Bił Kééhashti’nii Jesus Christ Bina’hagha’jí

Jesus Christ Binagha Akeedi Dayoolkaalgo Ya Naazinigii binanitin éí aláádi diné yiłkééhatinígíí yee nidahitin. Aláágo bee nidahniitinígíí éí hooghan has’ąągi diyin bighanntsaadi bee nidahníítin. Bibee’ó’oolį́į́hii ákone’ binahjį́ iłhaajééh ahídiiljééhgo NihiZhe’é biighandi nídííkah.

T’ááchil 2025 yaadą́ą́’ President Russell M. Nelson yee haadziih 200 aniidí diyin bighan ntsaaígíí adahoolnííł dííniid. Éí ałtsoh ntsaa áłah aleehdí bił nizhónígo díí áádí anaadoolnííł níígo áádóó nihí ałdo nihił dahózhǫ́ łeh. Ndi la’í diyin bighan ntsaa inda bąąh nidah diinishgo, áko k’ad éí doo aniidí anaadoolnííłígíí doo bąąh hodooní da. Naakitsaahdahdę́ę́’ doo aniidí diyin bighan ntsaaígíí dóó bąąh hodooní da. K’ad t’óó náasgoo bee ó’oolį́į́hii nahasdzáán bikaagi nihi dine’é baholǫǫ’ doo, dóó náasdi inda aniidi diyin bighan ntsaaígíí anaadoolnííł baa hódooní.

Díí bee haasdziihigíí éí Preident Russell M. Nelson t’áá íidą́ą́’ yee yiké’aashchį́. T’áá íídą́ą́’ bee bikéhaashch’į́ dóó bee lá’aslį́į́h, ndi bee nanishtinígíí éí Diyin bitsąą’dę́ę́’ at’é.

Bił kééhast’íinii bee há’oodzííh tádiin naahai yaadą́ą́’ “bił kééhastíinii éí Diyin God bits’ąądę́ę́’” dóó “tsídá ałníídi Diyin binahat’á bá’ałchíní hooláágoo hatsijį́ bá áhoot’é.” “Diyin God Bá’áłchíní yá yee haadzíí’ nahasdzáá bikáá’ ąą nóoht’į́į́ł dóó biyi’ ha’dóhbin t’ahdii t’áá ákot’é.” Dóó, “Nihi diyingo da’adziil binahjį’ ni’iichííhígíí éí hastiin dóó bee haas’ąąnii bikéhgo, ahastiin dóó ahasdzání ahisgego t’éíyá ahił dootish doo éí bee hazą́ą́go ahastiin dóó ahasdzání áhaadoonił.” Áádóó Eldir Russell M. Nelson nanitin BYUdi éí bił kééhast’íinii tsídá ałníidi Diyin God binahat’ą́. … Binahat’ą́ éí bił kéédahíít’íínii wódahdi bá áhoot’į́.”

Jesus Christ Binagha Akeedi Dayookaalgo Yá Naazinígíí bee bá’hodilzinígíí éí hooghan haz’anígíí yéígo yee nidahnitin. T’áá anii át’é! Biniyéh kéédahwíítinígíí éí Diyin God bił neenishgo dóó bił kéédahwíítin’ígíí éí áláádi át’é. Yá’aashdi nihiZhe’é binhat’ą́ éí Jesus Christ bina’hagha T’áá anii diyin bina’nitinii ałtsé yá’aashdi bee nanhineezt’aah, áádóó kwe’é nihisííkai, k’ad éí kwe’é diyin bá’ałchíní níídlį́, dóó nihił bee dahwíít’inígíí éí hooláágoo nihimá dóó nihizhe’é dóó bił heejééhígíí bił dahiníínąą’ doo.

Díí nanitinígíí, éí bits’ąąjí hólǫ́. United Statesdi iigeh doo ílíída silį́į̨́h, dóó ałchíní bidich’ííhii doo diné deenizin dah. Neeznadiin naahai hooghan has’andoo iigeh yaa ádzaah, dóó ałchíní nihichííhí’gíí ałdo yaa ádzaah. Nihisodizinjį́ iigeh dóó ałchíní nihichíí’ éí yá’át’ééh, ndi ałdo yaah ádzaah. Yéígo bóholniih éí Gaamaalii danilinígíí biniyéh iigeh dóó ałchíní nihichí yéígo ílį́. Háálá naasgoo biniyéh bąąh nisé’akees. President Nelson binanitin éí, “Hoolaagóóiiná éí iłhaajééh binaanish at’é.” “Jesus Christ bibee hasda’iidééhii binánitin éí ákot’áó t’éíyá iłhaajééh hasdahdookai.”

Nihinaagoo iigeh dóó ałchínínich’ii’ éí yaahgo ádzááh, ndi nihisodizindę́ę́’ bee nanitin dóó alį́į́’nii binahjį́ éí doo ádahoot’éhígíí bikééh yiikah dah.

Tsoots’idiin naahai yaadą́ą́’ ashkíí yázhí niishłį́į́go shichéí’ dóó shimásaní daa’akéhdi bił shighan nt’ę́ę́’ áko íídą́ą́’ áhooneelígíí iłhajééh bee bidaholneeh nt’ę́ę́’. Íídą́ą́’ doo niłch’į́ naalkidi hólǫǫ’ da dóó niłchí bee alyaahígíí ałdó adaadin, áko bił haajééhii bąąh ná’aldéédí doo neiniłtł’ah da. K’ad éí bił kéédahat’inígíí doo lá’í iłhaajééh ałah nadlíída dóó ahił nidaanéé’ da. K’ad éíyá chidí bee ná’adah dóó bohonéédlį́ hólǫ́ dóó béesh bee hane’í bee dah hólǫ́ áko hoghandi t’óódahjah dóó lá’adi nida’ayiih áko amá dóó azhe’é doo hazhǫ́ bidaholnííh dah.

Amá dóó azhe’é bidaholnííhyąą doo hólǫǫ dah, k’ad éí sodizinjį́ atah danlinígíí t’óó nidaalnish. Ałk’idą́ą́’ éí iłhaajééh ahił nidaanishgo hodíchildi yaa nidaalnishgo yee t’áá lá’íjí yaah nidaalnish nt’ę́ę́’ --- ákot’áó binahjį́ ákindaaldzil nt’ę́ę̨́́. Iłhaajééh hast’ééyilyaah dóó bikéhgo ałkáhanijijahgo nidaljilnish. Diishjíídi éí doo ákót’ééh da t’áá bí akínidaalnishgo daháyahéí iłhaajééh doo yił nidaalnish da dóó áhádaháhodl’ii da.

Azha amá dóó azhe’é doo házhǫ́ bidaholnííh da ndi, Gaamaalii éí t’áá dii Diyin bits’ąądę́ę́’ hanaanish há’alyaah éí há’a’chíní nashnitin doo hooláágoo iiná bich’į́.(Diyingo Na’nitin dóó Bee Ahadaʼdeest’áanii 68:25). Lá’í áko deit’į́ ndi lá’ bił haajééh éí doo áko daat’íí’ dah. Ałts’áá’ít’aash, ánooneeł dóó t’áá sáhí ná’adah éí t’áá anii’at’é. T’áá Shí ákot’áó shił haajééhii bił shiyaahwíí’ą́.

Shizhe’é nihits’aadaasts’ah tsoots’id shinaahaigo, áko shitsilí dóó shideeshzí nihimá t’áá sahígo nihiyaah hooł’ą́. Ázha yéígo nihich’į́ nahwíínaa ndi, naasgo shimá nigha yigaal nt’ę́ę́’. T’áá sahí dóó yiniił nil’į́ ndi sodizin hanaalyahígíi binahnitin binahjį́ bidziilgo naagóó nihoo’ís. Yá’aashgo sodilzingo áádę́ę́’ bikidhojidliigo bikáh aná’elwo’go bá’ałchííní yiyaahooł’ah Nihighaandi nihił dahózhǫǫgo niyaahoo’ą́, dóó nihizhe’é t’áá doo bee dah síínah da. Shimá nanhineezt’aah nihizhe’é hólǫ́ dóó shichooní hólǫ́ háálá diyin bighan ntsaadi ásíígeh. Nihizhe’é t’óó nighaajį́ nihits’anyah háálá Diyin naalahdi binaanish yá’áyíílaah.

Shił bee hozin lá’ iłhaajééh doo bił dah hózhǫǫ’ da, ndi amá t’áásahí bá’ałchíní nei’eeshgo yá’aashdi nihiZhe’é bee ayóó’ó’óó’ní yee nanitin doo, dóó diyin bighan ntsaadi iigehígíí ałdó yee nanitin doo. Bííníghah díí łahdoo ninaanish áníléehgo. Yá’aashdi nihiZhe’é binahat’á t’áá at’é diné bá biigha. Diyin bighan ntsaadi iigehígíí baa áhéédahniidzin dóó áádí iłhaajééh ahildííjééhígíí binahjį́ bikíhojidlíí’ doo. Shimá naalingo, Lehi biyéh Jacob yich’į́ haadzííh éí Diyin “niká’adoolwoł nich’į́ nahwíínąągo binahjį́ nahjį́ dinííseel doo” (2 Nephi 2:2). Díí nanitinígíí t’áá at’é Gaamaalii iłhaajééhii bideet’į́ doo t’áá at’é iłhaajéeh dooda yeeh doo t’áá át’é da. Nihi iłhaajééh bisodizin at’é.

Nihi nanitin iłhaajééh hooláágoo iina yiniidlanígíí nihidziil anhísin dóó bee dah áhííniit’ah. Doo bąąh yooshnééh da shichéí yee haadziih, iidą́ą́’ ałchíní dah níídlíígo dá’akéhdi Payson, Utahdi. Áyóó át’éégo hane’ yee shił hoolne’, nizhe’é daastsáh nizaadi Denver Coloradodi. Tseśkéhgoo nisht’aał dóó nisidishgó’go, nizaad áhoolziishgo yicháh. Shichéí shikééh yá’elwodgo nisidaagogo áshiłní, “K’ad nizhe’é nishlíí’ doo.” Díí ayóó’óó’ní bee ha’oodziih éí ayóó bidziil achéí dooda yeeh amásaní éí yitsąą’ ajídinígíí yitsáaskéh gone’ iighaago.

Amá dóó azhe’é --- t’áá shá’ínaagha’ígíí, asyéhigíí dóó amásaní dóó achéí ałchíní yá ákót’ííhgo --- nizhónígo ndanitin. Yinaałgo iiná dééyiniłį́į́’go éí nanitin at’é. T’áá hoghandi illhajééh bił bohodíílaał, hooláágó álinígíí, iigeh, ałchíní, iina’ biniyéhígíí dóó t’áá anii iłhózhǫ́. Áádí ałdó ajooba’, ánídíít’aah, hazhó’í́ nisé’akees dóó oltą’álinígíí dóó hazhó’ó naaniish bohojííłaał.

T’áá anii doo t’áá at’é iłhaajééh da’oodlaah da’nilíída, éí diyin bina’hagha doo dah yoodląą’ da. Anii íhídiikai’ígíí éí bich’į́ há’adeehnolí dóó ayóó’ádéénó’ní doo. Nihi bé’neelnííh doo, ahiłnideenishgo iina’ nizhónígo hadit’éh haníit’ááhgo éí niidzin. Bidziilgo nanitin éí Diyingo Na’nitin dóó Bee Ahadaʼdeest’áanii 138:57-59 éí niheeh iina łahgo aneelneeh dóó diyin kéhji niilsééł doo niidzinígíi dahsíits’ąągo niłch’į́’di keehonit’ííhgo éí t’áá nihábiigha láh. Áláádí boholnííh éí ákah ánééhjahgo iłhaajééh dabidziil doo, dóó bineelnííh bąąhádii át’éii dóó nidahíízį́į́h nihaanididoot’ááł nihee’iiná łahgo aneelyaahgo háálá Jesus Christ niha niná’idláh.

Yisda’iinííłii Jesus Christ yeehadít’éhígíí bikéhgo yiidaał doo. Nihee iina bikidhojidlííh doo diyin bikéhgo yidaał dóó bibee nanitingo dóó nihijáá’iiyahígíí bikéhgo hiníínágo. Christ bikéé yiidaałgo dóó diné bikáh’aeelwo’go akót’áó doo t’áá nihí t’éíyá adaanisííkees doo ninaagóó ákot’áó diné dahiná.

Amá dóó azhe’é bá’ałchíní yá’át’ééhgo ééhozinígíí yeeh nideenitin doo. Iłhaajééh ahííhkah t’áá lá’í ádoolníilígíí biniyéh. Dá’áłák’eh baa na’anishgo ilhaajééh áheeh dahodoolzį́į́ł biniiyéh ahííkai. Áhił nidaanishgo iłhaajééh bidziil yileeh. Tłóódi nibaal ninát’aah, jooł bee ná’ánéh dóó honeenídi ałhineekaigo éí binahjí iłhaajééh aheedahoolzííh. Ákééh dah nilinígíí ahíneekahgo bizází yee daalnííhgo, diyin bighan ntsaadi nihizází bánidoolnish.

Amá dóó azhe’é bá’ałchíní neenitin doo, t’áá hooghan gone’ dóó tł’óódi hooghan binaahgo hasht’é háhódolzin. Naanałah diné bizaad bóhoo’aah éí tsełkee hast’é’adoolzingo nidanitiní silííhgo chodayo’į́ dooleeł. Díí nabidinoot’į́į́łígíí éí amá dóó azhe’é dóó achéí, dooda yeeh diné dóó asdzááni atah iłhaajééhjį́. Iłhaajééh nizhó’nígo ahił nidaanishgo dóó t’áá ałtsoh bąąh hoonít’į́į́hgo áko t’áá naasgoo iłhajééh dinooseeł.

Lá’ adaaní, “Doo niha biigha da.¨ Hazho’ t’áá ayisíí’ ílį́į́’go yá’át’ééhii bąąhwíínít’į́į́hgo amá dóó azhe’é éí béesh bee hane’í anidaagaais doo. Amá dóó azhe’é, bee nołnííh, niha’ałchíní aláádí deinizinígíí éí shimá dóoí shizhe’é bił hónishłǫ́ǫ́’ doo danizin.

Akidhojidl’į́ iłhaajééh ałah ndééhgo sodadilzingo, abinigo dóó é’é’aahgo ałdó ahééhwíínidzin dóó t’áá há’atííshį́į́h t’áá ajiłtsoh bibiyéh bá sohodizin. Sodizindí t’áá’at’é iłhaajééh nidaakaigo dóó dahósingo bikidhojidl’į́ dóó naanałahdi hodilzindi ałah nadleehdi. Iłhaajééh bidziil yilééhgo éí baa dah hane’ dóó iłhaajééh bee ó’oolį́į́h baa hane’go iłhaajééh bidziil daaleeh. President Spencer W. Kimball aní, “hane’ diyin shiká’elwodgo baa hane’ígíí dooda yeeh azází diyin yoodląągo baa hane’ éí ayóó bidziilgo nanitin át’é.” Éí hane’ ayóó nihi dóó naasdi ałchíní binahjį́ diyin yéígo dah yoodląąh doo.

Shił bee hozin, Jesus Christ éít t’áá łá’í nilį́į́’go nihiZhe’é báyishch’į́. Diyin bił áhá’deiit’anjį́ atiin bikaahgi yinaał doo nihiłní éí hooláágo Diyin God bá’ałchíní keedahat’indi ałah nidoodlééł nihanizin. Diyin bibeeádziilii bee iłhaajééh ahídeeljééh éí Kirtland Diyin Bighan Ntsaadí hanaalyah, áko iłhaajééh hooláágoo dah hinąą’ doo (ninił’į́ Diyingo Na’nitin dóó Bee Ahadaʼdeest’áanii 110:13-16). Éí k’ad ákot’áó diyin bighan ntsaa gone’ nahazáán bikaagi baa nidahanish. K’ad éí kót’é. T’ah nt’ę́ę́h atah nołí doo, sodizin, Jesus Christ bizhí binahjį́, amen