Christ Nanhint’aahgo Nihidziil Anhídooleeł

Shik’is dóó shilákee, Diyin bibee’ayóó’óóní nihashiiłnaago kwe’e ałah niidlį́. Wóyahdí adaanisíkeesgo nihich’į́ haasdziih. Bá sodizinígíí éí nihijéí biyídę́ę́’ Diyin binanitin niháyinizinígíí didoots’į́ił, biláádi shizaad bee haasdzííhígíí.

Wódahdi olta’di nidahałkaahgi dóó numbo ahínahidzóóhii bóhodiishaał nisingo niyah. Ayóó shide’azaah. Díí doo bíínishgada niiziih shiláádi at’é niidzííh. Shiláádi át’é niizííh, doo naasgóó shidziil da. Doo bíínishga da, t’áádoo biyéhigo baa naanish doo. Ní’ádiishłeeł, doo hózhǫ́ nantł’ahígíí jigo doo.

Doo shidziilda áshíílaah. Tódeeshzin nt’ę́ę́’, Diyin God t’áá biinigha shił ní. Nisékees biyídi áshił ní, “Nanínisht’aah dóó nihił hónishłááh doo.”

T’áá ałtso saad yee haadzííhígíí doo shił bee hódzin da. Ndi adiishniiłígíi baa ákóníízį́į́h—Ádóó baa nidiishniish.

Naahai dóó bikéé’dą́ą́’ bąąh nisíkeego dóó bąąh naanishgo bąąh akóníízííh diyin bizaadę́ę́’: “T’áá ałtso bíínishgha háálá Yisda’iiníílii shidziilgo ásósin.”

Nidahákaahii bóhooaahígíí shánandłah éí Diyin God binahijį’ óhódiishaałígíí át’éii lah. Diyin nishintin shiká’analwógo éí, azhá doo biighada ndi, diyin yiniishdląągo doo biigha’ígíí shiká’analwo’go ádiishłeeł lah. Díí sheenilahígíí éí Diyin nanshint’aahgo bikeedę́ę́’ shidziilgo áshídooleeł lah.

Saad nahódint’aahgo diwíídinshį́į́hgo baa hane’ lah. Bóhódiishaał jinizingo, doo t’óó baa nishdidoot’aał. Bidziilgo adídooleeł. Beesh nitł’izhígíí at’é jinidziingo yéígo yilgishgo ashdooleeł. Yéígo sido, dóó nidaashgo dóó jidzilgo, áko inda t’áá anii at’éii lah baa akóhniizį́į́h. Beesh nitł’izhígíí be’nalkaah. Áko beesh nitł’izhígíí baa hodzídį́, yéígo nidaasígíí dahyooaał doo.

Ákot’áó Diyin God nanhint’aah áko nihidziil doo. Nanhit’aahígíí nantł’ah leh. Tsídá doo bii niigha da nidzingo nanhidinooht’aah. Diyin binanitin éí naasgóó dóó doo bee ádeideełxáágo neilnishgo dóó doo ní’kwííneehgo, dóó bineelnishgo yee ninahnitin.

T’áá Jesus Christ deiníídląągo—azhá tsídá doo biigha da ndi—nihi diyin kéhjį́ nihidziil diidłeeł. Diyin bizaad baa hą́ą́h hasin bikáá’ígíí éí díí t’áá anii at’éii yaa halne’.

Diyin Yá’yałti’í Moroni ákot’áó naabídineest’ááh dóó binahjį’ ayóó bidziil silį́į́’. T’áá saháhi hinąą’go bee nahoolziish. Yikéhaashchíígo aní shik’is adin, shizhe’é dayiisxį́ dóó shidiné’é ałtso nidahbidists’eed. Moroni diyoolyééł biniyéh diné habidah nit’ááh nt’ę́ę́’.

Ndi Moroni doo biłyééhda nt’ę́ę́’. Jesus Christ yiniishdlą níígo beesh ola yikaah áyiilaah naasdi diné yich’į́, dóó binaaí bidiné ałdo azha hadabint’aahgo dóó diyoolyeeł dah nizingo hadabint’ah. Nigha nihich’į́ á’íílaah. Łá’ diné bizaad yaa daadłoh doo. Bił bee hózin łá’ diné doo dah binizinda doo. Ndi t’áá naagóó nihich’į́ áké’ałchí nt’ę́ę́’.

Nabinaht’aahgo, Moroni bee oodlą bidziil silį́į́’. Binahjį’ niłtólí silį́į́h. Moroni bizaad ayóó bidziil háálá bee iina’ ninitíjį́ Diyin God yikeeh sizííh nt’ę́ę́’. Nihi déíniit’ą́go Moroni bibee oodlą bidziilgo nidanhiłnah.

“K’ad shí, Moroni, yáʼátʼééh nisinígíí nááhídéesoh; dóó bił háíjééʼ bichʼįʼ éʼéshłééh, Laman bidineʼé; dóó díí éí bił béédahózin doo nisin dį́įʼdi neeznádiin dóó baʼaan naadiin éí biláahgo nááhai ńléí Christ doogááł haʼníigo bee haʼoodzíʼę́ędą́ą́ʼ dóó wóshdę́ę́ʼ.”

“Dóó díí haneʼígíí éí ahéshjée’go áshłééh, áłtsʼíísígo saad bee nichʼįʼ hanáánáásdzííʼ dóó nihijį́ baa nanihisískango.

“Jó, díí baa nánihooshkąąh díí deínóhłta’go, Diyin God díí nihichʼįʼ kóyiilaago deínóhłtaʼdą́ą́ʼ, éí díí béédaohłniih dooleeł, ńléí Adam ábiʼdiilyaa yę́ędą́ą́ʼ dóó wóshdę́ę́ʼ díí haneʼ ńdadooʼą́ąjįʼ éí Bóhólníihii tsʼídá bíla’ashdla’ii ba’áłchíní ayóó áyóʼnínígíí, dóó tsʼídá yéigo nihijéí biyiʼjįʼ díí baa ntsídaahkees doo.

“Dóó díí shóisoołt’e’go, shí ánihidishníigo éí Diyin God, Hool’áágóó aTaa’ nilíinii, Christ bízhi’ binahjį’, jó díí t’áá aaníí át’éhígíí baa na’ídídóołkił; dóó nihijéí bee t’áá aaníí ádóhníigo, índa Christ yinohdlą́ągo, Ii’sizį́ Diyinii binahjį’ t’áá aaníinii nihił ííshją́ą́ íidoolííł.

“Dóó Iiʼsizį́ Diyinii bibee adziil binahjįʼ tʼáá ałtsoní tʼáá aaníinii nihił bééhodoozįįł.”

Moroni bee oodlą bidziil silį́į́h t’áásahi naaghaago, éí bisádinidíín binahjį́ t’áá háíshį́į́h Diyin God dóó Jesus Christ háíndiint’ahígíí bikéhgo doo.

Naaltsoos Mormon Wolyéhígíí biyídę́ę́’ diyin yá’yałtí’í Jacob ałchíní nilíígo yéígo bich’į́ nahwíínaa’ dóó nabidineezt’aah dóó bidziilgo silį́į́h. Ndi bizhe’é Lehi nabineezt’aah Diyin God niká’analwó’ doo nich’į́nahwíínąągo.

Ants’íí’í yaadą́ą́’ ninaaí atídahniį́į́h nt’ę́ę́’, áko biniinaahgo yéígo tí’wíísinaah.

“Ákót’ée ndi, Jacob, doo kééhatʼínídi she’áłtsé hosínílį́įʼii, Diyin God be’ayóó át’éii nił bééhózin; dóó ti’hwiisínínii’ígíí bee nik’ihojídlíigo íidoolííł.

“Ákohgo, nits’íís dóó niyi’sizíinii bikʼihojidoodliił, dóó nik’is, Nephi, t’áadoo át’éhígóó bił naghan dooleeł; dóó niDiyin God bá nanilnishgo ándoołkááł. Ákohgo, niNiná’nídláii biyá’át’éehii hólónígíí biniinaa, yisdáńdoodlóosgo shił bééhózin; háálá Jesus nahasdzáán yikáá’ níyáadi nihookáá’ dine’é bee yisdá’iildéehii éí dooleełgo yiniłtsą́.”

Diyin Yá’yaltí’í Joseph Smith Liberty Jaildi ałdó nabidineezt’aah dóó binahjį’ ayóó bidziil silį́į́h. Yéígo bich’į́ nahwíínaago. diyin yáhalné’í Joseph hádoolghąązh:

“O Diyin, háídishą́ nan nah?

“Háásh nizaagóó nilá t’ąą yint’ah doo?”

Diyin God Joseph yiyiiłts’ah tí’hoonííhígíí yá’át’ééhgo yiyíhjiniyah dóó Diyin kódííniid:

“Shiye’, nigeel bich’į’ hoozyéél; nii’nahwii’ná dóó baa yinį́į́ł nanineií t’óó hwonizahijį’ akot’ée doo;

“Dóó hazhó’ó íínilaago Diyin God wodahdi ándoołeeł; nits’ąąjí danilínígíí bik’eh didíídleeł.”

Yisda’iinííłii niha’ninánidlá’ígíí éí nizhónígo nihinaał nabidint’aah dóó binahjį’ ayóó bidziil silį́į́h. Yisda’iinííłii nahasdzáán bikaa’dine’é bibąąhigi’at’éii ákeedíí’t’ah. T’áá Bí niha iłhonéésgai dóó niha yiniił yee niha ti’hóoznii’. Bí dich’í’íi adéé’ yee yoodlą́ą’. Tsídá ábídininígíí yikéhgo áyiilaah.

Jesus Christ be’iina’ yee nihá nináłnídlá, áko binahjį́ nihich’į́’nawíínaago bich’í nihidziil doo. Bił bee hózin háít’áó nihikáhadoolwoł háálá díí iina’di t’áá Bí t’áá ałtso yee tí’hoozniih. “T’áá Bí ákeedait’áh neezgai dóó tí’hooniih dóó bidiné’é bitahoneezgai—t’áá ts’iiskéhjį́ bił bee hozin háít’áó bidiné’é baadahas’anígíí yee yikáhadoolwoł.”

Bidahwiiłaan Garden of Gethsemanedi Yisdałiinííłii biZhé’é ayidiiniid, naashibídinít’aahígíí shíighagóó ádooleeł—ndi t’áá ni shiZhé’é nóholnííh, ákondi nikéhgo ádiishłeeł. Yisda’iinííłii ałdo naaki bil nilį́, ndi biZhe’é yoodląągo yá’ayiilaah.

Shik’is dóó shilákee, nanhidinit’aahgo dóó adziil soolį́į́hgo doo Moroni, Jacob doodayeeh Joseph nahalingo nanhidinoot’aah dah doo. Ákó náasdi áhodoonííł. T’áá iits’ahígo nighaadoogaał, iłhaajééh bich’į́’nahwíínaadí. Łahda átahoneezgai dooda yeeh yiniił dooda yeeh nizáágóó íhwiilzááh.

Shił bee hozin ách’ínahwíínąą’ nahaljííshgo éí doo Diyin God nitsaniyaa dah. Ayóó’óó’ní biníínaago Diyin God łahgo nizhónígo anidoolééł dóó nidziil doo. Diyin God nihidziilgo anhidooleeł , áko hoolaagóó iina yiiljiłgo biiniigha doo.

Yéígo bikeesíízíígo, Diyin God yéego nihidziil anhídooleeł. Yéego nidziilgo anhidoolééł. Niléí naasdi nat’aahdiit’ííhgo ach’ínahwíínah éí binahjį́ ayóó’ańhóní bił nití lah. Áko baa áko diníídziił łahgo nizhónígo anhíílah lá áko inda bitsá’dinilíídí bił siizííh doo lah. Diyin yá’yałtí’í Paul bee iina’ ninitígo aní, “Diyin kéhjį́ bá’ahéégąąh, Shee’oodlą t’ádi hólǫ́, dóó shinaanish ałtso aashlááh.”

Shił bee hózin Diyin God neehósin. Nihich’į́ nahwíínanígíí bee bił bee hózin. Niłhólǫ́. Bí dóó nits’ádoogáał da. T’áá aaníí Jesus Christ ga’ Diyin God yiYe’ nilį́ eí shił bee hózin. Nihi Yisda’iinííłii nilį́, nihi dziilii nilį́, dóó nihi choohoo’į́ nilį́. Diyin God bá’ííniidlííhgo, diyin kéhjį́ nihidziil ach’į́’nahwíínah bich’į́h anhidooleeł. Shí Jesus Christ bízhi’ baa hasti’íi binahjį’ adishní, áámen.