អែលឌើរ ចន ឌី អេម៉ុស

ពួកចិតសិបនាក់ដែលមានសិទ្ធិអំណាចទូទៅ

នៅឆ្នាំ២០២០ អែលឌើរ ចន ឌី អេម៉ុស បានទទួលនូវការហៅដើម្បីក្លាយជាប្រធានបេសកកម្ម នៅបេសកកម្ម បាតុន រ៉ូហ្គ លូអ៊ីស៊ីអាណា ដែលជាការហៅដែលបានផ្លាស់ប្ដូរជីវិតរបស់លោក ។ រឿងជាច្រើននៅក្នុងជីវិតរបស់លោកតម្រូវឲ្យមានការផ្លាស់ប្ដូរដោយសារការហៅនោះ ប៉ុន្ដែអែលឌើរ និងស៊ីស្ទើរ អេម៉ុស បានទទួលយកការចាត់តាំងនោះដោយសេចក្ដីជំនឿ ។

អែលឌើរ អេម៉ុស បានមានប្រសាសន៍ថា « យើងបានធ្វើការសម្រេចចិត្ដ និងការតាំងចិត្ដជាយូរណាស់មកហើយ » ។ « នៅពេលដែលព្រះអម្ចាស់ហៅយើង យើងគ្រាន់តែឆ្លើយតប » ។

ចន ឌី.អេមុស បានកើតនៅថ្ងៃទី២ ខែវិច្ឆិកា ឆ្នាំ១៩៦១ នៅ ឡាហ្វៃអ៊ែត លូអ៊ីស៊ីអាណា ជាកូនប្រុសរបស់ ចន អិន. អេមុស ស៊ីញ័រ និង ដូរូធី វិកធើរៀន អេម៉ុស ។ លោកបានជួបនឹងអនាគតភរិយារបស់លោក មីឈែល អ៊ីវីតរ៉ាយ នៅថ្នាក់ដែលលោករៀនជាមួយគ្នានៅសាកលវិទ្យាល័យ ពួកលោករៀនជំនាញវិស្វកម្មអេឡិចត្រូនិចជាមួយគ្នា ។

មីឈែល ដែលកាលនោះជាសមាជិកសាសនាចក្ររួចទៅហើយ បានអញ្ជើញចន ឲ្យមកចូលរួមការរាំរែកនៅព្រះវិហារ នៅឯការណាត់ជួបលើកដំបូងរបស់ពួកលោក ។ បន្ទាប់ពីនោះមក លោកបានចាប់ផ្ដើមរៀនបន្ថែមអំពីសាសនាចក្រ និងតួនាទីដ៏សំខាន់របស់ព្រះអង្គសង្គ្រោះនៅក្នុងដំណឹងល្អដែលបានស្ដារឡើងវិញ ។

លោកបានមានប្រសាសន៍ថា « គ្រប់អ្វីទាំងអស់គឺអំពីព្រះយេស៊ូវគ្រីស្ទ » ។ « ទ្រង់គឺជាចំណុចស្នូលនៃអ្វីៗទាំងអស់ » ។

អែលឌើរ អេម៉ុសស និង មីឈែល បានរៀបអាពាហ៍ពិពាហ៍នៅថ្ងៃទី៩ ខែមិថុនា ឆ្នាំ១៩៩០ នៅព្រះវិហារបរិសុទ្ធ អាត្លង់តា ចចចារ ។ ពួកលោកមានកូនបីនាក់ និង ចៅប្រាំមួយនាក់ ។

អែលឌើរ អេម៉ុស បានបញ្ចប់ការសិក្សាផ្នែកវិស្វកម្មអគ្គិសនី និងនុយក្លេអ៊ែ ។ នៅក្នុងអាជីពរបស់លោក លោកបានបម្រើការនៅក្នុងកងទ័ពជើងទឹកសហរដ្ឋអាមេរិក បម្រើការងារនៅក្រុមហ៊ុន Siemens Energy Inc និងបានបង្រៀននៅសាកលវិទ្យាល័យ សិនត្រល ហ្វ្ល័រីដា ។

ការហៅក្នុងសាសនាចក្ររបស់លោកពីមុនរួមមាន ពួកចិតសិបនាក់ប្រចាំតំបន់ ( តំបន់អាមរិកខាងកើត ) ប្រធានបេសកកម្ម ទីប្រឹក្សាក្នុងគណៈប្រធានស្ដេក ប៊ីស្សព ទីប្រក្សាក្នុងគណៈប៊ីស្សព ប្រធានសាលាថ្ងៃអាទិត្យប្រចាំវួដ លេខាវួដ អ្នកដឹកនាំក្រុមសង្ឃជាន់ខ្ពស់ និងអ្នកដឹកនាំថ្នាក់ទារកដ្ឋាន ។