« ប្រធាន ធីម៉ូស៊ី អេល. ហ្វានេ » លីអាហូណា ខែឧសភា ឆ្នាំ២០២៥ ។
ប្រធាន ធីម៉ូស៊ី អេល. ហ្វានេ
ប្រធានយុវជនទូទៅ
នៅពេលប្រធាន ធីម៉ូស៊ី អេល ហ្វានេ មានអាយុ ១៤ឆ្នាំ មិត្ដម្នាក់ដែលមានជំនឿផ្សេងចាប់ផ្ដើមសួរដេញដោលអំពីជំនឿសាសនារបស់លោក ។ ជាលើកដំបូងក្នុងវ័យកុមាររបស់លោក ធីម៉ូស៊ី បានថ្លែងទីបន្ទាល់ថា យ៉ូសែប ស្ម៊ីធ ជាព្យាការីនៃព្រះ ហើយថាសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយគឺពិត ។
« ព្រះវិញ្ញាណបរិសុទ្ធបានមានពេញបន្ទប់ ។ លោកបានចាំថា « វាជាការណ៍ជាក់ច្បាស់ណាស់ដែលព្រះវិញ្ញាគង់នៅទីនោះ » ។ « យើងមានអារម្មណ៍ដឹង ហើយយើងបានផ្លាស់ប្រែ » ។
ប្រធាន ហ្វានេ បានមានប្រសាសន៍ថា លោកចង់ឲ្យយុវវ័យក្នុងសាសនាចក្រដឹងថា ពួកគេគឺជាគ្រួសាររបស់ព្រះ ។
លោកបានមានប្រសាសន៍ « ពួកគេជាបុត្រាបុត្រីនៃព្រះ ហើយជាបុត្រនៃសេចក្ដីសញ្ញា » ។ « ហើយពួកគេអាចក្លាយជាសិស្សរបស់ព្រះយេស៊ូវគ្រីស្ទ ប្រសិនបើពួកគេទទួលយកទ្រង់—ទទួលយកអំណោយទានដែលជារបស់ពួកគេដោយសារដង្វាយធួនរបស់ទ្រង់ ។
ធីម៉ូស៊ី ឡូវែល ហ្វានេ បានកើតនៅថ្ងៃទី២៩ ខែមិថុនា ឆ្នាំ១៩៦៩ នៅបាលទីម័រ ម៉ារីលែន ជាកូនរបស់ ហ្គារី ហ្វានេ និង ម៉ារី អែលល្លែន ហ្វានេ ។ នៅពេលលោកនៅក្មេង គ្រួសាររបស់លោកបានប្ដូរទីលំនៅទៅយូថាហ៍ ជាកន្លែងដែលលោកធំធាត់ឡើង ។ លោកជាកូនច្បងក្នុងចំណោមបងប្អូនប្រាំពីរនាក់ ។
ប្រធាន ហ្វានេ បានបម្រើជាអ្នកផ្សព្វផ្សាយសាសនាពេញម៉ោងនៅបេសកកម្ម ព័រតូ អាលេហ្គ្រែ ប្រេស៊ីល ។ លោកបានសិក្សាជំនាញសេដ្ឋកិច្ច នៅសាកលវិទ្យាល័យ ព្រិកហាំ យ៉ង់ ហើយក្រោយមកបានបង្កើតក្រុមហ៊ុនជាច្រើន រួមមាន MedSource Direct, Aspire និងអង្គការសប្បុរសធម៌មិនរកប្រាក់កម្រៃ World Joy ។
លោកបានរៀបអាពាហ៍ពិពាហ៍នឹង លីនសេ អាន ហ្វានេ នៅព្រះវិហារបរិសុទ្ធសលត៍ លេក នៅថ្ងៃទី២៧ ខែសីហា ឆ្នាំ១៩៩២ ។ ពួកលោកមានកូនប្រាំនាក់ និងចៅប្រាំមួយនាក់ ហើយពួកគេរស់នៅបោនទីហ្វុល យូថាហ៍ ។
ប្រធាន និងស៊ីស្ទើរ ហ្វានេ បានបម្រើជាថ្នាក់ដឹកនាំបេសកកម្មនៅបេសកកម្មសៅប៉ូឡូ ខាងត្បូង ប្រេស៊ីល ពីឆ្នាំ២០១៤ ដល់ឆ្នាំ២០១៧ ។ ការហៅដំបូងរបស់ប្រធាន ហ្វានេ រួមមាន ពួកចិតសិបនាក់ប្រចាំតំបន់ នៅតំបន់យូថាហ៍ ប្រធានស្ដេក ទីប្រឹក្សាជាន់ខ្ពស់ ប៊ីស្សព និងប៊ីស្សពសម្រាប់មជ្ឈិមវ័យនៅលីវ ។