Jesus Christ Bizhi’ Ák’izhdiit’aahgo

2018 yę́ędą́ą́’, hódahdi olta’di University of Utahdi, bá ólta’í ła’ bee wójíigo bee hadilyaa “Dr. Russell M. Nelson dóó Dantzel W. Nelson Presidential Chairdóó Cardiothoracic Surgery”—cardio, “ajéí” biyi’di ááhyiłní, dóó thoracic, “hazeets’iin” jį’ ááhyiłní. President Nelson t’áá íyisí bohónéedzą́ągo azee’ííł’íní ajéí yinashnish yę́ę bee béé hániihgo dóó be’asdzą́ą́ ádinígí Dantzel bá yíneedlíint’éé’. Díí bá ólta’í nizaago bee bich’į’ azláado ha’níigo hadilyaa. Bik’i hodiinihígí éí béé ho’dólzingo bich’į’ azláadoo dóó na’alkaahgo baa ólta’ígíí bá béeso nandeeh doo.

Ałtsé bee bik’ihodiinii’ígíí éí Azee’ííł’íní Dr. Craig H. Selzman, azee’ííł’íní ajéí yinaalnishígíí nilį́įgo éí doo sodizinjí atahda. Bílák’e’ doolyéełdi Azee’íł’íní Dr. Selzman, lą’í baa áłah silį́į́go, President Nelson dóó be’asdzáá Sister Wendy W. Nelson ałdo’ atah. Áłah az’lį́į’di, President Nelson ts’ida ałtsé azee’íł’íní binaanish áyiilaaígíí yaa nahasne’.

Íídą́ą́’ Azee’ííł’íní Dr. Selzman díí na’nitingo baa deet’ánígíí bił nilį́įgo ádaanahas’ne’. Ádaahalne’go, nda’ałgizhígíí binaanish áyiilaayę́ę, ła’ yinaashnishyę́ę bin náá’doonishgo ya’ákoniizį́į́’. Ch’ééh deeyáago dóó doo bił yá’át’éehda, azee’ál’į́įdi naalnishgo náánéidoolkááłígíí.

Íídą́ą́’ i’ííą́ągo, Azee’íł’íní Dr. Selzman iiná-łahgo áániiłígíí yee t’áá bí ách’į’ yálti’. Íídą́ą́’, íiniizį́į́’, “Nida’iiníishgo, bá ólta’í na’nitiní bee shik’ihoodiinii’ doo bee wójíhígíí éí Azee’íł’íní Dr. Nelson. Éí bee béé ho’dólzingo yá’át’éehgo ntsékees, diné t’áá ałtso biłnilį́įgo, dóó ts’ida doo báháchį’da. K’ad shizhi’ bidiit’i’, akó áyiilaahígíí behék’ehgoo ásh’į́į doo.” Azee’íł’íní Dr. Selzman éí t’áá íídą́ą́’ azee’ííłíní yá’át’éehgo na’ałgishígíí nilį́įgo. Ákondi t’áá íyisí yá’át’éehgo é’eshį́įdoo nízin ńt’éé’.

Áłtséed éí, Selzman yił ndaalnishígíí bił béédahózin chééh deeyáá dóó doo bił hózhǫ́ǫ́góó yáłti’ígíí. T’áá éí bitł’éé’ nda’algishígóne, Azee’íł’íní Dr. Selzman yił ndaalnishígíí hazhó’ó yá’át’éehgo yił ndaashnish doo nízingo yaa tsídeezkééz. Bił yá’át’ééh binaanish asht’ééyiidlaahígíí dóó yehík’ehgo náánáádáał doo éí Azee’íł’íní Dr. Nelson.

Ashdla’ nááhaigo, President Nelson íhooł’ą́ą́’go na’azohyę́ę t’áá ałtso hódahdi olta’ígíí University of Utah yei nínil. Lą’í hódahdi olta’dóó aláahgo bídahólnííhígíí President Nelson ahéhee’ deiłníigo yaaheeskai. Íídą́ą́’ ákwe’é, Azee’íł’íní Dr. Selzman hanáánáádzíí’. President Nelson bizhi’ sinilígíí RMN, yinahjį’ halne’go áníí lá, RMN bee na’nitinígíí éí, “Division of Cardiothoracic Surgery University of Utahdi ‘RMN’ bee na’nitinígíí bik’ehgo nda’nitin.”

T’áádoole’é ch’ééh baa ntsáhákeesgo, Azee’íł’íní Dr. Selzman ádííniid, “K’ad ídahooł’aahígíí bee ndaniitinígíí béé ásh’į́—baa nanináhígíí t’éiyá baa ntsínkees, łahgo éí doo da, áádóó hazhó’ó i’díílííł. Díígí át’ao na’nitin t’áá ákwííjį́ bik’ehgo áda’iil’į́. Kojí ndaalnishígíí dóó anii ídahooł’aahígíí iłdanátį́híí naashch’ąą’ígíí baa dahii’nííł. Éí łahdóó bikaa’gi yízhí sinilígí ‘RMN’ dabikáá’. RMN bee na’nitin íyisí bee nda’niitin; t’áá ałtso da’ółta’ígíí bee ndaniitin.” Azee’íł’íní Dr. Selzman bízhi’ President Nelson bidiit’i’ígíí binahjį’ ntsékeesígíí dóó át’ínígíí łahgo át’éego áyiilaa.

Díí áhooníłígíí Azee’íł’íní Dr. Selzman binahjį’ t’áá shí ádaanítsískees, “Haash yit’ao łahgo ánísht’éedoo Jesus Christ shizhi’ bidiiłt dóó hóshdę́ę́’? Jesus Christ bina’nitinígíí daats’í bik’eh honish’į́įgo bikéé’ yishááł? T’áá aníí ásht’į́įgo daats’í Bí át’éhígíí behák’ehgóó áshtį́?

Azee’ííł’íní Selzman áyiilaahígíí, ashdla’go ałkéé’ haz’ą́ ádiilníiłgo béé hózingo Jesus Christ bízhi’ ák’didiit’ááł. Tó bee alzį́įh bee hahalzhish, ndi doo t’áá ákódí da biláahgo niiltólígo dóó diyingo ánáádi’diilnííł dóó Jesus át’éhígi ániit’ée doo.

Áłtsé bił ałhąą sinelígíí éí bee hwéého’dólzinígíí. Azee’íł’íní Dr. Selzman éí Nelson bá ólta’í bee wójéego baa deet’ánée bizhi’ President Nelson bidiit’i’go alyaahígíí binahjį’, áádóó Azee’ííł’íní Dr. Selzman éí President Nelson áyiilaahígíí bí ałdo’ ííłį́. Jesus Christ bízhi’ ák’idiit’áahgo, nihízhi’ Bízhi’ bistł’ǫ́ yileeh. Behák’ehgóó i’iil’į́įdoo. Nihił hózhǫ́ǫgo Diyin yoodlání deiniilyée doo. Yisda’iiníiłii doo baa yániizingo bá siidzį́įgo átah Bídíníit’i’go nihíí dóołtah.

Bee nihéého’dílzinígíí nahalingo náánáła’ éí—béé hániihígíí. Azee’ííł’íní Dr. Selzman naalnishídi bił haz’ánígóne’ yahanádáahgo, azéédée’ání Nelson bá ólta’í silį́į’go beeyít’ínáa yinił’į́į łeh. Díí azéédée’ání yinahjį’ yénálniih t’áá ákwííjį́ RMN bee nanitinígíí. Nihí éí, bááh dóó tó díníilzingo ndeidį́į́h t’áá Damóo na’oodleeł bik’eh bee Jesus Christ béé déilniih. Bááh dóó tó díníilzingo ndeidį́į́hgo, Yisda’iiníiłii nihá nina’ídláhígíí yee yisdánihíínilgo bee béé dailniih. Doo niit’ééhgo Bił ahan’diit’áahgo bee béé dailniih, t’áá aníí ayóó Át’éi nilį́ dóó nihaajooba’ígíí baa ahéé daniidzin. T’áá áłahjį’ t’áá aníinii baa dahwiilne’ t’áá Bí t’éiyá binahjį’ yisdá iildééh dóó Bee ajooba’ binahjį’ ats’íís dóó ayi’sizíinii anoonééł nihá yik’eh deesdlį́į́.

Béé dailniih ha’níníígíí éí Naaltsoos Mormon Wolyéhígíí biyi’dóó Diyin Yáyáłti’í Alma na’nitinígíí behék’ehgóó yiikah doo. “T’áá ałtso ádeil’ínígíí Bóhólníihii yee nihíka’análwo’, dóó t’áá [déiníikááhgo, nihił] yíkah dabidii’ní Bóhólníihii; … [dóó nihí] éí Bóhólníihii [nihijei] bee hool’áágóó ayóó ádeiníí’ní.” Nááná łahgóó deíníít’íindi, Béé deilniih, nihízhi’ béé deilniihígíí át’ao, azhá łahgo nihinaanish dahólóondi.

Yisda’iiníiłii nihá áyiilaahígíí béé dailniihígíí binahjį’ éí táá’góne’ bił ałhąąh sinilígíí éí—át’inígíí béé’deeshdlííł niidzingo. Azee’íł’íní Dr. Selzman President Nelson yéé ál’į́įgo dóó RMN bee na’nitinígíí yik’eh hólį́įgo hahoolzhiizh. President Nelson bina’nitin éí be’iina’ áyiilaayę́ę bee yit’į́ Jesus Christ yikéé’ yigááł dóó yits’ą́ą́dóó íhooł’ą́ą́’. Nihí éí, Jesus Christ bénéilniih dóó át’éhígíí behék’ehgóó ániit’éego, yéego niidzin doo Bí át’éhígíí ániit’ée doo. Bikéé’ siidzį́įgo, nihe’iina’ t’áá íyisí yá’át’ééh doo Bí t’éiyá aláahgo baa ntsíikeesgo t’áá nihí éí doo da. Yéego íit’į́įgo Bí át’éhígíí béé iil’į́įgo yee nihik’ijidlíidoo. Nihee ajooba’ bee ayóó’o’ni nihiyi’dóó hólǫ́ǫdoo binyé biká sodadiilzin.

T’ą́ą́chil yę́ędą́ą́’ President Nelson na’neeztą́ą́’: “Jiiniiba’ yiidleehgo, diné yá’át’éehgo baa yéílti’ yiidleeh. Diné baa náit’ínígíí ni’kódiilnííł. Diné t’áá ałtso baa jííjooba’ doo. Diné t’áá ałtso baa jíínííba’go … éí bee náás didiikah. “Ajooba’ bee ayóó’o’ní éí Diyin k’éhgo bee iiná.” Ajooba’, éí biká ádéít’į́, “bindeilnish, … dóó ntsaago ádeil’ne” ła’do’ Yisda’iiníiłii diyink’ehgo yee nihaajooba’ígíí éí, yá’át’ééhgo iiná, bidziilgo iiná, bidiilkaalgo iiná, jooba’ íiniidzingo iiná, dóó yéego íit’į́įgo iiná.

Jesus Christ béé’iil’į́įgo éí dį́į́’góne’ ałhąąh sinil—Bí yinyé níyáhígíí nihe’iina’ bił yit’ihgo. Bi naanish Ííł’ínígíí bił ádeil’į́. Azee’ííł’íní na’ałgizhígíí nilį́įgo, Dr. Nelson díí bee béé ho’dólzin nt’éé’ bá ólta’í nilíí nt’éé’, dóó na’áłdziihii, dóó na’ałkaahii nilíí nt’éé’. Iłdanátį́hí chooz’įįd yę́ę Azee’íł’íní Dr. Selzman naalnishídi díí yéego yee na’nitin, saad ałkéé’ sinilígíí na’nitin lá, ná’ádziih lá, dóó hazhdil’į́į́h lá. Nihí éiyá, Jesus Christ bízhi’ ák’idiitą́ągo t’áá íiniidzingo, t’áá nihíni’ídi, dóó bídíníit’i’go Bínihá íinízinígí ła’diilnííł. Binaanish bee Bił neilnish łeh “ayóó i’níiníigo, bee jiiniiba’go, dóó nihaadíínááł dii’níigo.” Binaanish bee Bił neilnishgo t’áá haida bíka’anéelwo’go, baa dahojooba’íígí dóó dadeeznihígíí, be’iina’ dadiitaa’ígíí, doo dai’ atída’bi’diilyaahígíí.

Jesus Christ bizhi’ ák’idadidiit’ááhgo bee nihéé ho’dólzin doo, bénéilniihgo, át’inígíí béé’ iil’į́įgo, ákót’éigo bee bikéé’ siizínígíí. Díí dį́į’go bik’ehgo é’elį́įgo ashdla’góne’ biighah dóó náá hódlǫ́ éí éiyá—bee adziil. Diyin God bibee adziil dóó bibee ak’ijidlí bee nihá ahóót’i’. Nelson Bee Bá ólta’í baadeet’ánígíí bee Azee’íł’íní Dr. Selzman bee béé holdólzin dóó bá yik’é asłáago binahjį’ naalnishígíí bee ó’ool’įįł lahgo áyooliił. Díí “bee adziil beilyáhígíí” baa deet’ą́ągo yee łahgo áka’análwo’. T’áá ákót’éego, nihí ałdo’ Yisdá’iiníiłii bizhi’ ák’idiit’áahgo, nihiZé’é Yá’ąąshdi Hólóonii Bibee adzil yee nihi k’i jidlí dóó nihinaanish bee ła’yiil’į́.

Diyin God bił aha’diit’aahgo, Jesus Christ bízhi’ ák’idiitááh. Áko, Diyin God Be’aziil lą’į́ yee nihi k’ijidlí. President Nelson na’nitingo ání: “Tó bee ho’dilzį́įhgo dóó Diyin bił ahazh’deet’áago, dóó Diyin bighan ntsaaígone’ ałdo’—bikéh hojíł’į́įgo—éí dínóotsééł Jesus Christ bé’adziilii bee hach’į́ á’áhoot’į́ doo. … Diné Dyin God yił aha’deet’ą́ éí yá’aashdę́ę́’ adziil át’é—éí adziil binahji’ nihidziilgo nihich’į́náwiinąągo ndi, dóó doo yá’át’ééhii dóó ajéíneezgai bich’į’ nihidziil doo yéego bee yá’át’éehdo.”

Diyin k’ehgo ííná yéego bada’ííníidlí dadiidleeł. Yéego nihidziilgo nihinaagóó ádahoot’éhígíí bich’į’ nihidzil doo. Yéego nihidziilgo t’áá aníí ádii’níigo Jesus Christ bikéé’ dahdidiidááł. Iilzihgo tsxííłgo yéego ádaana’iiniikąąhgo Bich’į’ ninádiidááł. Bina’nitin bíniidlį́įgo biláahgo yá’át’ééhgo baa dahwiilne’ Bibee adziil dóó bióhólníihii bee. Bich’į’ andahaz’t’i’ígíí bíká andeijah doo aadéiníit’į́į́go, t’áá óolyéego doo aandéit’į́į́da. T’áá áłahjį’ nda’ayiilzíhígíí ádaa nda’iiniikąąh. Áláahgo nihiłdahazyéél, éí yéego bóhoneedlį́ bee yéego nihił dahózhǫ́. Bits’ádi’nídinígíí yee nihik’i’diiłdíín doo, dóó Diyin God yá ndaal’a’íí nihaa ádahal’yą́ą doo.

Yisdá’iiníiłii anhiłní, “Shízhi’ binahjį’ Nihit’aa’ baahokááh, dóó t’áá aníinii nihaidoolééł.” Nihá bíneeshdlį́įgo díí ádadoołííł. NihiZé’é Yá’ąąshdi Hólónígíí bich’į’ nohohkááh. Jesus Christ bizhi’ ák’idadooht’aah. Nééhósin dóó béé honísin doo. T’áá áłahjį’ béénílniih doo. Bí át’éhigi aninít’ée doo. Bił nanilnish doo. Bibee adziil choiníłį́į doo dóó nik’ijidlíhígíí ahéhee’ Bididííniił. Nijéí biyi’di hólǫ́ǫgo doo k’éé’nídééhgo adadiilnííł, t’áá íyisí íińzingo ádiilnííł. Díí binahjį Diyin God bich’į’ “siidzį́į” doo dóó Yisdá’iiníiłii niháyáłti’doo. NihiZhé’é Yá’ąąshdi bił yahandíídááł, Biye’ Áłtséyizhchinígíí bił-niháhwiidooł’aał, nihiYisdá’iiníiłii ayóó’iiníi’níínii dóó Diyin Nihá nina’ídláhígíí bił.

Éí Hiná! T’áá aaníigo shił bééhózin. Bí ayóó’ánóó’ní. Níná Be’iina’ ninéidiní’ą́. Nánhookąąh Shí Shinahjį’ Nihitaa’ baa hohkááh t’áá shǫǫdí nihiłní. Jesus Christ bízhi’ binahjį’, amen.