Áádóó K’ad Éí Ish’į́

Tʼáá aaníí odlą’ bee ayóó’ó’ó’ni’ biłgo t’áá aníiltso saad bee ałkéé’ hodiits’a’go Alą́ąjį’ Sizı̨́ní Oaks Alą́ąjį’ Sizı̨́ní Russell M. Nelson bee iina’ náádiilyáhígíí saad bee ha’óólníihii yich’į’ nayiizlá. Áádóó t’áá ałhąąh ánéelt’e’go ayóó’ó’ó’ni’ dóó íiyisí yinííł biłgo, t’áá aníiltso ániid Michigandi dóó t’áá ałtso nahasdzáan bikáá’gi k’asdą́ą́ tʼáá ákwíí jı̨́ náhádleehgo doo yáʼádaashóonii ádahoodzaaígíí baa ádahwiindzin. Nihí éí díí ádaat’éhígíí bił baa ádahwiniidzingo Bóhóníihii Jesus Christ ayóó’ó’áda’íinii’ní dóó baa da’íiniidlı̨́.

Náhást’éí wólta’í John binaaltsoos biyi’ gone’é Jesus dóó bihódahooł’aahii bi’ééhooziidígíí yii’na’asdzogo ła’ adóókeedi, bi’dizhchį́yę́ę́dą́ą́’ doo ooʼı̨́į da léiʼ yíigha deikááh nt’ę́ę. Díí bá ádzaago hódahooł’aahii Jesus díkwííshı̨́ı̨́ na’ídíkid ndanitł’ago bee da’oodlą’ ał’ąą ádaat’éego ndahwidééłkid éí díí diné bąąh dahoo’a’ígíí háádę́ę́ʼshı̨́ı̨́ bee hazlı̨́ı̨́’ dóó haat’áágo bidoolną’. Nanihizhnitinígíí doo nanitł’agóó dóó bik’ee jidoolyisii t’áá doole’é ájiilaago bee hajoodzı̨́ı̨́’. Bizhééʼ łeezh yikʼídeezhéé’ dóó áłts’ísígo yee hashtłʼish áyiilaa. Áádóó inda Diné doo ooʼı̨́nígíí binákʼeegi yííztłééʼ, abizhjidíiniidgo Sailóom Tó Sikánígíí biyiʼ táʼádeesgiz. T’áá at’é díí diné doo oo’ı̨́ı̨́’ da yiik’ehóół’įįdii dóó “ajooʼı̨́įgo [áádę́ę́ʼ] nídzídzá,” diuin k’ehgo nda’asdzoígíí aní. Bee bééhózinígíí hait’éego bóhoneedzáa doo, tʼáá áníinii bits’ą́ą́jį’ át’éego shą’shinígíí, éí dooda saad ałk’idjį’ yáti’ éí dooda áká naatʼá ałts’ą́ą́jí ndlı̨́įgo.

Akogo, álílee k’ehgo daats’ı̨́ ánáádoonííłgo yee bídahólnííh danízinígíí Jesus yighaidoo’ááłgo yéédaaldzidii’, Yisdá’iiníiłii biʼnda’anaʼí diné anííd oo’ı̨́ silı̨́į’ígíí bidááh jíkaigo dóó bádahachį’go ádahodííniid, “Díí diné éí bąąhági ááníiłii nilı̨́įgo nihił béédahózin.” Hastiin yíísts’ą́ą́’go hodíína’ azlį́į́’, bik’éedóó ánáádoo’niid, “Bąąhági ááníiłii daats’í nilį́ … , éí doo shił bééhózin da; [ndi] t’ááłá’í [t’éiyá] shił bééhózin,… doo eesh’į́į da nít’éé’, nidi k’ad eesh’į́.”

Jesus t’áá bí ałtsé ááh ha’níinii díí áhoonííłígíí hoł ch’íhodeez’ą́, Bihódahooł’aahii díí ahóót’įįdígíí yee yił ho’niilne’ “éídígíí Diyin God bibee adziilii yee ááníiłii bee bééhodoozįįł biniyé ádzaa.” Díí béédaałniih díí hane’ígíí Yisdá’iiníiłii ádzaaígíí éí diné doo oo’ı̨́ı̨́’ da bináá’ “yííztłééʼ” éí naakiigo bee bi’dóojį’, ádzaaígíí táʼádeesgizgo ałtso bee nahoolzhiizh. Díí bee bi’dóojį’ígíí “éídígíí Diyin God bibee adziilii yee ááníiłii bee bééhodoozįįł biniyé ádzaa.” ła’ ó’ool’įįł achʼįʼ ąąʼ ánééhgo ááhyiłní.

Ła’ nááná t’áá aníinii éídígíí bee bééhózingo Yá’ąąsh dóó Nahasdzáán T’áá Ałtsoní Áyilaií bee chodao’íinii chohooz’įįdgo díí álílee k’ehgo yee áyiilaa: díí zhéé’ dóó łeezh bíla’ yee néidiiziidii’! Díí íiyisí doo tʼáá bóhólníhígíí bił tah íl’íní át’éégóó Diyin God bee ha’doodzíí’go yee nihik’ihojidoodleeł háidishı̨́ı̨́ t’áá bí íinízingo ha’at’éego da yee íidoolííł. Naaman át’éego Tó Nilíní Jordan doo yinizı̨́ı̨́’ daígíí éí dooda ła’ Israel be’áłchíní tłʼiish bááhádzidii tsin adíítsihgo bąąh dah hididííłtʼeeł deidínóół’įįłgo doo daniizı̨́ı̨́’ daígíí, bee chodao’íinii íiyisí t’óó tʼáá bééhózínígo bininaa hait’áoshą’ nihí éí doo nanitł’agóó yisdádiikahgo bee ééhózinii yóó’adadiit’ááł.

Ndi Naaltsoos Mormon Wolyéhígíí bits’ą́ą́dę́ę́ʼ éí ła’ t’áá doole’é t’áá áłah hazhóʼó dóó tʼáá bídin hóyééʼ dóó éí Jesus bidiichı̨́ı̨́hgo tʼah bítséedi bee hadoodzįįh éí “diné yínííł jílíinii áádóó yínííł bee ade áhootʼéii [hoł] bééhózin; doo hanádadéézįįd daígíigi átʼéego dahazʼįįd áádóó doo [nihił] ajílı̨́į da.” Sáanii Álah Nádleeh Yilą́ąjį’ Sizı̨́ní éí dooda ła’ shkii doo ííłta’í New Yorkdi k’éé’dílyééhdę́ę́ʼ naagháago éí dooda ła’ ániid ádiiltı̨́ígo Diyin yá na’nitiní, éí dooda awéé’ béégashii yiiʼ nídaʼalchoshígíí biih sitı̨́nígíí binahjį’ Diyin God háágone’éshı̨́ı̨́ ayóó átʼéii Bibaahane’é ach’į’ ánáyiil’įįh.

Ákogo doo ndanitł’agóó ei dooda doo ha’íiniidlı̨́įgóó, ałk’ínídaasgisgo ndi bee nihisodizin nihich’į éédahoozįįdgo shą? Christ binahat’á bee yisdá’iildéehii hadaʼíínóółníigo bik’eh ádaał’ı̨́ı̨́sh danohsin łeh, zhéé’ dóó hashtł’ish hanéélą́ą́’shı̨́ı̨́ hodooleeł ndi? Ha’át’ííshı̨́ı̨́ é’élnééh daats’ı̨́ nihił doo bééhózin da ei dooda ha’át’íí bininaa, dóó, hoolzhishígíí dóó ła’ nááná hoolzhishjį’, t’áá aníiltso ałts’ísígo dadiníídzįįł ła’ alah asdzání át’éego adííniidii’, “Bóhóníihii, ła’ bee ak’ihojidlı̨́ii éídígíí doo łahgóó ályaago shą’?”

Ła’ nááná t’áá aníinii baa nitsínáádííkos, díí t’ááłá’í diyiní diyin bibe’adziilii baa hwint’ı̨́įgo. Ałníi’gi hoolzhishgo sodizin bá hooghan hadiilnééhę́ędą́ą́’ naaltsoos ha’dilnéehgo, Luke saad dashijaa’ áłtséígíí bikáá’: “Áko naakitsʼáadahígíí áłah ájiilaago, dóó bee adziilii áádóó bee óhólnííh bitaazdeezʼą́,” naanish bee hwéé hodoolzįįdígíí éí dooda éʼélʼįʼ éí dooda áłtséédą́ą́ʼ alą́ąjįʼ yizhchíinii bee bóhólníihii éí binahjį’ aa’ilyáhí doo nihaa ha’nííł da. Hodílzinii ólta’í ei dooda tʼáá jííkʼe niséhékeesi dah ooldah binahjį’ doo daalyée da. Diyinii bee óhólnííhii bee bééhoozįįdiidę́ę́’, Bóhóníihii Jesus Christ, éí háíshı̨́ı̨́ bee óhólnííhii beilyáhígíí bíla’ yee hak’ihodiinii’ígíí bik’ehgo ałkéé’ nít’i’ doo k’é’éltǫ’ígíí bits’ą́ą́dę́ę́’ t’éíyá hakʼi dasdeesʼniiʼgo bee ąą’daalyéh.

Áádóó Sodizin bá hooghan biyi’di éí tʼáá ákogi ájooníiłgo dóó ajooba’í t’áá áłah yee nda’nitinígíí, bee ak’idahojidlı̨́ii dóó bee ahada’deest’ą́nígíí nihizází daneeznáígíí baa dadidoot’ááł le’ bee ééhoozįįdígíí bikʼee nihił adahayóigo dadiníil’įįł, éí bił danihighan nihilą́ą́jį’ anáheeskaiígíí? Nahat’á bee yisdá’iildéehii chodeidoołígíí doo bá daholǫ́ǫgóó ei dooda ła’ hoolzhishígíí ei dooda ha’íígishı̨́ı̨́ gone’é dabidizhchı̨́ı̨́’go diyinii ó’da’ool’įįł dóó bee ahada’deestą́nígíí t’áádoo bá chódaozt’é’góó bininaa daats’ı̨́ baa nídadóotʼįįł? Jesus Christ Binahagha’ Akée’di Dayoołkáałgo Yá Naazínígíí Bóhóníihii bidahooghanígíí dahólǫ́ǫ’go dahodísinígoo diyin k’ehgo bik’i sodahodoozinii’, biyi’di díí ndaneeznánígíí ó’da’ool’įįł bee yisdádooldahii jí dóó tł’éé bił néíkááhgo bá ádaalne’, áádóó dahwééłááłgo dóó ó’ool’įįł bee dahoogááłgo dahiinánígíí bá chódaot’eeh. Shí shił bééhózingo, díí Diyin God bit’áá’aníinii bee ééhózinígíí, t’áá ałtso nihokááʼgi dine’é dahiinánígíí dóó daneeznánígíí yágháhookáán biyi’ t’áá ałtso Bee’ayóó’ó’ó’ni’ éí doo ła’ nááná nahasdzáan bikááʼgi nááhadlǫ́ǫ da— díí baa hwinít’ínígíí t’ááłá’í sodizin bá hooghan biyi’gi t’éíyá: Jesus Christ Binahagha’ Akée’di Dayoołkáałgo Yá Naazínígíí.

Shí ałtsé bee eesh’ı̨́-aa’ilyéi, iiná-aa’ilyéi bik’íníyááígíí éí hashtł’ish bee aztłéé’ígíí ei dooda Siloam Tó Sikánígíí biyi’gi éí doo t’áá aníinii íiyisí bee ééhózinii bił doo shił ádzaa da. Ndaga’, Bóhóníihii bi’hadaałtʼé ánánihoodlíiłii bee chohoo’íinii naaltsoos haadilyaadę́ę́ʼ sheílyá, aoo’, Naaltsóós Mormon Wolyéhígíí! Díí naaltsoos baa dahóóne’ éí doo dayoodlą́nígíí bich’į’ niit’ą́ągo bánídahachįįhgo t’óó yínídeidiichi’, łahda diné náádzííʼígíí áhách’į’ saad yee yich’į’ hadajoodzı̨́ı̨́’yę́ę nahalingo bił ééhooziid ígíí yaa ákoniizı̨́ı̨́’ gi éí doo bił ééhooziid da dahodíiniidgi.

Díí naaltsoos t’áá doole’é binahjį’ ha’diilyaaígíí éí doo bohónéedzą́ą da, doo jóó’dlą’í át’ée da, baa yáhásinii, doo hodósin ádaat’ée da ndi éí bee shił hóóne’. K’ad éí, naaltsoos háádę́ę́ʼshı̨́ı̨́ íilts’idii’ bits’ąą chodaoz’įįdgo t’áá háíshı̨́ı̨́ saad deeníigo bitséédi bił bééhózingo hadoodzih, háálá chodaoz’įįdígíí éí “aa’ilyáai dóó Diying God bidziilii binahjį’” bilagáana k’ehjí saad ályaago t’áá éí t’éíyá baa dahóóne’go aa daasya’. T’áá éí t’éíyá. T’áá ákódí. T’áá háádi da, diné doo oo’ı̨́ní azhéé’ dóó łeezh bináá’ bąąh ályaaígíí bik’ehgo bee ádoonííłígíí éí Naaltsóós Mormon Wolyéhígíí she’iina’ nasiisnáá’ígíí éí shił doo áłts’ísí álílee k’ehgo ádzaa da. Éí ahót’ée nt’ę́ęʼ, shí shá át’éego, béesh hał bee hasih éí shił hazʼą́ągo át’é, bílááhdi ntsí’iiłkeesí dóó hwii’ hodiiłnááhii bee ádinídíinii shił ííshjání át’é, ahí bee chahałheeł hak’i’iidohgo atiingi ak’idiiłdla’ bikáá’gi dadideeshwoł. Áádóó t’áá bééhózínígo ádahoodzaa, dóó t’áá bééhózínígo áhónáádadoonííł.

Áádóó shiYisdá’iiníiłii yágháhookáán biyi’ t’áá ałtso bee’ayóó’ó’ó’ni’ dóó akʼé nináʼádlééhii bee’ajooba’í, shił ádzaaígíí ła’ nił ch’íhodeesh’ááł, diné ániid bik’ihojisdlı̨́ı̨́’ígíí bimá dóó bizhe’é “hóyąądígíí binahjį dajidoots’ı̨́ı̨́ł át’éego bee t’áá áko dooleeł.” Shooh, shí áłdó’. Hóyąądii’ binahjį’ dayoosdląąd, bee bił éédahoozįįd. Shooh, shí áłdó’. Naakii nínáádooziłii’ tseebídiin dóó bí’aan ashdlą’ shináhááh. Anoonééł bits’ı̨́įdi dóó nát’ą́ą́ʼ niséíyá. Alááhdi naat’áanii hastóí dóó sáanii, alááhdi naazíní dóó hastóí naakits’áadah bik’ihodiinii’ígíí bił tádííkai. ĺiyisí t’áá ałtso yá’át’éehgo, Diyin God bee Diyin Ii’sizíinii bits’ąą shide’ánát’įįh łeh. Shił ééhoozįįdígíí ła’ áłts’íísígo baa nítsídadoohkos bee nihaa jiníshłı̨́ı̨́do.

K’ad, ak’isóó dóó alahké, t’áá at’é shiyi’di bee anísht’éhígíí baa ákoniizı̨́ı̨́’go éí Aniid Ahaadeet’ánii sodizin bá hooghan binahjį’ Jesus Christ Binahagha’ Akée’di Dayoołkáałgo Yá Naazínígíí éí t’áá aaníí at’é —dóó ła’ nááná— éí hanáádiiyaa bee ééhoozįįdgo bininaa doo bik’ijį’ hadeesdzíh da. Áłtséedą́ą́’ éí éédahoozįįdígíí, t’ááłá’í dimííl yázhí?—neezná dimííl yázhí? daats’í shee hazlı̨́ı̨́’—ła’ nááná bee éédahooziinii éí t’áá at’é bee haasdzı̨́ı̨́’ígíí éí t’áá’aníí ádaat’é. Ákogo k’ad shił baa hózhǫ́ǫgo Jerusalemdę́ę́ʼ bikintahda’aztiingóó bił bidiishááh, áadi shizhííh bi’niidįįhgo bee ho’niishtáál:

Jesus Christ bízhi’ binahjį’, amen.