Endurreisn sakramentisins

sakramentinu útdeilt við stofnun hinnar endurreistu kirkju

Þegar Kirkja Jesú Krists hinna Síðari daga heilögu var stofnuð árið 1830, endurreisti Drottinn hina helgu athöfn sakramentisins. Hann bauð fólki sínu að „koma oft saman til að neyta brauðs og víns í minningu Drottins Jesú“ (Kenning og sáttmálar 20:75).

Þessi tímalína sýnir hvernig sakramentið hefur verið innleitt á hinum ýmsu tímum. Þótt fólkið og staðirnir breytast, þá hjálpar sakramentið lærisveinum Jesú Krists að hafa hann ávallt í huga og hafa anda hans með sér.

	Nýja testamentið	Mormónsbók	Kenning og sáttmálar	Dagurinn okkar	Þegar Jesús Kristur kemur aftur
Hver	Jesús Kristur og lærisveinar hans í Jerúsalem	Jesús Kristur og Nefítarnir	Joseph Smith og fyrstu meðlimir hinnar endurreistu kirkju Jesú Krists	Síðari daga heilagir um allan heim	Jesús Kristur og „[allir þeir], sem faðir [hans] hefur gefið [honum] úr heiminum“ (Kenning og sáttmálar 27:14)
Hvað	Brauð og vín í minningu um líkama og blóð Jesú (sjá Matt 26:26–28; Markús 14:22–24; Lúkas 22:17–20)	Brauð og vín í minningu um líkama og blóð Jesú (sjá 3. Nefí 18)	Brauð og vín, blessuð með sérstökum bænum í Kenningu og sáttmálum 20:77, 79	Yfirleitt brauð og vatn, blessuð með sérstökum bænum sem finna má í Kenningu og sáttmálum 20:77, 79	Samkoma leidd af Jesú Kristi, þar sem hann „mun drekka af ávexti vínviðarins með [okkur] á jörðu“ (Kenning og sáttmálar 27:5)
Hvenær	Hófst í kringum 33 e.Kr., nóttina fyrir krossfestingu Jesú Krists	Hófst í kringum 33 e.Kr., eftir upprisu Jesú Krists	Hófst þegar kirkjan var stofnuð 6. apríl árið 1830	Vikulega á sakramentissamkomum	Þegar Jesús Kristur kemur aftur til jarðar
Hvar	Í „loftsal [miklum]“ í húsi í Jerúsalem (Markús 14:15)	Í „landi Nægtarbrunns“ (3. Nefí 11:1)	Á Whitmer-heimilinu í Fayette, New York, Bandaríkjunum	Í samkomuhúsum víða um heim	„Á jörðu“ (Kenning og sáttmálar 27:5)
Hvers vegna	Að gefa fólki tækifæri til að minnast Jesú Krists og „endurnýja sáttmála sinn um að taka á sig nafn frelsarans, að hafa hann ávallt í huga og halda boðorð hans.“

Ígrundið

Hvernig styrkir það samband ykkar við Jesú Krist að þekkja tilgang sakramentisins?