունը

Ռոբերտ Դիլ, Օքլենդ (Նոր Զելանդիա)

Մենք բոլորս կարող ենք ուղիներ փնտրել՝ կիսելու Աստծո տված շնորհներն ու տաղանդները՝ հասնելով նոր մակարդակների:

Ես միշտ ցանկացել եմ նվագել Տաճարային հրապարակի նվագախմբում՝ Հիսուս Քրիստոսի Վերջին Օրերի Սրբերի Եկեղեցու նվագախմբում: Ես նվագում եմ կլառնետ և ունեմ երաժշտական կրթություն, բայց դժվար թե երբևէ հնարավորություն ունենամ:

Ի հավելումն այս ամենի՝ ես ապրում եմ Նոր Զելանդիայում։

Սակայն Սուրբ Հոգին հիշեցնում է ինձ, որ ես կարող եմ «գոհ լինել» (Ալմա 29․3)՝ որպես երաժշտության ռահվիրա Նոր Զելանդիայի և այլ տարածքների Եկեղեցում: Իմ առաջին կոչումը18 տարեկանում եղել է կրտսեր տարիքի երեխաների խմբի երաժշտության ղեկավար: Այդ ժամանակից ի վեր ես օրհնված եմ՝ ղեկավարելու և ներկայացնելու ցցի և ծխի երաժշտական համարները, ինչպես նաև դաշնամուր նվագելու Երեխաների միությունում: Ես երաժշտությունը տարածել եմ Նոր Զելանդիայում և Ֆիլիպիններում, նվագակցել եմ Եկեղեցու շրջաններից մեկի երաժշտական բաց դռների ժամանակ Շանհայում (Չինաստան): Ես դուետ եմ երգել Պրովոյի Միսիոներների ուսուցման կենտրոնում։

Երաժշտությունն ինձ պահել է Եկեղեցում անհանգստության և դեպրեսիայի դեմ դժվարին պայքարի ընթացքում: Երբ զգացի, որ այլ բան չեմ կարող անել, գիտեի, որ կարող եմ այո ասել երաժշտության հետ կապված հարցերում օգնելուն: Երաժշտությունն օգնում է ինձ տեսնել աշխարհը հոգևոր աչքերով:

Ես կարողանում եմ երաժշտություն գրել կնոջս ու երեք երեխաներիս հետ: Մենք միասին ելույթ ենք ունեցել ծխում, գրել ենք երաժշտական համար Օքլենդ Նոր Զելանդիա Միսիայում միսիոներական հեռարձակման համար և երգել ենք ցցի առցանց համաժողովի ժամանակ: Ես գիտեմ, թե ինչպես է Աստծո խոսքը Եկեղեցու օրհներգերի միջոցով հրավիրում Սուրբ Հոգուն և կարող է դիպչել սրտերին մեր ընտանիքներում և ծխերում:

Ես շարունակում եմ հեռվից հիանալ Տաճարային հրապարակի նվագախմբով, բայց գիտեմ, որ մենք օրհնվում ենք, երբ հնարավորություններ ենք փնտրում ծառայելու Տիրոջը և փառաբանելու Նրան՝ որտեղ էլ որ լինենք և ինչպես որ կարող ենք (տես Սաղմոս 150․6): Ես երախտապարտ եմ, որ կարող ենք կիսվել մեր վկայություններով մեր պարգևների և տաղանդների միջոցով, ներառյալ երաժշտության միջոցով: Մենք օրհնված ենք և մենք օրհնում ենք ուրիշներին, երբ կիսում ենք այդ պարգևներն ու տաղանդները Աստծո զավակների հետ և «բարձրացնում՝ որտեղ կանգնած ենք»: