Saad Bee Ąą’ Álnééhii

Shik’is dóó Shilákéé, yinił bee ałah niidlí, nihi naataanii President Russell M. Nelson nihits’ąą’ánaazah. Naakidts’áádah binaataanii nishl’į́, éí binahjį́ nihich’į́ yaasht’į́. éí shá yádahdoołniid, t’áá ntsaago áłah aleehdi — sodizin, stake, dóó ntsaago áłah aleehdi — tsoosid dóó ałníí’ naahai.

K’ah éíyá díí ntsaago áłah aleeh bee nidahast’ą́ bikéhgo hoogaał doo, yadahádoodzidígíí dóó dilní yee nidaané’ígíí éí t’áá íídą́ą́’ nideedzih yaadą́ą́’ bee nidahast’ą́. Díí t’éí łahgo at’é, saad bee ąą’ álnééhii dóó ałchį́’analnééhgo hiłch’į́go President Nelson bits’ékéh gone’ bá hadíísdzih.

Díí tsídá inda 75 naahai niSodizin Binaataanii nihits’ąądaasts’ą́, t’áá dikwíí’ yiłkaałgo ntsaago áłah aleeh bee há’aldééhgo ákodzaah. Haaleeht’áó nidahwíít’áó doo áłah néédłééhgo ntsaago áłah needlééhdi dóó yá’ánahájahdi dóó hágoshą́ President Nelson niwójį́ ádoolnį́į́ł. Naataanii President Nelson bił bee hózin díí ntsaago áłah aleehdi binahjį́ bikéhgo náagoo da’oodaanii náagoo nináhadizį́į́d yikáh doo. T’áá íídą́ą́’ yee náhast’ą́ éí bikéhgo adoolnį́į́ł áko bikéhgo ádoolnííł.

Yiniil dah nį́į́dlį́į́’go t’áá íídą́ą́’ President Russell M. Nelson baa dahwísíí’nííh, tádoo ntsaago áłah aleehí bąąhá’aldeehgo dóó niwójį́ alneeh éí ntsaago áłah aleeh ałtsohgo bąąh ná’asdeehgo inda doo. Díí t’áá at’é yee yá’dá’asłį́į́’ Naataanii President Russell M. Nelson bá’ałchíní dóó Naaki ts’áádahdę́ę́’ ałdó.

T’áá aniiltsoh hadahidiidzihígíí kwe’é ntsaago áłah alee aleehdi t’áá doo lá’í President Nelson baa yá’dahdiilt’į́ da, éí t’áá ałtsíí’ígo bąąhada’hodoodzih, éí niwó’jį́ alneehdi bee hada’hodoodzih, éí t’áá íídą́ą́’ bee nahast’ą́.

T’áá Shí ałtsį́į́’sígo baa hadiidzih — lá’í bąąhánį́į́hgo bee hada’iisdzíí’ — tsídá lá’ígo diyin bina’hagha bits’ą́ą́’doo bohoołąąh, éí t’áá ałkidą́ą́’ shik’is nil’į́ dóó bił naanishgo nt̨́ę́ę́’. Nihinaał diyin Jesus Christ yá’naalnishí dóó yikééh yigaałii nil’į́ nt’ę́ę́’. Shí díí be’al’į́nii Jesus Christ bizhi’ binahjį’ t’áada’aaníí adishní, áámen.