Ni Kweli Zipi Tangazo la Urejesho Linafundisha?

Joseph Smith akipiga magoti katika kijisitu cha miti

Katika mkutano mkuu wa Aprili 2020, Rais Russell M. Nelson alisoma “Urejesho wa Utimilifu wa Injili ya Yesu Kristo: Tangazo kwa Ulimwengu la Maadhimisho ya Miaka Mia Mbili.” Kisha alisema: “Jifunze kuhusu hili kibinafsi na pamoja na wanafamilia yako na marafiki. Tafakari kweli hizi na fikiria athari ambazo kweli hizo zitakuwa nazo katika maisha yako ikiwa utazisikiliza, na kufuata amri na maagano ambayo yanaambatana nazo.”

Jedwali lifuatalo litakusaidia kufuata ushauri wa nabii wa kujifunza tangazo hili. Unapofanya hivyo, fikiria kutambua si tu matukio ya kihistoria ya Urejesho bali pia mkono wa Bwana ukiongoza matukio hayo. (Maandishi ya tangazo yanapatikana katika Maktaba ya Injili au mwishoni mwa somo la kwanza la Njoo, Unifuate.)

Aya	Jifunze: Ni Kweli Zipi Ulizipata?	Tafakari: Kweli Hizi Zinakufundisha Nini?	Fuata: Ni kwa Jinsi Gani Unaweza Kutumia Kweli Hizi katika Maisha Yako?	Shiriki: Ni kwa Jinsi Gani Unaweza Kushiriki Kweli Hizi na Familia yako na Marafiki?
1
2
3
4
5
6
7
8
9

Kwa nini Matangazo?

Je, ulijua kumekuwa na matangazo sita tu yaliyotolewa na Kanisa la Yesu Kristo la Watakatifu wa Siku za Mwisho? Matatu ya kwanza yalichapishwa kati ya mwaka 1841 na 1865. Matangazo matatu ya mwisho yamechapishwa tangu mwaka 1980:

“Tangazo kutoka kwa Urais wa Kwanza na Akidi ya Mitume Kumi na Wawili wa Kanisa la Yesu Kristo la Watakatifu wa Siku za Mwisho” (1980), lililoidhinishwa na Rais Spencer W. Kimball (1895–1985) na kusomwa na Mzee Gordon B. Hinckley kwenye maadhimisho ya miaka 150 ya kuanzishwa kwa Kanisa.
“Familia: Tangazo kwa Ulimwengu” (1995), lililosomwa na Rais Gordon B. Hinckley katika Mkutano Mkuu wa Muungano wa Usaidizi ili kushiriki kauli rasmi ya Kanisa juu ya mafundisho ya familia.
“Urejesho wa Utimilifu wa Injili ya Yesu Kristo: Tangazo la Miaka Mia Mbili kwa Ulimwengu” (2020), lililosomwa na Rais Russell M. Nelson wakati wa mkutano mkuu wa Aprili 2020—miaka 200 baada ya Ono la Kwanza. Tangazo linathibitisha tena kwamba Joseph Smith alikuwa nabii wa Mungu na kwamba Kanisa la Yesu Kristo la Watakatifu wa Siku za Mwisho ni Kanisa lililorejeshwa la Yesu Kristo.

Matangazo yanakusudiwa kwa kila mtu kote ulimwenguni. Ni ya ”taadhima na matakatifu katika asili na … yaliyotolewa kwa nia ya kuleta, kujenga na kusimamia mambo ya Kanisa kama ufalme wa Mungu duniani.” Matangazo ni ushuhuda adimu na wenye nguvu kwamba tuna nabii aliye hai anayeongoza Kanisa na ulimwengu leo.