Diyin Bóhólníihii k’ad tsį́į́łgó bina’anish yeeh naalnish.

Charles Dickens binaaltsoos áyiilaahígíí Naaki Kinsinilígíí Baa Hane’ kódiinííd, “Tsídá nizhonígo nihił hoolzish; dóó tsídá doo yá’át’ééhgo nihił hoolzish.”1 Diishjííhdi t’áá anii’ k’ad ákóhoot’é.

Diishjíihdi doo yá’át’ééhgoo nihił hoolzish, “nahasdzáán bikaagi dahónoochał.” Naataanii President Russell M. Nelson bee nanitin, Jesus Christ bikeenaakai’ígíí k’é nídahoołeełii dahołį́ éí abínídą́ą́’ nizhónígo Elder Gary E. Stevenson yee haadziih. Tsídá “doo yá’át’ééhgo hoolzishgo” ahiłádlį́, hodeesheeł, dóó ná’ádziih éí bąąh naanish doo.

Diijíídii ałłdo “nizhónígo nihił hoolzish” éí baahadeidzih. Diyin t’áá Bí bee háhalziishdi Diyingo Naʼnitin dóó Bee Ahadaʼdeestʼáanii Section 1 biyí, anhiłní Diyin bina’hagha tsídí t’áá át’é … nahasdzáán bikaagi baa hodooní.” T’áá anii’ diyin binaanish kad bił hoolzish. Nihi baa ahééh dahnizin doo, azhá nihi naagóoí ách’í nidahwíínąą’ ndi. Diishjíídi Diyin yikeenaazinígíí binaab deidiitsłah dóó bijéí dóó bisíkees ąą’ádaat’é dóó yánidaalnish. Jesus Christ Binahgha’ Ninédláago Yá Naazinígíí diyin yikeenaazinígíi dóó bibee hazaanii yikehgo deiyikaahígíí yinííyeh bił bee dah hózin dóó yikiddaakai áko éí bił dah hodéezyéél.

Nihi sodizin baa hanełgo, t’áá hoolzishgo la’í diné diyin be’atiinji’́ yił áhádahdeest’ah. 1837 dóó 1850yaahdą́ą́’ ákóhoodzaah. Lá’ daal’aadii diyin binahagha’ hanaalyaahgo Dził biná’oo’oł’iigóó diyin yadahalne’ii dóó ndahnitinii daaslį́į́h. Éí Diyin bándahjilnishgo miil diné dóó saanii Diyin bisodizinjí íhidííkai, 1850 yaa’dą́ą́’ t’óó ahayóí diné silį́į́h, t’áá kodi nihikeyah yilaadi silį́į́h. Íídą́ą́’ Diyin aní niléí Utahgóó áhidooneeł dóó aadi ahíídookah. T́óó ahayóí tsá’naa bił nidahas’éél, lá’ béeso bidah iisnil Perpetual Emigrating Fund wolyéh bits’aahdę́ę́’.

Ayóó shił nizhóní baa hane’go Salt Lakedi nidahiisbaas dóó t’áá łá ajaad bee nidhaaskai, lá’í tó’wonahidę́ę́’, England dóó Walesdę́ę́’ 1852yaadą́ą́’ ndahaaskah. Dahjiłbaasgo Ałtsé Naat’aanii hadaah haaskai Emigration Canyon hoolyeehdi dóó Silaojí Naat’áánii Captain Pitts bidilní yee’ndaanéé’ígíí hadaah yikai. Ázéé’zį́ naaltsoos Deseret News wolyéh kót’áó yaa halne’, “Ámá, dóó ałchíní t’áá ní deiyikaah, binii’ deijííh láh dóó tídahoosnííh lá, ndi bijéídę́ę́’ ahéédah nizin , háálá bił dahózhoogo deiyikaah.”

“Diyin Bighan Ntsaa biighagi silao nihast’ééhdi dah deesdooh, … miil anééląągo diné, asdzani, ałchíní ałah silii’go t’áá ałąądę́ę́’ ndahjiikai, yá’át’ééh dah bijinį́į́’go.” Diyin Ya.yałti’í Brigham Young yich’í haadziih: “Táh nit’ééh Diyin God nihikidhojídłííh doo. … Niha sodadiilzin t’áá ałáhjį́, miil aneeląągo t’áá akwííjį́ diyin God bich’į́ éí anhiłné sha’ałchíní Israel ałah andaadleeh, diyin bina’nitin bee áko Yisda’iiníílii nahdaah biniyéh hast’é’adahdoołnééh.”

Anii’adahidookai’ígíí bee nihiłdah hózhǫ́ dóó ałdo yahanahísookai’ígíí diyin bisodizinjį́: Ayóó’á’danihéé’nííní, dahiníídzin; Diyin God nihinízin. Bá sodahdiilzinígíí éí yá’aashdę́ę́’ niká’aná’alwo’go diyin bé’atiinjį́ naasgóó yinaal doo éí Diyin God dóó biYeh Jesus Christ celestial kingdom hoolyéedi dah bighan.

T’áá anii’ bee hózin Jesus Christ dayoodlanígíí lá’í yileeh t’áá ákwííjí. T’’áá aniidigo t’óó ahayóí Diyin bisodzinjí yíhídiikai. Taa’ naahaijí 900,00 anééląągo diné dóó saanii dóó ałchíní diyin bisodizin yihídííkai. Díí éí 900,000 aneelaahgo íhidiikai, k’ad éí tsosts’idts’áadah dimiiltsoh Gaamaalii aneelaah. Yá’át’ééh anii ídahidookai’ígíí nihikaan nihich’į́ ąą’adaat’éh dóó ahéédahniidzin diyin be’atiinjį́ dahdookai’ígíí.

T’áá naahaijį́ 900,000 miil íhidííkai éí 1940 yaadą́ą́’ yilaadisilį́į́h, íídą́ą́’ éí t’óó 860,000 áneelaah Gaamaalii dahnilį́į́h nt’ę́ę́’. 1940 yaadą́ą́’ Shí dóó President Jeffery R. Holland, dóó Dieter F. Uchtdorf nihidah disch’į́.

Díí íhídííka’ígíí nahasdzáán bikaadę́ę́’ ádaatí. Hast’ááh nideedzidjį́ ídahideekai’ígíí kohoot’ééhdą́ą́’ yilaadi silį́ih díí keyahdę́ę́’ tówonahnidi, naakai łizhinnii, naatsooszi, tákaah diné’é dóó naakai diné’é yilaadi silį́į́h. T’áá kójį́ nihikeyah United Statesjí éí t’áá bihó 17% íhidiikai’ígíí. Diyin binaanish naasgóó bidziilgo yilwoł Biniinaa lá’ íhídiikaíígíí nihił halne’ Diyin bina’hagha diné bijéí dóó bee iina’ łahgo andeelé lah.

Díí íhídííkai’ígíí k’ad t’áá doo kwe’é ałah dooleeł dah bidiinííh dah. Oodlą dóó béeso aadit’aah dahoodlanígíí nidanyííleego diyin bisodizin adaalné dóó diyin bighan ntsaa adaalné nahazáán bikaagi. Diyin bibee ąąnidit’ííhiidóó béeso bá hólǫ́, áko hasdahíídeehii bee ó’oolííhii diné bá hólǫ́ nahasdzáán bikaagi.

T’áá háádishshį́į́h keehonít’ííhdi, díí miiltsoh aniidi íhídííkai’ígíí yá’át’ééh dabidiiníí’ doo, ałkidą́ą́’ nihizází ádeedzaah yaa’gi’it’áó English dóo Welsh Da’oodlaní yá’át’ééh dah yidiiniid. Shił nizhóní Elder Gong yee yałtí díí yee naneezt’aah, t’áá doo diné t’áásáhí nidaasdahí dóó t’áásáhí diyin kéhjį́ naasdahí yee nanhíneezt’aah.

Diyin kéhjí nihinaanish éí aniidí íhídííkai’ígíí dóó ninahaaskai’ígíí yá’át’ééh dah bidiiníí’ doo. Diyin God binaanish txíílǫ́ yilwoł, áko nihi éí diyin bina’hagha dahyiłtóósdlaahdígíí bánideelnish doo dóó ayóó’á’déé’níí’níí’doo. Diyin bidiné’é Zion bikáhadííjah, bee “t’ááłá’í nihijéí, dóó t’áálá’í nihisékees áko t’áá ákogi át’éiijí bee bikáhadííjah.” Jesus t’áá łá’í bił jilíígo éí Jesus t’áá łá’í nilínígí’átáó át’éego adaniit’ée doo. T’áá aniiltsoh nihi naanishígíí éí t’áá ałtso diné yá’át’ééh bidiinį́į́’ doo.

Diyin bidiné’é nolinígíí bee nanhintinígíí éí diné Jesus Christ yidahidííkai’ígíí nihigaan bee deiyínót’ahgo yá’át’ééh dah bidonííh doo.

Naataanii President Gordon B. Hinckley aní éí anii íhídííkai’ígíí díí yinizin, “ak’is, sodizinjį́ naanish, dóó “diyin bizaad” áníid íhídííkai’igíí bik’is niidlíí’ dóó t’áá kwe’é atah dah nol’į́. Diyin Jesus Christ yikeenaakah dahnilíígo ałdó nanałah neinitin doo dóó sodzindę́ę́’ naanish baa deet’ahígíí bił t’áá áko doo. Aniidi tsełkee íhídííkai’ígíí diyin bá’nanishtindoo dahnizingo yaanisídaakees doo. T’áá aniiltsoh Diyin kéhji hiníínąą’ doo.

Lá’í sodizin yihideekai’ígíí yéígo bich’í nidahwíínąągo íhídiikai áko ak’is bee hólǫǫgo bá yá’át’ééh.

Lá’ aniidi niheeoodlą dahaslį́į́h dooda yeeh lá’ niheeoodlą baa níhokaah, éí ajínahwíínah bił neehólǫ́ǫ́’ doo. T’áá ní hádáhííniłíí’ doo. Tsełkee ndanitinígíí diyin binahaga’ dóó diyin bił ahá’deet’aahii dóó bee ó’oolį́į́hii éí diyin binanitin biyí, dóó naaltsoos Preach My Gospel biyí

Diyin bee íool’ííhii dóó bił ahá’diit’aahii dóó bibeehaz’áánii bikéhgo iina’ éí yéígo bidaholnííh. Házhó Diyin bił áhádeet’an’ígíí baa nisíníkees doo. Jesus bina’nitin binahjį’ hoolaagóó iina’ nihá biigha, éí binahjį́ Diyin God bił ahadeet’anígíí ajiiłį́į́h dóó bąąh ahójilyaah leh. Sodizindi éí tó beeiilzį́į́h, dóó hátsíítahdi sodizin, dóó diyin bibeeładziilii hastóí baa dahalyéh, dóó diyin bił ahá’diit’aahii éí diyin bighan ntsaadi al’į. Nihi zází bee iina’ naadiilyahígíí éí diyin bighan ntsaadi gone’ t’éíyá bee hasdahííldééhii bá baa’nidahanish. Diyin bighan ntsaa bichį́ haast’é’ádilnéeh éí t’áá k’ad baa nanish doo.

Doo biinishgha dahnosin leh dóó doo shił bee hózin dah. Diyin bina’hagha hwił bee hózingo éí akidhójidlí bóhwíílaahgo t’áá hoolzishgo, ndi éí doo binahji hasdahdíídaal doo. Diyin binanitin éí doo t’áá at’é hwił bee hózin dah leh. Naat’áanii Russell M. Nelson ánihiłní “T’áá ákwiijį́, Naaltsoos Mormon Wolyéhigíí wółtáhgo dóó baa sodółzingo, T’áá doolé’é baa nitsékeesgo nahyá’át’ééh doo. Yinołtá’igii baa sodizin, yá’ąąsh bitsésǫ’ ąą’ ádoonííł, dóó biná’idółkid nił ííshją́ ádoolnį́į́ł dóó ha’íí iiná áálííł.”

T’áá ninahahaigo nihisodizindi Damóó’go olt̨ąjį́ dį́į́’ bitah nahodilzish, Diyin binaaltsoos saní, Aniidi Diyin binaaltsoos, Naaltsoos Mormon Wolyéhígíí dóó Doctrine and Covenants. Naasholzishgo diyin binanitin lá’í nił bee hózin dooleeł. T’áá akwííji diyin binaaltsoosii jót’ahgo wee’íína’ bikidhojidlii doo háálá nizhónígo Jesus Christ bina’haghají yéígo biizhdííghaah.

Jesus Christ bina’hagha bóhoo’aah éí iiná ninití’jį́ naanish at’e, t’áá ałah bikídíít’ííh dóó bikéhgo Yisda’iinííłii nahalingo hijíí’iina’. Yéígo bóholnííh éí Diyin bił ahadiit’aahnii éí bikéhgo diyin bibé’atiinjį́ joogaał doo. Díí nanitin éí President Nelson bidziilgo yee nanhineezt’aah. T’áá anołtsoh, anii íhídookai’ígíí dóó yah anahnódzáhígíí nihikidhojidlííh doo házhǫ́ diyin bił ahadahdoot’anígíí dóó diyin bibee atiin baa íínołt’ah doo háálá Diyin bits’ąądę́ę́’ át’é.

Diyin bił aha’díít’aahígíí nosingo dóó baa naalnishgo, hooláagóó iiná bee atiinjį́ yinaałgo éí celestial bił has’ąądí bich’í atiin. Diyin bigha ntsaa gone’ éí bibeeó’oolį́į́’ éí yéígo baa nisííkees doo dóó bąąh neinish doo. Láí diyin bił ahaha’dahsidót’anígíí diné bá hólǫ́. Lá’ bił ahadiit’áh éí iigeh, hajooní bił nijilniish doo. Nihi biniyé hinííná éí hoolaagóó bił nijíaashii hasdínootał.

T’áá doo baa nití’í hoolaagóó iigeh k’ad hoolzishgo doo nah biigha’goo. Diyin yádahalné’i bindanitin éí diyin bi beehaz’aanii yikéhgo deiyíkaahígíí éí t’áá at’é hakidhojidlííh daa bí doo. Naaltsoos Mormon Wolyéhígíí diyin yayałti’ii King Benjamin aní: “T’áá haashį́į́h Diyin God bibeehaz’áanii yikéhgo hinąągo bikidhojidlí doo … éí diyin yikeesizį́į́hgo bee iiná ninitíjí … éí Diyin God yił keedahat’į́į́h doo yégó bił dahozhǫǫh doo.”

Baa ákodinííziił, t’áá ałtso dahoodlaanii doo ałtsoh hadaít’ééh da. Baa hane’ bits’ąąhdę́ę́’ éí nahasdz’aan bikaagi nidahíyiilzííh doo. Nahasdz’aan bikaagi doo yá’át’ééhii bił dahiníí’nah, doo celestialdi iina’ nahalin da. Díí nihee’iina’ nabidinit’aah, dóó lá’ídi niheeiina’ łahgo andiilnį́į́łgo niha biigha dóó yá’át’ééhjigo dahnidídiidaał.

T’áá aniiltsoh doo biigha daníídzin Jesus díídléé’higí át’áó. Diyin niha ninanidlá’ígíí binahjį́ t’áá akwííjí nihee iina’ łahgo andiilniił. Ákohgo, Christ yéigo deinohdlą́ągo, dóó t’áá íiyisíí laanaa danohsingo, dóó Diyin God ayóí ádeiínóh’níigo, dóó nihookáá’ dine’é t’áá ałtso ayóó ádeiínóh’níigo, náás deínóhkááh. Ákohgo, náás deínóhkáahgo, Christ bizaad t’áá íiyisíí nihił yá’ádaat’éehgo, dóó t’áá dahinohnáajį’ da’iinohdlą́ągo, jó, éí aTaa’ kóní: Hool’áágóó iiná éí nihí dooleeł.

Baa nisííkeesgo diishjíídi nihich’į́ nahwíínanígíí, éí Yisda’iinííłii nahasdzáán yikaadi nanitin yaadą́ą́’ ałdó yéígo ach’į́ nidahwíínaan leh nt’ę́ę́’. Álááhgo yiniłí’ígíí dóó yinaalnishígíí éí doo diné kéhji’ bich’į̨́ananáhóot’i’ígíí dah; ndi dahoodlá’í yéígo daoodláá’ doo yánizin.

Yisda’iinííłii bikee yiidalgo dóó binahagha dóó binanitin niha nantł’ah hálááh nahazáángí t’áá áłahji doo yá’á’shǫǫngo yilwoł. Yisda’iinííłii nihitánaagha’hadą́ą́’ bá nantł’ah nt̨́ę́ę́’, dóó ałkidą́ą́’ nihinataanii dóó íhídiikai’ígíí ałdó bandantł’ah nt’ę́ę́’ dóó diishjíídi ałdó nihánantł’ah. Ndi diyin yá’yałti diishjíídii nihée hólǫ́ éí bikéhgo yiikai. Naataanii President Dallin H. Oats éí náagoo diyin kéhjį́ bikée yikai doo.

Óóiní nishlį́ Jesus Christ bisodizin bina’hagha éí hoolaagóó t’áá anii at’é. T’áá Shí shił bee hózin Jesus Christ hiná, dóó nihá ninánidlá’ígíí áko t’áá aniltso Christ bił t’áa łá’í níídlííh doo. Jesus Christ bízhi’ baa hast’ii binahjį́ ’ádishní, áamen.