« អែលឌើរ អើរ៉ុន ធី. ហល » លីអាហូណា ខែឧសភា ឆ្នាំ២០២៥ ។
អែលឌើរ អើរ៉ុន ធី ហល
ពួកចិតសិបនាក់ដែលមានសិទ្ធិអំណាចទូទៅ
អែលឌើរ អើរ៉ុន ធី ហល ចងចាំពីពេលដែលលោក និងភរិយារបស់លោក គីមប៊ើលី ត្រូវបានញែកចេញជាថ្នាក់ដឹកនាំបេសកកម្មនៅបេសកកម្ម តិចសាស ហូស្ដុនខាងត្បូង ។ ពួកលោកបានប្រាប់អែលឌើរ ដេវីឌ អេ បែដណា ក្នុងកូរ៉ុមនៃពួកសាវកដប់ពីរនាក់ថា អារម្មណ៍របស់ពួកលោកគឺលើសលប់ផង និងរំភើបផង ។ អែលឌើរ បែដណា បានបង្ហាញនូវអំណរគុណ ។
លោកបានមានប្រសាសន៍ « អ្វីដែលលោកបានបង្រៀនយើងនៅថ្ងៃនោះ មិនដែលបាត់ពីគំនិតរបស់ខ្ញុំឡើយ ថាទាក់ទងនឹងការហៅណាក៏ដោយដែលយើងទទួលបាន គឺ ‹ យើងមាននូវអំណរគុណ › » ។ « បងប្អូនឆ្ងល់យ៉ាងខ្លាំងថា ហេតុអ្វីព្រះអម្ចាស់បានជ្រើសរើសបងប្អូន ប៉ុន្ដែយើងធ្វើជាសាក្សីថា ទ្រង់បានហៅបងប្អូន ។ ហើយដោយសារយើងមានឆន្ទៈ និងអាចបម្រើបាន ទ្រង់នឹងធ្វើឲ្យយើងមាននូវសមត្ថភាព » ។
អើរ៉ុន ត្រេស៊ី ហល បានកើតនៅថ្ងៃទី៤ ខែមីនា ឆ្នាំ១៩៧១ នៅទីក្រុងប្រូវ៉ូ រដ្ឋយូថាហ៍ ជាកូនប្រុសរបស់ អាឡេន យូជិន ហល និង ផល្លា ជីនេ ណូវ៉ាក ហល ។ លោកបានបម្រើបេសកកម្មពេញម៉ោងនៅបេសកកម្ម ស៊ីលី អូស័រណូ ហើយក្រោយមកបានរៀបអាពាហ៍ពិពាហ៍នឹង គីមប៊ើលី វ៉ាដេ ហល នៅថ្ងៃទី២៨ ខែធ្នូ ឆ្នាំ១៩៩៣ នៅព្រះវិហារបរិសុទ្ធឡូហ្គែន យូថាហ៍ ។ ពួកលោកមានកូនបួននាក់ ។
នៅពេលទទួលការហៅរបស់លោក អែលឌើរ ហល កំពុងបម្រើជាពួកចិតសិបនាក់ប្រចាំតំបន់នៅក្នុងតំបន់យូថាហ៍ ។ លោកក៏បានបម្រើជាទីប្រឹក្សាក្នុងគណៈប្រធានស្ដេក ទីប្រឹក្សាជាន់ខ្ពស់ លេខាប្រចាំស្ដេក ប៊ីស្សព ប្រធានកូរ៉ុមអែលឌើរ និងប្រធានក្រុមយុវជនប្រចាំវួដផងដែរ ។
អែលឌើរ ហល មានសញ្ញាបរិញ្ញាបត្រផែ្នកជំនាញវិជ្ជាជីវៈការលក់មកពីសាកលវិទ្យាល័យវែបប៊ើ ស្តេត ហើយបញ្ចប់អនុបណ្ឌិតផ្នែកគ្រប់គ្រងធុរៈកិច្ចពីសាកលវិទ្យាល័យយូថាហ៍ ។ លោកធ្លាប់ជានាយកប្រតិបត្ដិប្រចាំក្រុមហ៊ុនបច្ចេកវិទ្យា និងក្រុមហ៊ុនគ្រប់គ្រងការវិនិយោគ ថ្មីៗនេះលោកបម្រើការជានាយកនៃនាយកដ្ឋានអ្នកផ្សព្វផ្សាយសាសនារបស់សាសនាចក្រ ។