បងប្រុស ដេវីឌ ចេ វ័នឌើរលី

ទីប្រឹក្សាទីមួយនៅក្នុងគណៈប្រធានយុវជនទូទៅ

បងប្រុស ដេវីឌ ចេ វ័នឌើរលី បានដឹងជានិច្ចថា ព្រះគ្រីស្ទមានព្រះជន្មរស់ ។

លោកបានមានប្រសាសន៍ « ខ្ញុំបានមានពរដើម្បីទទួលអារម្មណ៍នៃវត្ដមានរបស់ទ្រង់ជានិច្ច តាំងពីដើមដំបូងដែលខ្ញុំអាចចាំបាន » ។ « ខ្ញុំតែងតែមានដួងចិត្ដដែលជឿជាក់ជានិច្ច » ។

នោះមិនមែនមានន័យថា លោកមិនដែលមានឧបសគ្គនោះទេ « ប៉ុន្ដែ ការជញ្ជឹងគិតរបស់ខ្ញុំគឺតែងតែលម្អៀងទៅនឹងការយល់ដឹងថា គឺមានចម្លើយមកពីទ្រង់ » ។

បងប្រុស វ័នឌើរលី ចង់ឲ្យយុវវ័យនៃសាសនាចក្រមានអារម្មណ៍ថា ពួកគេមានចំណែក និងដឹងថាពួកគេមានមិត្តរួមក្រុមនៅគ្រប់ប្រទេសទាំងអស់ ហើយថាព្រះយេស៊ូវគ្រីស្ទស្គាល់ពួកគេតាមឈ្មោះ ។

ដេវីឌ ចេ វ័នឌើរលី បានកើតនៅទីក្រុងសលត៍ លេក នៅថ្ងៃទី២២ ខែមិថុនា ឆ្នាំ១៩៦១ ជាកូនរបស់ ហ្វ្រីដឌ្រីក ធឺអូឌ័រ វ័នឌើរលី និង ប៊ើណាដាញ លីម៉ាន វ័នឌើរលី ។ លោកបានជួប ដាយអាន រ៉ូប៊ីន នៅពេលនាងបានផ្លាស់មកវួដរបស់លោកពីប្រទេសកាណាដា ។ ពួកលោកបានផ្សារភ្ជាប់នៅព្រះវិហារបរិសុទ្ធ សលត៍ លេក នៅឆ្នាំ១៩៨៤ ហើយបានចិញ្ចឹមកូនបួននាក់នៅកាលីហ្វ័រញ៉ា ហើយនិងនៅ អាល់ផែន រដ្ឋយូថាហ៍ ។

បងប្រុស វ័នឌើរលី បានបម្រើបេសកកម្មនៅបេសកកម្ម រីអូ ដេ ចានីរ៉ូ ប្រេស៊ីល ហើយមានបរិញ្ញាបត្រផ្នែកគណនេយ្យ និងមុខជំនាញបន្ទាប់បន្សំផ្នែកភាសាព័រទុយហ្គាល់មកពីសាកលវិទ្យាយូថាហ៍ ។ លោកបានបម្រើការងារជានាយកប្រតិបត្ដិនៅ Easton Sports និងជាប្រធាននៃ OGIO International ។ លោកក៏បានបម្រើការនៅក្នុងក្រុមប្រឹក្សាភិបាលសាជីវកម្ម និងសប្បុរសធម៌ជាច្រើនផងដែរ ។

នៅពេលដែលលោកត្រូវបានហៅ លោកកំពុងបម្រើនៅក្នុងក្រុមប្រឹក្សាយោបល់យុវជនទូទៅ ។ ស៊ីស្ទើរ វ័នឌើរលី បម្រើនៅក្នុងក្រុមប្រឹក្សាយោបល់អង្គការបឋមសិក្សាទូទៅ ។ ចាប់ពីឆ្នាំ២០២០ ដល់ឆ្នាំ២០២៣ ពួកលោកបានបម្រើជាថ្នាក់ដឹកនាំនៃបេសកកម្ម ខេប វើរឌី ប្រាអៀ ។ បងប្រុស វ័នឌើរលី ក៏បានបម្រើជាប្រធានស្ដេក និងប៊ីស្សពសម្រាប់យុវមជ្ឈិមវ័យនៅលីវ ទីប្រឹក្សាក្នុងគណៈប្រធានសាខានៅមជ្ឈមណ្ឌលបំពាក់បំប៉នអ្នកផ្សព្វផ្សាយសាសនា និងប្រធានយុវជនប្រចាំវួដផងដែរ ។