Yesus Kristus nge Kanawo’ Rom nib Be’ech

“Miiyan Yisus nibe muruwliy ea tin nibfel’.” Kad be’egged ba lungun u langgin fare babiyor ku Acts. Bogithin ndaga’ marnge’gen! Yesus ea rriyan nge muruwliy ea tin nifel’! I ir e dayif ko—nge ginnen—ko tin nib mangil ban’en! Ke mudugliy ea yifos rok u fayleng i muruwliy ea tin nibfel’. Bagel e “murnguy mma kirban’ug, ma ba sowath ni gu ma damumuw ma gu ma dag e t’ufeg rog nib ga’ ma gub yul’yul’.”

Demtrug e rogon ni ma weliy fa achigchig nag e fal’ngin nge murnguy Rok’ i’ir gathi mangil. Rriyul’, niyog fare Apostle John, faan gadad ra yoloey marnge’gen gubin ban’en ni muruwliy fare Tathapeg nibfel’, “ma fayleng ea dabitaw ngay gubin kan ea babiyor niyra yoloey.”

Ko’ bogi susun u langin fapi babiyor nib thothup ni marnga’gen Yesus niyan nibe “muruwliy ea tin nibfel’” ered finyed ni yigomang ea udmed uroem, ni ngad guyed ea pi maang’ang, nge pi michib niitay Rok’, nge guyed e golnag rok’. Ke non ko pi’en nikan tharbay rad, Ke math ko pi’en nib m’ar mab alit, Ke gapasan’ ea pi’en nike magaf, Ke machib nag ea tin nib riyul’, maki pining ea pi tadenen ningan kalngan’uy. Ko pi leper, malmit, bpin nib ta denen, pichaan nib tagan tungun’ay, pi biling, nge pichaan ndarma non; ko pi chitinngiy, chitamngiy, nge pichaan nike yim’ figirngin rad; ko pichaan nibe tamra’ nge pichaan nibe gafgow; ko pichaan nikar m’ad ko dogur nge karm’ad ko yaal, Ke pi’ rebe kanawo’ nib biich. Arrogon, Kureb ea thin da’ ningan’ fan!

Gubin ban’en ni Ke yoeg me rrin’ ea pi’ rebe kanawo’ nib be’ech ko pi’en ni yifoseg, tawaatheg, michibeg nge pi’en nike palog nag ko denen. De palog nag ir rorad, ere dabi palog nag Ir roem. Mu lemnag ea ngiyal’ney nigbe rung’ag ea pin’en nibe weliy:

“Fakag, ke m’ayfan e denen rom.”

“Damsel, me ga’ar ngak, mu suwon.”

“Aram e ngam be’ech.”

“Mman, ma dabkum denen.”

“Fakag nib bpin, nge falfalan’um: mich roem eke gol nigem; mman ufithik ea gapas.”

Thin ku Samol ko pichan’ey ea de yi’or, machane Ke ngongliy ba kanawo’ nib be’ech nifan ko n’agfan, yafoseg, sulweg, gapas, nge yifos nib manemus. Fare thin ko fafalan’ fare kanawo’ nib be’ech Nike pi’ ngom ea ki pi’ ngog. Gadad gubin ma rayog ningad faned rebe kanawo’ nib be’ech, nibchan Yesus Kristus. Ku arrogon gur. Kanawo’ nib be’ech ea i lemnag ea Chitmangdad nifan ko bitir roek. Ireray ea galasia ko bin be’ech ea kanawo’! Ireray ea galasia ko kanawo’ nrayog ni ngam tabab bayay riy!

Fare tawfe ko ran nge Kan Thothup, ea boed rogon nikan “gargel nigey biyay” marayog ni’unyan nga reb ea kanawo’ nib beech.” Urgon fanet’uf fare kanawo’ nib be’ech ngak be’ nikari gafgow ko dened ngepi magagawon nu fayleng? Yesus ea det’uf ningan n’agfan rok fa tabab nag reb ea yafos, machene ni Ke tawfe, ninge dag ngodad ba kanawo’ nib be’ech nike ngongliy nifan dad.

Ma tommon rodaed ea dabi buch nitabiyay. Gadad ma lamnag ni tawfe rodad ea taareb kanoween iyan ko kanawo’ nib be’ech. Madanga’. Gathi kemus ni taareb. Pi kanawo’ nib be’ech ney ea rayog ninga ibuch ni gubin ea rran! Gubin ea week nigadad bekay boechiyang i flowa magad unum buch’uw i ran ninge pug’uran fare tawa’ath nipi’ Samol ni yim’ ninge pi’reb ea kanawo’ ngodad nib be’ech u napon nib ty’uf rodad! Yesus Kristus ea bay i pi’ ngodad bakanawo’ nib be’ech u nap’on nib t’uf rodad.

Gadad ra athamgil ko falfalaen’ ko ea biney ea yifos nib be’ech ngak Kristus, magdad boed boech “bin’en nib beech,” ni tin kakrom ban’en ea bayi m’ay me gubin ban’en ea bayi be’ech. Mange babe’n nibe pi ea chance ko pi’en nibegay rogon ninge athmagil nag ea michmichan’ ku gilngin Samol nra yafoseg me sulweg, nde mutrug rogon bogi ban’en nike buch ko par kore fayleng ney? Samol ea dabitaleg i muruwliy gil’ilunguin ea Chitamngiy nge taw ko ngiyal’ nike mu’, damutrug rogon kobe amith, fabeb ea racha’ u doewngin, be gafgow ko dogur nge yaal, mabe mebil ni faan rayog min chuweg fare cup nib mugnin roek nga urel. Kubyay, Be dag ngodad rogon yaan bamich nib manimus ngak Got.

U gubin ea tha’ nigagad ma ngongliy magdad athmagliy, era “beech nag gum’ircha’dad” me pi’ ngodad fare “ya’el nib be’ech.” Gadad ra pining ea tamilng roek ngalan gum’ircha’dad mare tharbeg lungun moonyan’, magad mang gidi’en ya kadted niir ea Got rodad. Yesus ea baadag ninge mang Pilung nge Saaf nge Pilung ko Gapas rodad, nge rayog ni ngad ta’ niir u gum’ircha’dad nge tafney rodad.

Kalngan’uy ere bing wo’en ngodad ba kanawo’ nib be’ech, me tabab bayay, nge mel’eg e pi’nen bayay. Fare chep ku President Russell M. Nelson eke tomilang nag marnga’gen fare tow’aath ko kalngan’uy, ere gube lemnag ni kafid danangfaned.

Be falfalan’ug nugbe rung’ag ea pi fal’yangren rodad niyad be weliy marnga’gen ea n’en nike rin ea kalngan’uy ngorad. Gurung’ag lungun ba’nib bpin nigaar, “Napan nugra lemnag rogon ea kalngan’uy, ni kalangan’uy gubin e rran, mug thamiy ba gapas mug falfalan’. Gube thamiy ea murguy nge falfalan’ ko Chitamag nu Tharmiy nge Samol rog. Dagur tamdag ningu mebil ngak ea Chitamngig nu Tharmiy mug ning ngak ba ayuw kopi magagawon nugba’riy. Gumnang nigathiyow be gu’ rogon ningar kolew gag kon’en nugbe rin’ nib tagan. Paarow eribdar nibga’. Ni yoeg, “Biney ir kalngan’uy ngog.” Re bpin ney ea benangfan nrayog ba kanawo’ ngak nib be’ech nibchan Yesus kristus!

Bat’uf rom rebe kanawo’ nib be’ech? Megur, rayog ningam ngongliy reb nib be’ech? Mu lemnag urngin ea girdi’ ni michib nagrad Samol-girdi’ ni michib ngorad, faseg rad ko m’ar, faseg rad ko yam’, n’agfan ea denen rorad, me fulweg ea tin nibfel’ ngorad. Be melmel’eg rad urogon ea par rorad nu fayleng? Be mudugliy u thilin ea piin nib tafol nge piin nib tadenen? Be melmel’eg ea girdi’ nibchan ea yad bat’uf rok? Danga’.

Bochi e gidii’ kar yib ngak ufithik ba gel e mich rorad, ya mich u wun’raed ni nge golnag raed—Woed fare bpin nibay e m’ar ko racha’ rok, fare Roman centurion ea tapigpig rok ea bam’ar ninge yim’, fare leper, Jairus, nge fa Bartimaeus nib ma’ew. Yad gubin makar tayed michan’rad ngak facha’ nu Nazareth nragol nagrad me thilyeg e yafos rorad. Ma ke rrin. Ke gol nagrad.

Machene kuma taw’ath nag Yisus ea pichaan da’nigel ea mich rorad, niboed chitamngin fare bitir niyoer ni gaar, “Samol, bamich u wun’ug; mu’ayweg ea pi’en ndarmich wan’rad.” Ma kube murnguy ea pi’en ndawor sapgad ngak, niboed fare bpin nii denen ni adultery, fare bpin nu Nain ndariy figirngin, fare pum’on ndar mayan niimo’ u ta’ben fargi ran u Bethesda, nge fare pum’on nigargeleg nib ma’ew. Kam thamiy roem gelngin nibe muruwliy bogi ban’en nib mangil u lan ea yafos rom nde mutrug ndamur lek?

Ko picha’nem nge pich’an niyadra motoyil, kepi’ ba kanawo’ nib be’ech, ni demutrug ko yifos nimin’ag fan ea denen fa yifos nigol nag ea m’ar, fa yifos ni yafoseg ea yam’.

Mang e be yip’fan ngomed nge gag? Tamurnguy rok ngak gubin ea girdi’ ea dariy yiroren, Ba kanawo’ nib be’ech ea rribo’ u gum’ircha’en ea Chitamangdad ni ngongliy! Tin nib be’ech ea kanawo’ ea murwel roek Yesus Kristus! Tin nibfel’, tin nibriyul’, tin nibbe’ech ea riir fare gospel!

Ere, kaygum palog nga urel ko fare tha’ numtay ningam fek reb ea kanawo’ nib be’ech? Danga’. Ke yi’or yay nikam rin’ ndab kiyog rebe chance ngom? Danga’. Karim palog nigem nga urel ku Kristus ndabi ayweg nem? Danga’. Mooniyan’ ea ir ebe falfalan’ ko binir ea lem. Danga’.

Re kanawo’ ney nib be’ech ea ribga’ fan ni gathi kemus nifan kopi denen nge oloboch niybe tay. U daken fal’ngin Samol ere pi gilingdad ngad paged ea pin’en nib tagan. Rayog ningam thilyeg rogon ngongolen gubin ban’en nibe tomal nigem. Rayog ningam tabob biyay u daken gilngin facha’ niir ea pilung ko kanawo’ nib be’ech. Darma chalban nibe pi e wo’ nib be’ech ngodad.

Ko pi’en nibe magmagawon ko pi denen nge kireb ni gubinyay, mu athamgil. Ya dawritay bayror ngapoow chem. Dawritay ba limit kobin l’agruw ea chance rom. Ngarim athamgil. Makagbe athamgil i yan. Muning ea ayuw ngak ea pi’en nibay u to’bem. Mag pagaen’ ko fare kanawo’ nib be’ech nibay nifnam ni gubin ngiyal’ nigra chel ngam sul ku Chitamam ufithik’ e yul’yul’ e gum’ircha’med. Dap paged ea pin’en nib tagan nge par kogin, nime parriy. Dariy fan ningam mang ea en ni’um moey riy. Mu cha’riy ea kanawo’ rom nib be’ech, nde mutrug ko bin l’agrow, dalip, aningeg, fa raay ea chance nike pi Yesus Kristus u dakan fare miligach nitay.

Gub falfalaen’ nib gaa’ nifan e wo’ nib be’ech ni kug thapeg nge reb e wo’ gura thapeg.

Samol rodad ea yoeg ngbugithin ,ni faan ra dariy madariy fan ea falfalan’ kotiney ea rran. U tomren ea pi gafgow nitay u Gethsemane min tining ngalang ko kuruth, me aram Me gaar, “Ke m’ay.” Kebi aw rogon fapi thin niiyog fapi profet, nike thang pulwon gubin ea denen niybe tay. I yoeg ni ga’ar “kem’ay” ea miligach nike tay. Machane miligach roek ea dawrim’ay nge t’aw nganap’on nike fos ko yam’ u daken ea bin dalip ea rran, fare wo’en nib be’ech ko rir nag, faskoyam’ udaken’ e gelngin Chitimangiy.

Nabchan ea i fol ko Chitamngin, nge bachan ea “gafgow u gil’ilngun ea Chitamngin,” gur nge gag ea rayog ningad fanayew fare kanawo’ nib be’ech. Wenig ni ngam feked ea birom ea kanawo’ nib be’ech, ea dabo’, ko chiney. Yesus Kristus ea ir eba Som’on nge Tommur ko mich rodad. Ir ea Tabolngin nge Tomren—ea gafgow, nge komoon ko rebe kanawo’ nib be’ech ngak, nra ayuwegdad ngad thapeged e garathia rok’, paged e tin ko tomur ban’en man tabab ko boech nib be’ech nga m’on, uurngin yay nib tu’uf ni ngad rrin’ed. Rib Riyul’ “nib mangil nge tamurnguy roek ebay i lek [dad] ni gubin n’umngin ea [yafos rodad].” u dakean fidngan Yesus Kristus, amen.