« អែលឌើរ ប្រាយអិន ចេ ហូមស៍ » លីអាហូណា ខែឧសភា ឆ្នាំ២០២៥ ។
អែលឌើរ ប្រាយអិន ចេ ហូមស៍
ពួកចិតសិបនាក់ដែលមានសិទ្ធិអំណាចទូទៅ
អែលឌើរ ប្រាយអិន ចេ. ហូមស៍ បានមានប្រសាសន៍ថា លោក និងភរិយារបស់លោក ម៉ាហ្គី គឺជាសាក្សីនៃការសន្យារបស់ព្រះអម្ចាស់នៅក្នុង គោលលទ្ធិ និងសេចក្ដីសញ្ញា ៨៤:៨៨ ថាទ្រង់ « នឹងទៅពីមុខអ្នក » ។
អែលឌើរ ហូមស៍ បានមានប្រសាសន៍ថា « នោះគឺជាអ្វីដែលទ្រង់បានធ្វើសម្រាប់យើងពេញមួយជីវិតរបស់យើង » ។ « នៅពេលយើងបង្វែរជីវិតរបស់យើងទៅរកព្រះអម្ចាស់ ទ្រង់អាចបង្កើនយ៉ាងច្រើនជាងអ្វីដែលយើងអាចធ្វើបានដោយខ្លួនឯង » ។
នៅក្នុងតួនាទីថ្មីរបស់លោកជាពួកចិតសិបនាក់ដែលមានសិទ្ធិអំណាចទូទៅ អែលឌើរ ហូមស៍ សង្ឃឹមថាលោកនឹងមានឱកាសដើម្បីថ្លែងទីបន្ទាល់អំពីតួនាទីដ៏សំខាន់របស់ព្រះយេស៊ូវគ្រីស្ទនៅក្នុងផែនការរបស់ព្រះវរបិតាសួគ៌ ។
លោកបានមានប្រសាសន៍ថា « ទ្រង់គឺជាព្រះអង្គសង្គ្រោះ និងព្រះប្រោសលោះនៃបុត្រាបុត្រីទាំងអស់របស់ព្រះវរបិតាសួគ៌របស់យើង » ។
ប្រាយអិន ចេ. ហូមស៍ បានកើតនៅថ្ងៃទី៥ ខែធ្នូ ឆ្នាំ១៩៧៧ នៅទីក្រុងសលត៍ លេក រដ្ឋយូថាហ៍ ជាកូនម្នាក់ក្នុងចំណោមកូនទាំង១២នាក់របស់ ម៉ៃឃល អេច ហូមស៍ និង ម៉ារៀន អរ ហូមស៍ ។ កាលពីក្មេង លោកបានបម្រើបេសកកម្មនៅទីក្រុងម៉ូនិក អាល្លឺម៉ង់ ។ ក្រោយមក លោកបានរៀបអាពាហ៍ពិពាហ៍នឹង ម៉ាហ្គី វិលសុន នៅព្រះវិហារបរិសុទ្ធសលត៍ លេក នៅថ្ងៃទី២៩ ខែមីនា ឆ្នាំ ១៩៩៩ ។ អែលឌើរ និងស៊ីស្ទើរ ហូមស៍ មានកូនប្រាំមួយនាក់ ហើយកំពុងរស់នៅឃ្វីនក្រិក រដ្ឋអារីហ្សូណា នៅពេលលោកបានទទួលការហៅរបស់លោក ។
អែលឌើរ ហូមស៍ ទទួលសញ្ញាបត្របរិញាបត្រផ្នែកវិទ្យាសាស្ដ្រនយោបាយ និងសញ្ញាបត្រវិជ្ជាជីវៈផ្នែកច្បាប់ ពីសាកលវិទ្យាល័យរដ្ឋអារីហ្សូណា ។ លោកបានបម្រើការងារជាអនុប្រធាននៅក្រុមហ៊ុន Holmes Homes នៅអារីហ្សូណា ជាស្ថាបនិករបស់ក្រុមហ៊ុនច្បាប់ Holmes Law, PLC ហើយថ្មីៗនេះបម្រើការងារជាទីប្រឹក្សាទូទៅនៅក្រុមហ៊ុន Charter One, LLC ។
មុនពេលការហៅរបស់លោកជាពួកចិតសិបនាក់ដែលមានសិទ្ធិអំណាចទូទៅ អែលឌើរ ហូមស៍ កំពុងបម្រើជាពួកចិតសិបនាក់ប្រចាំតំបន់អាមេរិកខាងត្បូង នៅក្នុងតំបន់ខាងត្បូងឈាងខាងកើត ។ លោកបានបម្រើជាប្រធានស្តេក ទីប្រឹក្សាជាន់ខ្ពស់ និងប៊ីស្សព ។