T’áá Bi Binidahwii’aahii Danil’į́

Elder David A. Bednar Áyiilaa

Naakits’áadah Yilt’ao Diyin Yánaazíníí

Jó Jesus Christ nihi oodlą’ biyi ’adeil’į́į́hgo, Diyin God bee dóó bił aha’dadeet’ą́ągo, dóó nihi bąąhági ’adáat’éii ba’ádaan dasí’kąąngo, díí ánihwiit’áahjį’ bi’ánihwiit’aah hazą́ądóó yá’át’ééhdo.

Naaltsoos Mormon Wolyéhígíí ałtsojį́ ya’hoolne’ Moroni hóshdéé yá’át’ééh níigo “wóshdę́ę́’ Christ baa hohkááh,” “binahjį’ hadanołt’éego adanihi’dilne’,” “bąąhági át’éii [nihi] áts’ádahodit’aał,” dóó “nihe’adziilii, dóó nihintsékees, dóó t’áá át’é bee, nihiDiyin God ayóí íínóh’níigo.” Ákot’éego, akéédę́ę́ saad binanitin ahóódooniłígíí ya’halne’ t’áá ’áłah Náá’iiná’ígíí dóó Ts’ídá Akéedi Andahwiit’aahígíí.

Koní, “Hodíinaʼgo Diyin God bihózhǫ́ǫdi háádeeshyįh, shiiʼsizíinii dóó shitsʼíís ahíináát’áazhjįʼ, dóó níłchʼi biyiʼ ayóó ánísht’éego shił chʼéédoht’ash, ayóó átʼéii Jehovah bibee ánihwiitʼaah dasitáanii hózhǫ́ǫdi bidááhdóó náánihiideestsééł, éí dahinánígíí dóó daneesnánígíí t’áá áła Hooláágóó Ánihwiiʼaahii nilį́.”

Moroni saad “baa hózhǫ́” choyóoł’į́įnígíí ayóó shił yá’át’ééh Ts’ídá Akéedi Andahwiit’aahígíí ya’halne’go. Naana ła’ Naaltsoos Mormon Wolyéhígíí diyin yá yádałti’í ałdó ákót’éego ánihwiit’áahjį’ yada’halne’ “ayóó át’éego baa haniihgo bijijį́ ahoolzhiish” dóó éí łá’ nihi “nihe’oodlą’ bee náás [góó] dísóo’į́į́.” Ákó ánihwiit’áahjį’ bijijį́ nideiníídłíigo, naana ła’ diyin yá yádałti’í kehgo saad ba’ntsáhaakees, éí díí “’ąą’ yáhásin dóó doo yáʼátʼéehgo aszíihgo hainít’į́,” “hwił yéé’ dóó náhádzid,” dóó “ti’hoo’nííh doo níniti’da.”

Shi éí iinishdlą́ díí saad t’ó bahazíníigo łago át’éego ch’ííni’ą́ Christ bina’nitin bee Moroni dóó łá’ diyin yá yadáłti’í ya’hasht’e’ ádadilnééh ayóó át’éiijį’ ayííłką́ągo nideiyóólí yidaneedlíigo dóó ha’ólníigo nideiyóólí, doo éí náhádzid yich’į́ yił dahólne’ yę́ę́ nilei ii’sizį́į k’éhgo doo ya’hasht’e’ ádadíílya’ígíí na’hólǫ́ ’at’éego. Ha’át’íishą Moroni yik’idiitą́ąnígíí ni dóó shi bóhodiilááł?

Shi sodizin Ii’ Sizį́ Diyinii shiká’adoowoł nisin nihiTaa’ yá’ąąshdi hólóonii ił hózhǫ́ǫjí bihoot’áłígíí dóó bijooba’ banisíkeesgo, aTaa’ binahat’á biyi’ Yisdá’iiníiłii ninánídlahígíí, dóó nihi hait’éego “t’áá [nihi] bąąhági át’éii nihik’ijį’ daasdzoh dooleeł ánihwiit’áahjį’ nihoníyá bijį́įdi.”

aTaa’ Ił Hózhǫ́ǫjí Bihoot’áłígíí

Ts’ídá aláádi aTaa’ binahat’á’ yinizinígíí éí diyin kéhjį’ Ba’ałchíní bá adahazt’i’go ályaa’ ákó bitsíís dahódoołeeł dóó “yá’át’éehii dóó doo yá’áshóonii” yida’hódooł’ááł ats’íís ’iiná ’íídoolííłígíí, diyin kehji noosééłgo dóó hool’aagóó dinoołsééłígíí bee.

Díí Doctrine and Covenants ya’halne’ígíí “t’áá hóhólníihgo oodaałígíí” éí Diyin God binahat’á ’íiyisíí ałníí’ gone’ si’ą́ íidoolííłgo éí ats’íís hool’áágóó hiná násdlį́į’go doo hool’áágóó iiná biyéh dóó bitsí bąąh doolyééł. Díí ’íiyisíí nanitin ’ałdó Diyin God Bizaad biyi’ bikaa’go éí t’áá hó honitsékees bee hóhólníihgo dóó t’áá hwii jiniizinígíí dóó ájit’į́nígíí.

Díí saad “t’áá hóhólníihgo oodáłígíí” éi bee nanitin át’é. Saad “oodáłígíí” bik’ehgo ádaolyé éí “nizhóní,” “óóch’id adingo” dóó “hajéí bee niłtolí”. Saad “t’áá hóhólnííh” bik’ehgo ádaolyé éí “ádeitinígíí,” “bąąh ná’ádahígíí,” dóó “naanish”. Ákó, “t’áá hóhólníihgo oodáłígíí” bik’iizhdidootį́į́ł éí bizhnil’ą́ągo dóó jiniizingo dóó éí t’aa hwii ajit’į́nígíí yá’át’ééhii bee nijighą́ doo honá’adłǫ́ da, yá’át’ééhiijí niséjikees dóó ílį́į́go ajil’ó.

Diyin God naakigo áyíílaah, “t’áadoo le’é ná’iiłnáanii dóó t’áadoo le’é naha’náanii.” Dóó t’áá hóhólníihgo oodáłígíí éí diyinii ’ályaa “adziilgo t’áá hóhólníihgo” éí binahjį’ t’áá nihi nisííkees diyin God bá’ałchíiní dahníídlígo doo nanałahdę́ę́’ nanhiłnąą’ do.

Dii nahasdzáán ’ályaa áko díí bikáájį́ aTaa’ yá’ąąshdi hólóonii bá’ałchíní daats’í “t’áá át’é ’át’éii Diyin Bóhólníihii Diyin God bibeehaząąnii yikéh dáhołį́į́h doo.” Tś’idá biniyé’ Hadiilyaa’ígíí dóó nihits’iis dahazlį́į́’ígíí éí ádeit’į́ní bee nihá adahazt’i’ dóó háát’i dadidłééłígíí Diyin Bóhólníihii niha yinizinígíí dadidłeeł.

Diyin Bóhólníihii Enoch neeneeztą́:

“Dah nól’į́ nihik’is; Díí diné t’áá shilá bee ííshłaah, iłééhózin baa nilá; dóó dá’ak’ehdi diné t’áá bí bóholnííh doo baa nilá;

“Áádóó nihik’is ábidiishní, dóó ałdó’ bibeehazaanii baa nilá, ayóó’á’dah’áhíí’nó’nííh doo, dóó shí nihiZhe’é, nidashididooł’teeł.”

T’áá nihi ííniidzingo biniyéh át’é’ígíí éí diné ayóó’íí’nii’ní doo, dóó Diyin God nididííleeł. Dóó t’áá ’áłah biniyéh át’é’ígíí tsídá ’ałhąąh sinil ’áłtséédę́ę́ dóó naakidę́ę́ Diyin bibee haz’áanii éí t’áá át’é nihijéí, nihi’ sizíinii, dóó nihini bee Diyin God ayóó’deini’ní, dóó bił kéédahwiit’íinii t’áá nihi na’hólǫ́ ayóó’deini’ní.

Banitsidákees niha nidahot’ą́—doo éí nihich’į́’dáhooshkéed da éí doodai danihi’neezt’ąą’ da, ndi nidahot’ą́—nihinitsékees bee nihe’hólníihgo chódadiil’į́į́ł ákó ’ałch’į́ ayóó áda’ahíiníi’do dóó Diyin God nidadidíílyeeł. Shi Diyin God bizaad biyi’ íínisǫ́, saad “oodáłígíí” łágó anályaago éí saad doo łá’ beełt’éeda ndi diyinii ha’oodzíihi k’ehgo nihinitsékees bee nihe’hólníihgo chódadiil’į́į́ł.

Sin t’ó baházíniigo bizhí ’ályaa “Yá’ádaat’ehígíí Nídidiilyéełgo,” éí biniinaa. Díí t’áá hóhólníihgo oodáał’ígíí bee nihikidhójidlééhgo niheeyilyááhígíí éí doo t’áá doo binyéhigo t’áá ííniidzingo chooyiil’į́į́h doo. Nihizhe’é binahat’ah éí díí yá’át’ééhgo t’áá hóhólníihgo oodáłígíí t’áá anii ádaat’éhígíí bee haníítaah doo, dóó bikéh go yiidááł doo. “T’áá [nihi] ’ak’ídjį́ nihóhólníihgo” nihinaanish yá’át’ééhii bídaneidlǫ́ǫh ádeilííł’į́įdo, “t’áá [nihí] ííníídzingo lą’ígo łá’ ádeil’į́į́do, dóó hózhǫ́ yá’átééhgo wóshdę́ę́ ’adeil’įįh dooleeł.”

Díí hóhólníihgo oodáłígíí hool’áágóó ba’ntséheekees éí Diyin God Bizaad biyidę́ę́’ ya’aash biyi’di yaa ndaast’įįhgo yaa halne’. Lucifer aTaa’ binanitin ba’ áłchíní ya’ iyíílaa yę́ę́ yik’ijį’ deishnish dóó adziilgo t’áá hóhólníihgo diischxǫǫł nizó. Ts’ídá ákót’éego, yik’íjí silį́į́’go ch’į́įdii t’áá hóhólníigo bee nahat’á’ áláágo yatsedeeskees.

Diyin God yeeha’dzíí, “Díí biniinaago … Háálá Ch’į́įdii shits’ą́ąjį’ náhaasdzáago, dóó diné t’áá bibóhóníihyą́ą́’ yidoołchxoołgo, … t’áá Shí yaago “ch’í biniłchą́ą́’.”

Chiidii t’áá bí t’éíya ádaanisíkeesgo Diyin God bá’ałchíní “t’áá bí bídahólníihgo áda’ałį́” dadooleeł yę́ę́ ákó Diyin ke’hgo áda’áł’íígo bits’ą́ą́ naaji kódeeshliił nizin. Bi íínizinígíí éí aTaa’ Yá’ąąshdi hólóonii bá’ałchíní éí ádaat’éíí inda t’áadoo le’é nidabiłnąągo t’éíya.

’Ajíít’įįnii dóó Jileehígíí

President Dallin H. Oaks nitsaago ch’íni’ą́ díí Jesus Christ binahat’á bee yisdá’iildéehii t’áá ’áłah hóshdę́ę́ ha’át’ííshį́į́ hwił beehódoozį́į́ł dóó ha’át’ííshį́į́ jidooleeł t’áá hóhólníihgo oodaałígíí hózhǫ́’ó t’áá ákogi át’éii ajil’ǫ́. Ádííniid:

“Lą́’í Diyin Bizaad Bible dóó Diyin Bizaad aniidígíí ts’ídá akéedi nihá nidahwiit’aahgo yada’halne’ éí t’áá át’é dine’ ádeil’į́įní bee éí doodai yindaashnishígíí bee éí doodai dabijéí deinizinii bee bada’doolyeeł. Ndi naana łá’ Diyin Bizaad díí yeigo ch’ííni’ą́ bee nihá nidahwiit’aahígíí éí nihił’áhot’é’ígíí baa ’ádeilyaajį́ bee.

Diyin yá yáłti’í Nephi Ts’ídá Akéedi Nihá Nidahwiit’aah kót’ééhgo ’ályaaígíí ya’halne’ nihi ha’át’íishą dadidleeł: ‘Dóó binda’anishígíí t’óó baa’ígo ákó deinizínígíí éí shį́į́ bits’ádi’nílííd do; dóó bi ałdó’ éí t’óó baa’ígo ákó deinizínígíí Diyin God bił haz’ą́ądi doo yił dabighando’ [1 Nephi 15:33; yéego ba’hane’ígíí bóltá]. Moroni ání, ‘Bi éí t’óó baa’ígo t’áá ndi t’óó baa’ído; dóó bi éí t’áá ákogi át’éii t’áá ndi t’áá ákogi át’éiido’ [Mormon 9:14; yéego ba’hane’ígíí bóltá].”

President Oaks ákóni: “Nidanihineeztá bits’ą́ą́dóó nihi danidzingo díí Ts’ídá Akéedi Nidahwiit’aahígíí éí doo t’áá ’ałtso ałhíhiidzóóh yá’át’ééhii dóó bąąhági át’éiigo ajit’į́ní nidoołka’ átéeda—ha’át’íishį́į́ ídeelyaah. Éí binidashiilnishígíí dóó binidatsííkeesígíí ’akéedi bee ééhodozįįłígíí ’át’é—ha’át’íishį́į́ dasíídlį́ do’ígíí.”

Yisdá’iiníiłii Bąąhági Át’éii Yik’é Niná’nídláhígíí

Binideilnishígíí dóó danidzinígíí t’éíyágo doo bohónéedzą́ da dóó doo bee yisda’diikah da. “T’áá ałtso ’áda’díílnį́į́ł bikéé’do,” nihi Diyin God bił k’é nida’dii’níidgo Yisdá’iiníiłii doo ninití da dóó ahool’áágóó niná’ádeet’ą́ąnígíí t’éíya bee ajooba’ dóó diyingo ajooba’ hólǫ́.

Alma ání, “Diyin God biYe’ deinoodlą́, éí doogááłgo bidine’é yániná’doodlééł, éí ti’hodoonihgo be’iina’ yee bibąąhági ádaat’éii yik’eh niná’doodlééł; dóó anoonééłdéé’ náá’ii’ná yi’keh áhodoolííł, áko nihookáá’ dine’é t’áá ałtso yidááhdo deidozįįł, éí bándahodoot’ááł nihoníyá bijį́įdi, naanish ádayiilaayę́ę bik’ehgo.”

“Nihi deinidlą́’ Christ Bąąhági Át’eii yik’é Niná’ílyáhígíí binahjį’, diné t’áá ałtso yisdádookah, Nahat’á bee Yisdá’iildéehii bibee haz’áanii dóó ó’ool’įįł bik’eh dahół’į́įgo.” Doola doo ba’ ahééh danidzindo nihi bąąhági át’éii dóó doo yá’áshóonii áda’íl’į́į’nígíí doo nihik’ijį́ na’dleeh da díí nihizaad t’áá aanínígíí bee t’áá ííyisíí aaníigo “náánihi’dizhchį́į́hgóó,” Niná’nídláii oodlánii biyi’ choodeił’ǫ́, “ajéí aaníigo jooba” bee ádaanídeinokąąhgo dóó “t’áá aaníí ádadóó’nǫ́,” dóó “nihoníyáajį’ hada’ííyoołníigo.”

Diyinii Dáhodísin

Nihi lą́’ígo ninideinidl’į́ Hool’áágóó Ánihwii’aahii bidaah bi’ánihwiit’aah hazą́ądi deidzíigo éí nahasdzáán áadawiinít’į́ bee haz’áaniidi t’áá bił ’áłheełtéedo danidzin. Łá’ ánihwii’aahii yik’ihbidahoolniihdo. Bee iyeet’íní danilínígíí béédahodoozįįł. Nihoot’ą́nígíí ’ályaado. Dóó doo nihiłbeedahózingo dóó nideildzidgo nilei akéé’di bahózingo nda bódahwidiilááł. Ndi shi íínisó éí díí banitseheekeesígíí doo ákótéeda.

Łá’go bits’ą́ą́dę́ę́ át’é’ ndi łá’ nidéildzidgo biyí hadikaígíí yił ahidéét’i’ díí éí Diyin Bizaad kót’éego ya’halne’ “Diyinii dáhodísin” éí doodai “Diyin Bóhólníihii beedeeldzid.” Doo éí nohokáá’ náhádzid nídiiłts’į́įhgo dóó aah íníigo ííł’ǫ́ nahalinda, Diyin God bich’į’ nidahwiidláa’ígíí nihi iina’ biyi hozyéél, lą́’ bee éé’hozinii dóó ádoolnííł hwiidzinii hóshdę́ę́ yiłni.

T’áá ákogi át’éii jinánígíí bee hwił hónónįįh hwiidiisnáá’go Diyin Bóhólníihii Jesus Christ yéego hwiidósin dóó ’áyóo’áhoodzáágo bich’į́’ jiniih, Diyin bibee haz’áanii bik’ehojił’ǫ́, dóó Ts’ídá Akéedi Nihá Nidahwiit’aahgo nida’jilį́į́hgo, dóó t’áá ákogi át’áo ’Adeil’é. T’áá ákótéego bikiishdíítįįhgo diyingó ’at’ééh’igíí dóó Niná’nídláii bina’anish, nihi íinídzinígíí bich’į́’ Bi’íiníziní banidadiit’ąąhgo, dóó nihił beedahózingo diné danilíinii áádóó asdzání danilíinii bitsíís deinizinii, binitsédahakees, dabizaad, dóó ádat’ínii t’áá bi’ bikíjí siláo éí Diyinii dáhodísin bits’áádóó nooseeł, Ánihwiit’áah Bijijį’ ahoolzhiishgo.

Diyin Bóhólníihii bik’e’íyé’iígíí díí Bida’go nijiniyáago hwa’nináhodoot’ááłígíí éí doo doo beehozinii at’ééda. Éí yęę’, jíníł’ǫ́ díí t’áá hwii ts’ídá ada’ákójinizin ádaat’éíí “t’áá ákótao t’áá aaníí ádaat’éego” dóó “ha’át’éegi dadooleełgo.”

T’áá ałtsó dine’ dahinánígíí, dóó k’ad dahináago, dóó naasgo nahasdzáán bikáá’ dahináado’ígíí “éí Diyin God bi ánahwiit’aah hazą́ądóó bidááhdi yidoozį́į́ł, ba’nináhodoot’ááł háála’ yá’át’ééhgo éí doodai doo yá’áshóonii ádaat’éíí [bi] naashnishígíí yee iiyíílaago.”

Ákó shą́ daniidzinígíí éí diyin k’ehgo oodááłígíí git’ao ályaago dóó nihinaanish yá’át’ééhgo—éí Jesus Christ nihé’oodlą́ biyi’ ádeilyaago, Diyin God bił aha’dadeet’aah ádeilyaa dóó t’áá deiníítą́ągo, dóó bąąhági ádaat’éii áda’nisííkąngo—ádóó lą́’ bi’ándahwiit’aah hazą́ądóó ba’ yá’át’éehdo. Enos la’ yee haadzíí’, nihi “[Niná’nídláii] bidááhdę́ę́ deidzį́’go; ákó nda [nihił] hózhǫ́ǫgo binii dadiiltseeł.” Dóó niníłką́ądjį́ nihi “diyin k’ehgo oodááłígíí nihéélyaado.”

Łá’go éí, danidzinígíí shą́ doo yá’áshóonii bá’go dóó nihinda’anishígíí ałdó doo yá’áshóoniigo, ádóó lą́’ bi’ándahwiit’aah hazą́ądóó ba’náhádzid do. Nihi “ts’ídá ’alááhdi nihił béédahózindo,” “bits’ádi’nílííd na’hólǫ́ bédéilniihdo,” dóó “[nihi]ts’íís da’síílziiyę́ę́ baa ákódaníídzingo ch’éénihidoosiłdo.” “Diyin God bich’į́ dídíit’į́į́łgo doo bííníigah da dooleeł; dóó nihił hózhǫ́ǫ dooleeł dził dóó tsé nihik’iiłdáás bidii’níigo nanihinił’in dooleeł.” Dóó niníłką́ądjį́ nihi “doo yá’áshóonii [nihi] nihéélyaado.”

Aláahdihígíí, ákó, t’áá nihi nihindahodii’aahii danidl’į́. Doo éí łá’ haajigo dookai’ nihiłníí do. Diyin Bóhólníihii éí bidááh dę́ę́, t’áá nihi ba’ákódanidzindo nihitsʼíísk’eh anoonééł dasíídlį́į́hígíí bee ndadiitááh dóó t’áá nihił beehózín háajigo ahooláago nihi iiná biyi’ dooleeł.

Aha’ deet’ą́ dóó T’áá aaníi aní

Ts’ídá Akéedi Nihá Nidahwiit’aahígíí bikiizhdiitį́įgo éí yá’át’éeh doo éí Moroni ba’ t’éíya bik’idahojisdli’ átéeda.

Alma ya’halne’ t’áá ałtso Yisdá’iiníiłii dahodisin bídahool’aahii danil’į́ní aha’deet’ą́ągo bik’idahojisdli’ígíí ba’ dahólǫ́. Ádííniid:

Saad hane’ yá’át’ééhii ndoot’aał wolyé’ígíí éí naana ninalyéego doo yá’áshóonii t’ahdii doo yá’áshóoda, éí doodai yídenilínígíí t’ahdii yídenilín, éí doodai ch’į́įdii danilį́ t’ahdii ch’į́įdii nilį́—yá’át’ééh t’ahdii yá’át’éehii nil’ǫ́; t’áá ákogi át’é t’ahdii t’áá ákogi át’éii nil’ǫ́; t’áá ákogo át’é t’ahdii t’áá ákogo át’éegi nil’ǫ́; ajooba’ t’ahdii ajooba’í nil’ǫ́.

“… T’áá ákogi át’éego bił ndanilnish, t’áá ákogi át’éégo ánihwii’aah, dóó áłahjį’ yá’át’éehii íníł’į́; dóó díí t’áá ałtso áníł’į́įgo na’ doolyééł; aoo’, ajooba’ naana naandoolyééł; t’áá ákogi át’éii ánihwiit’áahjį’ naana naandoolyééł; t’áá ákogi át’áo naana naandoolyééł; dóó yá’át’éehii naana nich’į’ nidoolyééł.”

Shił hózhǫ́ oo’íinii nishlį́įgo Jesus Christ éí nihi Yisdá’iiníiłii hinánígíí nilį́. Alma bi aha’deet’ą́ éí t’áá aníígo áté dóó ni dóó shi nihich’į hadiilyaa—dííjį́, yiską́ągo, dóó t’áá ahooláago. Shí t’áá aaníí Diyin Bóhólníihii Jesus Christ bízhi’ dílzinii binahjį’ ádíshní, amen.