Na Dina Cava e Vakavulica na iVakaro ni Veivakalesui Mai?

Tekiduru tiko o Josefa Simici ena loma ni veikau

Ena koniferedi raraba ni vula o Epereli sa oti e a vakatavulica kina o Peresitedi Russell M. Nelson me baleta “Na Vakalesui Mai ni Taucoko ni Kosipeli i Jisu Karisito: A iVakaro ni Ruanadrau na Yabaki ki Vuravura.” Oti e qai kaya: “Vulica yadua kei na nomu matavuvale kei na itokani. Vakasamataka vakatitobu na veika dina oqori ka nanuma na veika e rawa ni yaco ena nomu bula baleta na veika dina o na rogoca, vakamuria, ka talairawarawa ki na ivunau kei na veiyalayalati e sala vata kaya mai.”

Na ituvatuva oqo ena vukei iko mo muria na ivakasala ni parofita mo vulica na ivakaro. Nio sa vakayacora vakakina, vakasamataka mo kakua ni vakasamataka walega na veika makawa ni Veivakalesui mai ia na liga ni Turaga e dusimaka na veika oqori. (Sa vakarautaki tu na itukutuku ni ivakaro ena Valenivola ni Kosipeli se ena mua ni imatai ni lesoni ni Lako Mai, Mo Muri Au ena mua ni yabaki oqo.)

Parakaravu	Vuli: Na Dina Cava o Kunea?	Vakasamataka vakatitobu: Na Cava e Vakavulica Vei Iko na Dina Oqo?	Talairawarawa kina: O na rawa vakacava ni vakayagataka na veivakavuvuli oqo ena nomu bula?	Wasea: O na Wasea Vakacava na Dina Oqo ki na Nomu Matavuvale kei ira na iTokani?
1
2
3
4
5
6
7
8
9

Na Cava e Kacivaki Kina na iVakaro?

O kila beka ni se qai ono ga na ivakaro a solia na Lotu i Jisu Karisito ni Yalododonu Edaidai? Na imatai ni tolu a tabaki ena maliwa ni 1841 kei na 1865. Na iotioti ni tolu na ivakaro oqo sa tabaki me tekivu mai na 1980:

“Ai Vakaro mai vei iratou na Mataveiliutaki Taumada kei na Kuoramu ni iApositolo Le Tinikarua ni Lotu i Jisu Karisito ni Yalododonu Edaidai” (1980), ka vakadonui mai vei Peresitedi Spencer W. Kimball (1895–1985) ka wilika o Elder Gordon B. Hinckley ena ika 150 ni yabaki ni kena tauyavutaki na Lotu.
“Na Matavuvale: Ai Vakaro ki Vuravura Raraba” (1995), wilika o Peresitedi Gordon B. Hinckley ena Soqoni Raraba ni iSoqosoqo ni Veivukei me wasea na itukutuku vakadonui ni Lotu me baleta na ivunau ni matavuvale.
“Na Vakalesui Mai ni Taucoko ni Kosipeli i Jisu Karisito: Ai Vakaro Ki Vuravura Raraba ni Yabaki Ruanadrau” (2020), wilika o Peresitedi Russell M. Nelson ena koniferedi raraba ni Epereli 2020—ni oti e 200 na yabaki mai na iMatai ni Raivotu. E vakadeitaka nio Josefa Simici e parofita ni Kalou ka sa Lotu i Jisu Karisito ni Yalododonu Edaidai sai koya na Lotu vakalesui mai i Jisu Karisito.

Na ivakaro e baleti keda kece e vuravura raraba. Era sa “ka bibi ka tabu sa soli ena inaki me vakatubura, tara cake, ka vakataulewa ena cakacaka ni Lotu me vaka na matanitu ni Kalou e vuravura.” Na ivakaro sa ivakadinadina dredre ka kaukauwa ni tiko e dua na parofita bula me dusimaka na Lotu kei vuravura nikua.