Na Siga Totoka Dina

A mai takali o Claude Roy, na tamaqu ena 2015, sega ni dede mai na nona papitaiso. Ena gauna o ya, keitou a lewe ni Lotu o tinaqu, ira na taciqu, kei au, e sega tikoga ni via curu ena vica vata na yabaki o tamaqu.

Ni toso na gauna, a kaya, “sa kaukauwa sara na yaloqu, kau sa cudru ena noqu sikovi mai vei ira na luvequ kei na makubuqu ka vinakata meu vakatikitikitaki au mai na noqu matavuvale. Sa tubu na veileqaleqati ena noqu vale, ka sa dredre sara na noqu veimaliwai kei watiqu.”

Ena gauna oqo, sa tekivu me raici ira tale na nona qase e liu mai Kenada, ka ra kawa ni veimatanitu na Mi’kmaq and Huron-Wendat. Ni sa yacovi ira yani na itikotiko ni Mi’kmaq volekata na vanua a tubu cake kina, a sureti kina dua na powwow, e dua na nodra soqo na iTaukei kei Amerika.

Ena yakavi ni powwow, a dodoka na ligana na iliuliu levu ka kerei ira na gone mera lako mai vua me rawa ni vakalougatataki ira. Na ivunau ka tarava ena bibi ni matavuvale kei ira na kawa a lutuki tamaqu me vaka na kurukuru.

Ena gauna o ya, a kaya, “Au raica na noqu matavuvale ni ratoudodoka tu mai vei au na ligadratou niu sa vakanadakui iratou. Au vakasinaiti ena rarawa vakaitamera, ka sega ni vakamacalataki rawa me vaka ga ni sa kavoro vakamalua na utoqu. Au kila ena gauna oya ni a vakayagataka na Turaga na nodra vosa ni yavusa na noqu qase me vakamalumalumutaka na yaloqu. Au kila ni dodonu meu vuki vua na Tamaqu Vakalomalagi ka vakavinakataka na mavoa au sa vakavuna kina noqu matavuvale.”

Sa tekivu me veiyaloni o Ta kei na neitou matavuvale, ka kerea na veivosoti mai vei ira yadua na lewe ni matavuvale. Ena ivakaraitaki nei watina kei iratou na luvena, sa tekivu me masu ka wilika na iVola i Momani. Ni wilika oti e vuqa na itukutuku makawa me baleta na vanua o Amerika, a vakila na idre ni iVola i Momani. A vakadeitaki vakatotolo vua na kena dina.

“Nira vakavolivoliti au tu na noqu matavuvale, au a papitaiso meu lewe ni Lotu i Jisu Karisito ni Yalododonu Edaidai,” a kaya okoya. “O ya na siga totoka duadua ni noqu bula! Au vakadinadinataka na kaukauwa ni dua na ivakaraitaki ni loloma. Ena loma ni 36 na yabaki, a maroroya tu o watiqu na nona vakabauta ka ivakaraitaki Vakarisito vei au, e dina ga ni kaukauwa tu na lomaqu. Oti, e dua na mua ni macawa a veisautaka na veika kece vei au.”

Na italanoa nei tamaqu e vakananuma vakavinaka vei keda ni “sa dodo yani vei [keda] na liga ni loloma cecere ni iVakabula” ia ni gauna eda veivutuni kina, ena ciqomi keda vakaidina o Koya (raica na Alama 5:33).