Feked e Fithingan Yesus Kristus nga Dakeandaed

Ulan 2018, u fare University of Utah, ke sunmiy e fithingan ko muruwel ko tamachib ni kanoeg “Dr. Russell M. Nelson nge Dantzel W. Nelson Presidential Chiya ulanggin Cardiothoracic Surgery”—cardio, yip’fan “gum’ircha’,” nge thoracic, yip’fan “ngorongrey.” Me liyor e muruwel rok’ ngak President Nelson nifan e gum’ircha’ey nge ayuw rok’ e le’engin nike yim’, Dantzel. Muruwel’ ney ko tamachib nike buch udakaen bochi salpiy me thapeg nifan rebo rran. Gidii’ nira thapeged e biney e fithingan er thapeged e liyor, salpiy nifan e yafos, nge muruwel rorad.

Bin somm’on e toogta ni ka thapeg e fithingan ney ir Dr. Craig H. Selzman, e toogta ko gum’ircha’ey nib cheag nge gathi e chongin ko Galasia rodad. Ulan e madnam nifan ni nge pii’ e fithingan ko muruwel’ ngak Dr. Selzman, bay bo’or e gidii’ nib ga’fan, ni tay bu’un President Nelson nge le’engin, Sister Wendy W. Nelson. Ufithik’ e mo’olung ney, President Nelson nike non ufithik’ e gum’aen mornga’agen e muruwel’ ko gum’ircha’ey.

Me Dr. Selzman nike weliy mornga’agen e thamey rok’ napan nike thapeg e fithingan ko muruwel ney. Ke weliy ni aningeg e duw kafram, tomuren e duw nib n’uw napan ko muruwel’ ulan e seenggil ko operation, ke lemnag ta’areb e bee bat’uf ninge fek reb e operation. Ke magof nge kirebaen’, bachane ke nang bat’uf ni nge paer ulan e ‘aspiitaal ufithik’ e neap.

Binem e ganaawurug, Dr. Selzman nike thapeg e sabathin ngak nike thilyeg e yafos rok. Ulan e ngiyal’ ney, ke lemnag: “U Friday, Gura thapeg e fithingan ko muruwel ko tamachib ni bay e fithingan Dr. Nelson. Ir e bee’ me kol e thamtham rok’, ke pi e liyor ngak urngin e gidii’, nge dabi puwaen’. Me chiney ba tay e fithingag ko biney, bat’uf ni nggu mang boed ir.” Dr. Selzman ir e toogtaa nib runguy. Machane ir ba’adag ni nge mang nib tha’bi runguy

U chepen rok’, me nang napan be yib e magof nge puwaen’ bachane e ngongol rok nge rogon ir ra non ngorad. Machane, ulan fare seenggil ko operation binem e neap, Dr. Slezman nike guyrogon e rayog rok ni ngge ayuweg nge nangfan e kumii rok’. Ke lemnag binem ke ayuwegen nge ir ba’adag ni nge guy rogon ni nge mang boed Dr. Nelson.

Laal e duw nga tomren, President Nelson nike pii’ e babyor ko muruwel’ rok’ ngak fare University of Utah. Gidii’ nib thabi tolang ko fare University ni kar pii’ e magar ngak President Nelson. Napan e madnom ney, Dr. Selzman nike non bayay. Ke weliy mornga’agen e pi letter ko fithingan ni, RMN, me keyoeg, “Bay e lemnag ni ‘RMN’ ulan e Division ko Cardiothoracic Surgery ulan fare University of Utah.”

Napan bay e puwaen’ ko e pi’nen ni ra buch, Dr. Selzman ke weliy: “Gube rrin’ e tin nima fil ngak e tamurwel’—matin’um ngay, dam mulemnag nib gel, mu rrin’ ni rragon ni rayog rom. Bay e lemnag ney ulan gubin dad. Gadad be pii’ e pin ko coat ngak urngin e chongin ko ulungi nge gubin e bee ko kumii nib be’ech. U bin tangin e pin ni bay e pi letter ‘RMN.’ Fare lemnag ni RMN ir e dayif ko fanow rodad; gadad ma fanow nag binem ngak urngin e bee’.” Dr. Selzman nike thilyeg e thamtham rok’ nge thin ni ba’adag bachane e fithingan ke m’ag ko fithingan President Nelson.

Pi’nen ni ke buch ngak Dr. Selzman me pii’ e lemnag ngog ni: “Urogon ni kug thilyeg napan ni kug m’ag e fithingag ko fithingan Yesus Kristus? Kug thapeg e lemnag boed Kristus bachane binem? Kug guy rogon ni nggumang nib fel’ nge ta’abrogon Rok’?

Ulan e pi’nen nike buch ngak Dr. Selzman, rayog ni ngad sapgad laal e pi rogon gadad ma feked nga dakaen daed fithingan Yesus Kristus. Rogon ney me tabab ko tawfe, machane dabi manb nib polo’ madako gadad ra manged nib machalbog nge thothup woed Ir.

Bin sommon e rogon ir sap. Dr. Selzman ni ke thapeg e fithingan ko muruwel ko tamachib nike m’ag e fithingan ngak President Nelson, nge Dr. Selzman ke tabab ni nge lemnag woed President Nelson. Napan ni gadaedra feked nga dakaen daed fithingan Yesus Kristus, gadad ma m’agdad e fithingdad ngak fithingan. Ma gadaedra lemnag woed Ir. Gadad ba’adag ni ngad manged e gidii’ rok Kristus. Gadad manang e Tathapegdad nge sakiy ngalang nge manged e gidii’ Rok’.

Chuchgur ko fare thin ko sap ni bay reb e rogon—pug uran. Napan Dr. Selzman me yaen nga seengiil rok ko muruwel, me sap e medallion ni ke thap napan ni ke thapeg e fithingan ko muruwel ko tamachib. Fare medallion me ni yibe pug uran e lemnag ko RMN. Nifan dad, thapeged e sacrament gubin e wiik me pug urandad morunga’agen e Yesus Kristus ufithik’ e wiik. Nap’an ni gadad ra fek fare sakrament, gadad ma rrin’ed ere rayog ni ngad pug uran dad e salpiy nifan e salpiy. Gadad me fal’eg e m’ag ni ngad pug uran dad ngak’, manang e fal’ngin Rok’, nge ba’adag e tin nib fel’ rogon Rok’. Ya gadaed manang ni kemus fithik’ gum’aen nge rnguy e gadaed rathap riy’ nifan e yam’ ko dowen nge yam’ ko ya’el.

Pug uran ni ba yip fan gadad ma fol e fonow nime pii’ ko fare Babyor ku Mormon. Ngad “rrinʼed e pi ngongol [rodad] ni gubin ni fan ngakʼ Somoel, ma demutrug e re ginʼen ni [ngad sor gad ngay, ma ngad] paged nge gagyeg nag Somoel; … [ngad] yunʼuyyed e pi tafnaey [rodad] ni gubin ngakʼ Somoel; … [ma ngad] paged e murnguy u [gumʼirchaʼdad] nge paer ngakʼ Somoel ni gubinfen.” Ni mus nga nap’an ni bay reb e pi’nen me fek e lemnag, gadad ma pug uran En, woed ni ngad pug uran e fithingdad, ni dariy’fan ko reb e pi’nen gadad ba lemnag.

Tomuren ni ngam pug uran e tin fare Tathapeg nike rrin’ ni’ir bin dalip e rogon ni—rrin’ ni boed rogon. Dr. Selzman ke tabab ni nge rrin’ e pi’nen ni woed rogon President Nelson nge fare lemnag ni RMN. Gube lemnag ni fare lemnag ko President Nelson ir kemus e rogon rok’ nike buch bachane nike fol Yesus Kristus gubin e yafos rok’. Nifan dad, napan gadad manang nge pug uran Yesus Kristus, bagel e ba’adag rodad ni ngad manged boed Ir. Napan gadad e gachelpen rok’, gadad ma thilyeg nib mangil napan ni ngad lemniged morunga’agen. Gadad ma guyed rogon ni ngad boeded Ir nge sapgad ni ngad thapeged e yalen Rok. Gadad ma meybilgad nib gel’ ni ngad sugdad ko t’ufeg, fare adag rokʼ Kristus nib machalbog.

Woed ni President Nelson nike machib nag ko April: “Napan ni murunguy e ra mang e yang ko rogdaed, ma gadad ra pag rogdaed ni ngad achigchig niged bee’ ufithik’ e pi thin. Gadad ra tal’eg e pufthin ngak bee’. Gadad ra thapeg e murunguy nifan urngin e gidii’. Ba gaa’fan e murunguy ngak gubin e gidii’ … nifan e mon’og rodad. Murugnuy e dayif ku bee’ nib thothup.” Woed ni murunguy, gadad ma gay rogon ningad, “gelnag, … nge gaa’nag” bugi tawa’ath nib thothup ni yiob rok’ Somoel, nim mu’un e yul’yul’, gum’aen’, nge l’agaen ngay.

Rrin’ed e tin ni woed Yesus Kristus e ma n’angginem nga bin aningeg e rogon ni—ba’adag e fan Rok’. Gadad ma un’ed ngak’ ko muruwel Rok’. Bachane ir e toogtaa, Dr. Nelson e yimnang ni’ir rebe sensey, tagolnag, nge tafil. Fare pin nibe pii’ ulan e kumii rok’ Dr. Selzman e weliy e pi’nen, ni bay e pi thin ney riy michib nag, golnag, nge pateg. Nifan dad, yang ni gadaedra feked nga dakaen daed fithingan Yesus Kristus ni tay e bu’un e m’agaen’ dad, guyed rogon, nge ba’adag ko tin ni Ir ba’adag. Gadad ma un’ed ngak’ ko muruwel Rok’ napan ni ngad “t’uf, pii’ nge pinning.” Gadad ma un’ed ngak’ ko muruwel Rok’ napan ni ngad ayuweg reb e bee’, nib gaa’ ni pi’in nib waer nge ni kar fek amith, kar kirebnag, fa kar pil bachane pi’nen ni ke buch ngorad u feylang.

Ere gadad ra gaa’nag e feked nga dakaen daed fithingan Yesus Kristus udakaen e sap, pug uran, rrin’ ni boed rogon, nge ba’adag e fan rok’. Rrin’ed aningeg e pi’ney me powi’iy dad nga bin laal e rogon—gelnag. Gadaed ma thapeg e gelingin nge fapi tawa’ath ulan e yafos rodad. Fare Nelson professorship be pii’ ngak Dr. Selzman e aywu ko bee’ nge salpiy ere ni nge thilyeg e rogon ko gidii’ ulan e kumii rok’. Me tay e “tawa’ath ko gelingin” ney ere ni nge ayuweg reb e gidii’. Woed rogon, napan ni ngad feked e fithingan fare Tathapeg ngadakaen dad, Chitimangdad ni bay u Tharmiy ma tawa’ath nagd dad ko gelingin rok’ e rayog ni ngad rrin’ed e muruwel’ rodad u yafos ney.

Napan ni gadadra fal’eged reb e pii’ micheg ngak’ Got, gadad ra feked fithingan Yesus Kristus ngadakaen dad nib ga’. Riyul’, Got ma tawa’ath nagdad ko bochi gelingin Rok’. Woed nike michib nag President Nelson: “Ra bagdaed nima ngongliy e mʼag ko tawfe u langgin tagil’ e tawfe nge ulan e temple—me fol riy—e bay gelingin nib gel nibe yib rokʼ Yesus Kristus. … Tawaʼath nima yib ni bachan e yibe ayuweg fapi motochiyel rokʼ Got e bugi gelingin nibe yib u tharmiy … ba gelingin nibe piiʼ gelingdaed ni ngad gel gaed ko fapi sikeng, fapi lumel, nge tin nibe amith nag gumʼirchaʼendaed.”

Pi’nen ko ya’el nira yib ngodad nib moem. Bay ni bo’or e athamgil rodad ni ngad sakiy gad ngalang ko pi’nen ni thabi mo’omaw’. Gadad ra gelnag dad ko athamgil rodad ni ngad leaked Yesus Kristus. Gadad ra kalngan’dad nib papay ngad suled Ngak’ u napan ni gadad ra denen. Gadad be cheag i pii’ e gospel Rok’ u fithik’ I gelngin nge matawon. Gadad ra pii’ ayuw me dabi dugliy, ni dabda dugily ni bo’or. Gadad ra thapeged e man’agfan ko denen rodad. Rayog ni ngad thapeged e gapas nib gaa’, thapeged e falfalaen’ nib bo’or, bachane rayog ni ngad falfalaen’ gaed gubin e rran. Felngin rok’ me liyeged gadaed, nge fapi angel Rok’ nira ayuweg ngodad.

Fare Tathapeg ebe pinning dad, “Moey ngak’ e Chitamangiy u daken fidngag, magmed thapeged nib polo’ matawon’.” Gube piningmed ni ngam rrin’ed binem. Marbaed ngak’ e en Chitamangiy nu Tharmiy. Feked nga dakean med fithingin Yesus Kristus. Mu sapgad Ngak. Nga’i par u wun’um ni gubin ngiyal’. Guyed rogon ni ngad ta’abrogon gaed Ngak. Ma un’ed Ngak’ ko muruwel Rok’. Thapeg Gelingin nge fapi tawa’ath ulan e yafos rom. Mu yoloy e fithingan ngadakaen e gum’ircha’med, bachane ni ba’adag. Binem e pii’ “toelingdad” nga p’oewchen Got nge pii’ rogom ko fare Tathapeg ni non nifan ngom. Gara mang reb gidii’en u tafen e Chitimangdad nu Tharmiy, ta’ab rogon e pi’in taferaed ko Bin Somm’on i Fak, Tathapeg nib t’uf rodad nge Tabayul rodad.

Bay nib fos. Ri gumnang e biney. Gab t’uf rok’. Nike pii’ e yafos Rok’ ngomed. Be wenig nag ngom ni ngam mub ngak e Chitamangiy udakean Ir. U dakean fithngan Yesus Kristus, amen.